Chapter 88: Chapter 88

"Anak!  Kumusta na?  Nakarating na ba kayo sa Japan?"  Masayang tanong ni tatay Jessie habang sila nanay Fely at ang mga kuya niya ay nakikinig din sa kanilang usapan .  Lahat ng lungkot na kanina lang ay kanyang nararandaman, ito ay biglang naglaho na parang bula ng marinig niya ang boses ng ama.

Bakas na bakas ang kaligayahan sa kanyang mukha na halos wala itong pagsidlan.  'Ito ang dahilan kaya siya nangibang bansa, ang mabigyan ang kanyang mahal na pamilya ng magandang buhay.  Si Tanaga ay isang magandang aksidente lamang at hindi niya dapat seryosohin ang kanilang relasyon... Kung ano man ito?'

"Bunso!!!! Sabihin mo sa boss mo na maraming salamat ha! Naswertihan mo anak na nagkaroon ka ng napakabait na amo.  Kaya galingan mung maiigi ang pag-tratrabaho dyan!"  Garalgal ang boses na sinabi ni nanay Fely.