Chapter 22: Chapter 2.1
Black Hoods Vs. Three Warlords!
Malakas na sambit ng MC na siyang naghudyat kina Evor at sa magkambal upang pumunta sa loob ng field.
Sa dami ng naunang mga grupo na masasabing malakas ay seryosong nagkatinginan ang tatlo. Halatang pinaghandaan nila ang ganitong kompetisyon at masasabing seseryusuhin nila ang labang ito.
Makikitang tatlong naka-hoodie na mga estudyante ang makakalaban nina Zen, Zero at Evor.
Sa tikas ng tatlong lalaking estudyante ay halatang may ibubuga ang mga ito.
Hindi nila alam kung paano ang mga ito lumaban pero alam nila kung ano ang kayang gawin ng tatlong ito.
Binansagan na trio ang mga ito lalo na at nagco-compliment ang mga summons ng mga ito.
"Handa na ba kayong matalo?!"nakangising demonyong wika ng nasabing lider ng Black Hoods.
Kitang-kita naman na kalmado lamang sila ni Evor nang mapansin na nagbato na ng kanilang Summoner's ball ang tatlong makakalaban nila.
WHOOSH! WHOOSH! WHOOSH!
Golden Tree!
Earth Golem!
Stone Statue!
Hindi aakalain ni Evor na makakaharap nila ang trio na ito. Pare-pareho ang elemento ng tatlong summoner na ito at kung hindi siya nagkakamali ay malalakas ang depensa ng mga ito.
Mabilis namang nagbato ng kanilang summons si Zen at Zero. Isang Metallic Armored Soldier na halos kasing laki ng Earth Golem ang familiar ni Zero habang kay Zen naman ay isang Arrowed Witch ang summon nitong gagamitin sa laban. Kapwa ikatlong familiar ni Zen at Zero ang mga ito. Ito lang ang maaaring gamitin nila laban sa mga atakeng ito ng kalaban nila.
Agad na kinuha ni Evor ang summon niyang Blue Sea Serpent ngunit hindi niya ipapakita ang totoong kaanyuan nito. He must come prepared dahil gusto niyang manalo sa labang ito.
Ang napiling i-summon ni Evor ay isang Dark Cube. Kahit ang magkambal ay hindi na nag-usisa pa.
Ang halos lahat ng mga estudyanteng nanonood ay natawa sa kanilang nakita ngunit kitang-kita ang pagkagulat ng mga guro sa kanilang nasaksihan.
Nag-umpisa na ang laban nang kitang-kita kung paanong biglang umatake ang Earth Golem.
Gamit ang mga kamay nito ay kitang-kita kung paanong lumapat ito sa lupa at lumabas bigla ang nagtatalimang mga batong patungo sa kinaroroonan ng Arrowed Witch.
Napangiti naman si Zen nang mapansin na nakailag ng mabilis ang summon niya.
Kumislap ang mata ng Arrowed Witch kasabay nito ay bigla itong umatake gamit ang isang palaso nito sa nasabing panang hawak.
WHOOSH!
Mabilis na bumulusok ang nasabing palaso at patungo ito sa Earth Golem.
Nanlaki naman ang mga mata ng manonood lalo na at ang mismong atake ng Earth Golem ay pabalik mismo rito.
Mabilis na natamaan ang Earth Golem ng mga naglalakihang mga patulis na bato.
Napangiti si Zen ngunit mabilis na napawi iyon nang mapagtanto na mukhang hindi niya napinsala ito.
Maya-maya pa ay kitang-kita niya na nagbago ito ng anyo na tila naging payat ang nasabing summon.
Sumabog ang ilang piraso ng katawan nito at dito ay kitang-kita na nagbago na talaga ito ng anyo.
Sumugod na din ang Stone Statue sa mismong Metallic Armored Soldier. Kakaiba lamang dahil tila nagising ang Stone Statue at maya-maya pa ay tumayo ito.
Mula sa tila nakaupong estatwa ito na tila higanteng tao na may ulo ng ibon ay nagkaroon ito ng buhay kasunod nito ay tumatakbo na ito patungo sa kinaroroonan ng Metallic Armored Soldier.
BANG!
Isang malakas na suntok ang pinakawalan ng Metallic Armored Soldier sa Stone Statue at nagkapira-piraso ito.
Imbes na matuwa si Zero sa tagumpay na ito ay nagkamali siya. Biglang nabuo muli ang katawan nito nang umilaw ang mga mata nito.
Nasa second phase evolution na ito, Mummified Stone Statue. Iyon ang tawag ng kalaban nila sa nasabing summon nito.
Samantalang ang Golden Tree naman ay tila natanim sa lupa at kitang-kita kung paanong lumago ang dahon, puno at maging ang mga ugat nito sa lupa mismo dito sa field.
Kapansin-pansin na lumalaki ito samantalang ang Dark Cube ni Evor.
Mula sa isang malaking cube ay nahati ito sa hindi mabilang na mga parisukat sa laki na cube at tila nahati ang mga ito sa iba't-ibang parte ng field na siyang ikinapagtataka ng lahat ng mga manonood.
Talagang kuhang-kuha nila ang estratihiya ng grupo ng Black Hoods lalo na at kitang-kita na lumalakas ang Stone Statue at Earth Golem habang lumalaki ang nasabing pambihirang puno na summon na tinatawag na Golden Tree.
BANG! BANG! BANG!
Kitang-kita ni Evor kung paanong tumalsik ang Metallic Armored Soldier at ang Arrowed Witch nang umatake ang dalawang summon ng kalaban nila na ngayon ay tila nababalutan ng kakaibang ginintuang enerhiya.
Vitality!
Ito ang naisip nilang pambihirang epekto ng Golden Tree na iyon ng Black Hoods.
Hindi makapaniwala si Zero at Zen na pambihira ang nasabing punong iyon.
Sa ilang minuto lamang ay halos magkasing-taas na ang Earth Golem at ang pambihirang Golden Tree ng kalaban.
Mukhang lumalaki pa ng lumalaki ito. Maya-maya pa ay nagkaroon pa ito ng dalawang naglalakihang mga bunga.
Vitality Fruit!
Iyon ang naiisip ni Zen at Zero. Naghanda muli ang Arrowed Witch at ang Metallic Armored Soldier para sa susunod nilang atake.
Nagliwanag ang katawan ng Metallic Armored Soldier at nagbago ang kaanyuan nito lalo na't naging dragon plated ang armor nito.
.
Naging Metallic Armored Dragon Soldier ito, ang second phase ng summon ni Zero.
Nagtungo ito sa Stone Statue.
Habang ang Arrowed Witch ay nagbago ang hawak na pana nito at tila humaba ang buhok nito na nakalaylay na sa lupa.
Nasa second phase na ito na tinawag ni Zen na Arrowed Killer Witch.
Bigla itong umatake at sa pagkakataong ito ay naging dalawa ang palaso nito.
Skill: Killing Arrows!
Ang isa sa mga palaso ay bumubulusok ng mabilis sa Earth Golem habang ang isa naman ay patungo ito sa mismong Golden Tree.
Kitang-kita kung paanong nagbago ang palaso nang tumama at tumusok ito sa mismong katawan ng Earth Golem at Golden Tree. Naging pulang tali ito na tila gawa sa baging.
Mabilis na nawalan ng kulay ang balat ng Earth Golem na siyang sa isang iglap ay naging Summoner's ball.
Napasalampak naman sa lupa ang nasabing summoner ng Earth Golem.
Agad namang napasuka ng sariwang dugo si Zen nang mapansing tila kay lakas ng resistensya ng Golden Tree ng kalaban nila.
Biglang nangayayat at naging matanda ang Arrowed Killer Witch niya. Sinubukan niya pang labanan ngunit namilipit siya sa sakit at bigla na lamang naging Summoner's ball ang nasabing summon niya.
BANG! BANG! BANG!
Kitang-kita na walang kalaban-laban ang Metallic Armored Dragon Soldier ni Zero sa Stone Statue na ngayon ay punong-puno at nagliliwanag na kulay ginto ang katawan nito.
BANG!
Isang malakas na suntok ang pinakawalan ng Stone Statue at kitang-kita kung paanong mabilis na naging Summoner's ball ang nasabing summon ni Zero.
Nagkatinginan ang magkapatid at kitang-kita ang lungkot sa mga mata ng mga ito.
Sa pangalawang pagkakataon ay nabigo silang muli upang manalo sa labang ito.
"Evor, na ang gagawin natin?! Mo?!" Ang tanging nasambit ng magkambal na halatang wala na ring lakas upang magsummon pa.
Wala silang naging laban sa Golden Tree na may vitality energies at patuloy pang lumalaki.
Weekly Power Status
-- Power
Ranking 
-- Power
stone