Chapter 4: 4.
Maira hamesha se ek open, cheerful shakhsiyat ki maalik thi, lekin apni CS (Computer Science) ki class mein wo thodi reserved ho gayi thi. Iski ek badi wajah yeh thi ke CS department mein ziada boys thay, jabke larkiyan bohot kam thi. Uska usual masti aur har waqt bongiyan maarna ab thoda kam ho gaya tha, lekin phir bhi uska khud par kaabu rakhna mushkil hota tha.
Pehle din se hi, Maira ko aik larki bohot pasand ayi thi. Us larki ka naam Summayya tha. Summayya bohot khoobsurat thi, usne halka sa skin color ka gown aur scarf pehna hua tha jo uski gentle shakhsiat ko aur bhi zyada highlight karta tha. Summayya ki soft, lekin confident shakhsiyat Maira ke liye aik ajeeb si twist thi.
Ek din jab Maira class mein apne hamesha wale andaaz mein bongiyan maar rahi thi, Summayya ne usay thoda daanta. "Maira, yeh CS ka lecture hai, focus kar lo thoda!" Summayya ka yeh andaz strict lekin friendly tha.
Maira ne thoda guilty feel karte hue kaha, "Haan yaar, meri adat hai na. Har waqt masti karti rehti hoon."
Summayya ne thoda nazrein ghumayi aur kaha, "Waise yeh sab theek hai, lekin class ke waqt thoda serious hona chahiye." Uske baat karne ka andaz itna friendly tha ke Maira ko bilkul bura nahi laga.
Iske baad dono ke darmiyan guftagu ka silsila shuru ho gaya. Maira ko samajh aa gaya tha ke Summayya sirf ek achi student nahi, balki ek extroverted aur bilkul comfortable shakhsiyat ki larki thi.
Ek din class ke baad jab free period tha, Maira ne Summayya se kaha, "Tum meri doston se milo gi? Wo sab bohot interesting hain."
Summayya ne jaldi se haan kar di. "Haan, kyun nahi. Main bhi dekhna chahti hoon tumhare group ko. Waise bhi tum sabke baare mein itni baatein karti rehti ho."
Maira ne muskurate hue kaha, "Chalo, phir milwa deti hoon."
-
Maira ne Summayya ko apne doston se milane ke liye apne usual jagah—university ke lawn—ka rukh kiya. Jab wo wahan pohnchi, toh wahan Nain, Maham, Kainat, aur Shehreen already baithi thi.
"Aray tum log, yeh hai Summayya, meri classmate. Bohot interesting larki hai, bilkul opposite meri," Maira ne hansi ke saath introduce karwaya.
Maham ne foran Summayya ko dekh kar muskurate hue kaha, "Assalam-o-Alaikum, main Maham hoon. Tumhari aur Maira ki dosti kaise hui? Maira toh har waqt mazaak karti rehti hai."
Summayya ne halki si hansi ke saath jawab diya, "Wa-Alaikum Assalam. Haan, pehle din se hi Maira mujhe apni fun-filled stories suna rahi thi. Mujhe laga ke wo sirf mazaak karti hai, lekin phir maine realize kiya ke wo serious bhi ho sakti hai."
Maira ne dramatik andaz mein kaha, "Serious hoon? Haan, bilkul! Main toh ekdum responsible person hoon." Sab ne uski baat pe zor se hansi kar di.
Shehreen, jo thodi reserved thi, lekin jab ghul mil jati thi toh bohot interesting ban jati thi, Summayya se thoda mazak ke mood mein mili. "Tum CS walon ko kaise manage kar leti ho? Maira toh humesha hyper rehti hai."
Summayya ne dheere se hansi aur jawab diya, "Bas, manage karna padta hai. Maira ki energy aur uske jokes mujhe entertain karte hain, lekin kabhi kabhi usay focus karna mushkil hota hai."
Dheere dheere sab larkiyan Summayya ke saath comfortable hoti gayi. Maham aur Shehreen ke saath toh Summayya ka bohot jaldi deep connection ban gaya. Maham ki soft nature aur Shehreen ki thodi se cold lekin understanding shakhsiyat ne Summayya ko apne kareeb mehsoos karaya. Sab milkar mazaaq karti thi, baatein share karti thi, aur nayi dosti ka rishta mazboot hota gaya.
Lekin Kainat, jo hamesha se thodi arrogant aur apne aap ko doosron se behtar samajhti thi, ko yeh nayi larki bilkul pasand nahi ayi. Jab bhi Summayya aur Shehreen ka zikar hota, Kainat usay ignore karti ya koi sarcastic comment daal deti.
Ek din jab sab larkiyan mil kar lawn mein baithi thi, Kainat ne thoda sarcastic andaz mein kaha, "Waise, tum dono (Summayya aur Shehreen) kaafi close ho gayi ho. Yeh group waqai interesting ban raha hai."
Summayya ne politely jawab diya, "Haan, Shehreen bohot achi larki hai. Humari vibe mil gayi hai."
Kainat ne thoda taana maarte hue kaha, "Vibe toh milni thi. Tum dono kaafi different ho baaqi sab se."
Maira ne Kainat ki baat ko cut karte hue kaha, "Chhodo yaar, vibes sab ki alag hoti hain. Sabko dosti karne ka apna tareeqa hota hai."
Kainat ne apne phone par nazar daali aur thoda naaraaz andaz mein chup ho gayi.
-
Summayya ki shakhsiyat hamesha say extroverted thi, lekin Maham aur Shehreen ke saath uski dosti unexpected thi. Ek din jab sab larkiyan milkar university ke baad chai peene ja rahi thi, Summayya ne Maham se kaha, "Tumhari shakhsiat bohot different hai Maira se. Lekin tum dono achi friends ho, kaise?"
Maham ne muskurate hue jawab diya, "Maira aur main opposites hain, lekin isliye hi humari dosti strong hai. Main calm hoon aur Maira energetic, toh hum ek doosre ko balance karte hain."
Shehreen, jo ab tak chup thi, ne apni strong observation ke saath kaha, "Waise dosti ke liye sabka ek jaisa hona zaroori nahi hota. Jab log ek doosre ko samajhte hain, toh unki dosti mazboot hoti hai."
Summayya ne haan mein sir hila diya. "Bilkul. Mujhe bhi aisa hi lagta hai."
Kainat ne phir se koi taana maarne ki koshish ki, lekin is dafa uske paas kuch khaas nahi tha kehne ko. Wo dheere dheere group se door hoti ja rahi thi. Usay yeh baat pasand nahi thi ke naye log, jaise Summayya aur Shehreen, group mein itni jaldi apni jagah bana rahe thay.
-
Ek din jab Maira, Summayya, Maham, aur Shehreen chai peene ke baad wapas university ka rukh kar rahi thi, Kainat ne Maham se thoda rude andaz mein kaha, "Tum log hamesha in dono ko (Summayya aur Shehreen) ko saath le kar chalti ho. Tumhara group thoda alag nahi lagta ab?"
Maham ne thoda samajhdari se jawab diya, "Hum sab doston ka apna connection hai, Kainat. Aur Summayya aur Shehreen bhi humari dosti ka hissa hain."
Kainat ne apne sarcasm ko chhupate hue jawab diya, "Haan, dekha toh hai."
Maira ne is tension ko mehsoos kar liya tha, lekin usne chup rehna behtar samjha. Wo nahi chahti thi ke dosti mein koi daraar aaye, lekin usay lag raha tha ke Kainat ko samajhna mushkil hota ja raha tha.
"Chhodo yaar, sab theek ho jaye ga," Summayya ne dheere se Maira ke kaan mein kaha, jab wo Kainat ki taana baazi se thoda upset lag rahi thi.
Maira ne muskurate hue sir hila diya, lekin usay lagta tha ke Kainat ki yeh attitude sab ke liye dosti ko mushkil bana raha tha.
Weekly Power Status
-- Power
Ranking 
-- Power
stone