Chapter 4: Wikang Filipino sa Kontemporaryong Panahon
Makasaysayan. Maalamat. Ma-proseso at higit sa lahat nagbabago. Iyan ang ating pambansang wika, ang Wikang Filipino.
Mula pa sa pag-aaral ng mga dalubwika noong unang mga panahon, kung paano nagsimula ang mga tunog hanggang makabuo ng mga talatang naghahatid ng makabuluhang mensahe sa bawat pakikipagkomunikasyon, ito man ay pasulat o pasalita.
Ang wikang Filipino ay nagtataglay nang lakas at kakayahang makapagbigay ng isang mahusay na pakikipagkomunikasyon sa mga tao. Wikang nagtataguyod ng isang makabuluhang kultura ng ating bansa.
Wikang dinanas ang lupit ng kamay ng mga dayuhan upang masiil sa rehas at kitlin ang kinang nito at parang nasadlak sa dilim na hindi na aabot sa bagong henerasyon.
Ang wikang Filipino ang sumisimbolo sa ating kalayaan at pagkakakilanlan. Naging simbolo ito ng isang umagang nakangiti para sa lahat ng mga mamamayang Pilipino. Ipinangangalandakan nito ang giting at tapang ng ating lipi. Sa mga bayaning sumigaw ng tapang at pakikipaglaban upang matamasa lamang natin ang kalayaan inaasam.
Sa mga dakilang bayani na sumulat ng iba't ibang panitik gamit ang wika natin upang ihayag ang kalapastangan at pag-aalipusta ng buwitreng mga dayuhan. Wika ang naging sandata upang ang natutulog na diwa ay muling bumangon at mag-alab ang apoy sa damdamin. Upang sa gayon ay itindig ang ating karapatan maging ang ating lumong pagkatao ay unti-unti nang bumabangon upang ipaglaban ang ating mga naaping kaluluwa. Wika ang naghasik ng lahat ng ito. Sumibol ang bagong binhi at nanalaytay ang dugong kaligatan upang ipaglaban ang nararapat sa atin.
At naging matagumpay nga ang ating pakikihamok. Ang wika natin noon na inaangkin ng mga dayuhan ay unti-unti natin nabawi sa kanilang mga kamay. Nagpumiglas, nagpakilala sa buong mundo at higit sa lahat nagningas upang itaguyod ang Wikang Filipino sa hinaharap.
Mahal kong mga kababayan. Ang wika natin ngayon sa balana at bulwagan ang naging totoong kakampi natin sa lahat ng pakikiaglaban gaya ng giyera, kalamidad at krisis. Kung hindi natin ito gagamitin at ipaglalaban. Mamamatay tayong dilat ang mata at luhaan.
Tandaan natin na ang wikang Filipino ang siyang ating lakas at panday sa karunungan. Ipapakita niya sa atin ang inaasam na liwanag sa karimlan.
Gamitin natin ito at itaguyod sa daratal pang bukas.
Maraming salamat.
Weekly Power Status
-- Power
Ranking 
-- Power
stone