Chapter 16: Chapter Sixteen
Halos mayanig ang buong umaga ko pagpasok ko ng school. Dinumog ako ng napakarami kong kaklase pati na rin ng mga taga-kabilang section. Noong una akala ko ay dahil sa nangyari sa mall. Baka may kumalat akong video dahil na naman sa Crazy Trios. Nakahinga naman ako nang maluwag nang malaman ang totoong dahilan.
"Samantha boyfriend mo ba yung model na pumunta dito nung friday?"
"Ang cute naman ng boyfriend mo!!"
"Ang akala talaga namin kay Audrey na boyfriend yun eh."
"Ipakilala mo naman ako sa friends ng boyfriend mo!! Ayiiieee!!"
"Ano'ng ikaw?! Tumabi ka nga dyan, AKO!! Ako nalang ang ipakilala mo sa friend ng boyfriend mo!! Yung gwapo rin ha!!"
"Ako rin!!"
"Ayiiiee!! Ako rin ipakilala mo Samantha!!"
"Mag-set ka naman ng group date, Samantha!"
Hay. Akala ko kung ano na. Group date lang pala ang gusto nila. Dahil ba ito sa school namin na walang bakas ng kalalakihan? Dapat gayahin nila ako, hindi kailangan ng lalaki para mabuhay. Nagpatuloy sila sa kanilang pangungulit sa akin. At ang 'Crazy Trios' ayun, pinagtatawanan ako sa isang corner ng classroom. I wanna go home! Natapos lang ang pangungulit ng mga kaklase ko sa akin nang dumating ang instructor.
Pagkatapos naman ng klase inutusan ako ng instructor para dalhin sa library ang mga libro. Kailangan ko ng extra points kaya naman pumayag ako. These past few days kasi nawawala ang focus ko sa pag-aaral. Kasalanan kasi 'to ng gangster na 'yun eh. Napatingin ako sa mga librong buhat ko. Grabeh pakiramdam ko hihiwalay na ang mga braso ko sa balikat ko.
"Samantha!" tawag ni Audrey. Not now!
"Ano'ng kailangan mo Audrey?" tanong ko. Nag-iisa siya sa tapat ng pintuan ng library.
"Kayo ni TOP, ano ang relasyon nyo sa isa't-isa?" seryosong tanong niya.
"Wala." Pumasok ako sa loob ng library.
"Sigurado ka?" Sinundan niya ako. Sino ba talaga si TOP sa buhay niya?
"Oo. Bakit?" Ipinatong ko ang mga libro sa unang bakanteng lamesa na nakita ko.
"Mas mabuti nang malinaw," mataray na sabi niya. "Kailan ba kayo nagkakilala?"
"Linggo." Bumuntong hininga ako. Naalala ko 'yung sinabi ni Red sa'kin. Wala siyang girlfriend. Ano ang relasyon nila ni Audrey?
"Okay, that's all I need to know."
"Gee." Tumalikod na ako at naglakad paalis. Pero natigilan ako sa sinabi niya.
"Matagal na pala syang nakalabas ng kulungan."
"Excuse me?" Humarap ako sa kanya.
"Oh! Hindi mo alam? Tsk! Akala ko pa naman alam mo na ang tungkol sa bagay na 'yon."
Si TOP? Galing sa kulungan?
Weekly Power Status
-- Power
Ranking 
-- Power
stone