Chapter 312: Nasobrahan sa Pagsasaya (4)

Sobrang nagalit si Huo Yanyan dahil napatigil ni Huo Mian ang mga tauhan ni Zhou Guangming.

Napagdesisyunan niyang palalain ang sitwasyon, "Huwag kayong matakot sa kanya. Babae lang siya at wala siyang kayang gawin na kahit ano. Ang daming tao dito pero hahayaan lang ba natin na umalis ang dalawang ito? Tatawanan tayo ng iba kapag narinig nila ito."

Tumingin saglit si Huo Mian kay Huo Yanyan at sinabi, "Sige, pakinggan niyo lang siya, pero wala akong pakialam kahit maubos pa ang dugo ng Kuya Zhou niyo. Ang pinakamalala ay pagbabayaran ko ito sa kulungan pero, ito kasi yun – kami ni Lingling ay mga pangkaraniwang tao lang at walang espesyal sa amin pero narinig ko na ang Kuya Zhou niyo rito ay isang napakayamang tagapagmana at sa dami ng pera niya ay pwede niya itong sunugin para lang sumaya. Tsk tsk… sayang naman kapag namatay siya ng maaga…"

Pagkatapos magsalita ni Huo Mian, umatras ang mga tauhan nito at ayaw na nilang may gawin pa.