#Bujang_Berani_Kempang
#Ensera_John_Enggau_Anak_Jagu
Tajuk;"Dendam Bujang Berani" ( Nyidi)
Dikarang:#John_Jovi
Diseruri; John jovi
Tusun 2...
Udah apai tuai nya abis bejaku enggau bangkai niang indai anak mit nya. Apai tuai nya lalu ngiga kayu kena iya ngaga sandak dikena iya numbak tanah ngaga lubang ke indai anak mit nya. iya tetemu ke kayu masam, iya terus mantap pun kayu nya.
Udah tembuk mantap kayu, apai tuai nya lalu ngelancam kayu nya digaga iya baka sandak. Udah tembuk ngelancam kayu,apai tuai lalu setat mih numbak tanah ngaga lubang kena nanam ke bangkai niang indai anak mit nya.
Tubuh siku apai tuai nya ulih tetumbak ke lubang 3kaki pendalam cukup alai iya nyimpan bangkai niang indai anak mit nya. cukup mih ku ati iya.Apai tuai nya niki katas, sebedau apai tuai nya ka muai bangkai niang indai anak mit nya kedalam lubang.
lama endur apai tuai nya meda mua niang indai anak mit nya. Enyau kepuas iya merati ke bangkai niang indai anak mit nya. Dia apai tuai nya tepeda ke siti marik digaga ari taring ngeli jelu jugam. Apai tuai nya lalu bejaku baru enggau bangkai niang anak mit nya.
------Jaku apai tuai----
Endu.!! minta ampun aku anak ukai aku sengaja ka ngambi marik ngeli jelu tu, laban deka diberi aku ngagai anak nuan tu. Aku nmu marik tu ari purih orang :Bujang Berani", semina anak nuan tu aja mih nganti darah getah orang "Bujang berani" aku bejanji ba nuan anak.Aku sigi madah ke ral utai ke udah nyadi ba nuan enggau laki nuan anak. Sampai mati aku nyaga anak nuan sampah iya besai ila nya orang ti berani.
semua penemu aku sigi aku beri ngagai iya siku aja. Aku nyaga,ngajar iya sampai nemu reti utai ila. Diatu pulai mih nuan anak ngagai menua asal kitai,tinduk jenak nuan udah tu. Badu nuan ngetat kepedis dipantap orang enggau duku. Besaup mih kitai nyaga anak nuan tu ngambi iya gerai nadai utai ngacau ngeregau anak nuan. Ngambi ke anak nuan tu lantang nguan menua.l
pia ku jaku apai tuai nya besampi bejaku enggau bangkai indai anak mit nya tadi. Udah apai tuai bejaku,dia apai tuai nya lalu ngangkat ke bangkai indai anak mit ngagai lubang.
udah apai tuai nya ngatur bangkai indai anak mit nya,baru apai tuai nya ngambi kayu baru kena iya nyangkul tanah kena ngelamun bangkai indai anak mit nya tadi.
Udah sida apai tuai nya tembuk ngubur ke indai anak mit nya. dia iya lalu ngambi anak mit nya. Ari pan enyau lemai apai tuai nya lalu bejampat mai anak mit nya pulai enyau belanda landa cit tudah apai tuai nya berumban ke hari enyau lemai, agi pan agi pan iya ngenang anak mit nya ada ba tanah. Mayuh utai sigau laban ensium bau darah indu baru udah beranak.
Kira pejalai sejam ari alai indai anak mit ke ditumbak. Orang agi kelia enti pejalai sejam disebut enda jauh laban teleba bejalai kaki. Apai tuai enggau anak mit ke dibai iya nya tadi datai ba langkau alai apai tuai enggau bini iya diau. apai tuai nya lalu rerauh ngangau ke nama bini iya...
****Ooooo indai tuai, peda nuan indai tuai.. Anak mit diberi petara ngagai aku***
pia ku jaku apai tuai nya madah gai bini iya. Bini, apai tuai nya ninga nyawa laki iya te" rerauh munyi datai ari mua pintu.angkat iya lalu nguing ke belakang deka meda nama utai ko laki iya nya. Baru aja bini, apai tuai nya nguing sekali iya meda laki ya merap anak mit siku baru ada.
Meda pia bini, apai tuai nya beguai deka ngambi anak mit nya ari jari laki iya. Indai tuai nya lalu bejaku enggau laki iya.
-----Jaku bini apai tuai ke mai anak mit-----
Apoooo Ungkap!! dini nuan bulih anak mit tu Ungkap. Nuan anang ngechuri anak orang Ungkap bunuh orang kitai. Nemu nuan Ungkap. Udah pusat anak mit tu lalu bedau ditetak tali pusat. akaii dih ungkap nama mih nuan ngaga anak mit tu bakanya..
---- Ninga bini iya munyi nya dia dih ungkap lalu nyaut jaku indai tuai iya--
Aehhh!! Deh Mayang, nuan te' nyebut utai ngapa,lalu abis jerita aku nuan lalu nyaut jaku aku. nya bakatu indai tuai, aku tadi bejalai ba kampung deka ngiga jelu babas nadai ga jelu dipeda. Sampai aku datai ba kaki Bukit Kelingkang din endur aku begiga ke jelu ke bisi ayan ba mata aku.
Jaku, tang nadai ga di peda mata. Nadai kala aku begiga te'nadai bulih siku jelu abis nadai burung senpidan ulih,tu munkang nadai enda nemu agi aku. Meda nadai utai siku ngira ka bejalai mua ke kanan aku bejalai ba lebak Bukit Kelingkang. Sekali aku ninga udah bedarup dikumbai aku punguk kayu labuh lalu ngira ka pulai aku.
Tang sekali aku nguing mua ke kanan peda aku orang indu gegaring ba tanah. Aku pan lalu malik kulu, malik kiba angka ke bisi musuh datai ngayau menua orang ke semak ari Bukit Kelingkang.
Meda orang nadai siku baru aku mansang semak indu nya,datai aku ba indu nya. Peda aku tubuh indu nya enyau kin kia bekecibak kecabik abi dipantap orang enggau duku. ati takut mih indai tuai deka megai indu nya nangi ke kaban belayan indu nya meda enda alah legi aku dikumbai orang munuh iya.
Laban ati enda kempang meda mensia begaring bakanya aku lalu terus ngangkat ke indu nya. peda aku iya baka ke enda nmu orang. iya lalu ka dileka keaku tang aku ngasai ba bahu aku te"asai dipegai orang.
palik aku ke bahu tunga ke kanan, peda aku jari orang megai aku.Dia aku terus deka ngeleka keiya laban takut pia ke kesal meda jari orang tau nemu bepegai ba kitai. Enda lama peda aku mata iya pepesap ka ngengcelak. Bendar iya peda aku muka mata.
Indu nya lalu bejaku enggau aku madah ke diri diserang musuh, sida serumah ke ka ngetan ke menua diri habis mati dikayau bala iban sepiak menua kitai kin. Orang bukai lari nengah jalai kebetul. seduai laki bini salah jalai laban nengah jalai musuh mansang ngayau ke menua sida.
datai ba tinting Bukit Kelingkang dia seduai laki bini betemu enggau musuh. seduai laki bini diserang musuh,Laki iya dipantap musuh ba pala. indu nya dipantap orang ba belah tubuh.
Betampung ba tusun ke 3
Dikarang; John Jovi
24/02/2020