Chapter 360: You're A Family

Tahimik pa rin ang buong sala ng bumalik si Ashley. Si Tanaga ay naka hawak sa kanyang ulo, habang si Tanaka naman ay sa lapag. At si Naomi ay nakatitig ng masama kay Tanaga. Nagdadalawang isip si Ashley kung papano niya babasagin ang katahimikan.

Minabuti ni Ashley na gumawa ng paraan at tapusin na nila ang kanilang paguusap. Sa ganoon ay maka alis na silang lahat at hindi na niya muli pang makita si Naomi.

"Kung tapos ka na, kailangan na nating umalis. Si Inay ang tumawag at inaalam kung kailang daw tayo makakarating doon?" Aniya ni Ashley habang nakatayo sa tabi ng asawa na seryosong seryoso ang mukha.

Nang marinig ni Tanaga ang sinabi ni Ashley, para itong binuhusan ng isang balde na malamig na tubig. Mabilis itong tumayo at pinagpag ang lukot ng kanyang pantalon. Bago, hinarap nya ang kakambal na kapatid.