Chapter 8: Salamin
Teka... Sino ka? Sino ka nga ba?
Pasensya ka na, hindi kita maaninag.
Mukhang kailangan ko na ng bagong salamin
Dahil ang mga sitwasyon
kahit gaano kalapit sa akin
ay nahihirapan na akong basahin.
Lumalabo na ang aking mga mata
-ang aking paningin
Grado ng mga lente sa akin mga mata
ay hindi na akma
hindi ko na makita kung ano ang tama.
tama pa ba? o tama na?
mukhang mga mata ko lang ang may tama.
Mukhang kailangan ko na ng bagong salamin
hindi lang para sa aking mga mata
pati na rin sa aking puso
dahil lumalabo na ang aking pagtingin sa iyo sinta.
kailangan ko na ng bagong salamin
lente ay may lamat na
tulad sa pagmamahalan nating dalawa
may lamat dahil nasaktan mo ako
at nasaktan kita.
kailangan ko na ng bagong salamin
dahil ito'y nabali, nasira
parang ating pagsasama.
Kailangan ko na ng bagong salamin
dahil nawala na ang luma...
parang ikaw, wala ka na.
pero nakalimutan ko, labo ka rin pala
kaya pareho nating kailangan ng bagong salamin
para makita natin ang repleksyon
na ikaw ay ako rin at ako ay ikaw din
kaya ang tayo ay kailanman hindi maaaring patirin
kailangan natin ng bagong salamin
magsimula tayong muli at ang lahat ay ayusin.
Weekly Power Status
-- Power
Ranking 
-- Power
stone