Chapter 391: Oh' My Gay!-2

Pagkatapos ipakilala ni Mrs. Garcia si Sato sa asawa at kay Dr. Green, dinala niya ito sa silid na kanyang gagamitin. Habang sina Ashley at Tanaga ay nagtungo sa kanilang silid upang magbihis ng pang bahay bago bumalik sa silid kung saan naglalaro ng chess sina Dr. Garcia at Dr. Green.

Sa sandaling maisaayos ni Mrs. Garcia si Sato sa kanyang silid, tumungo naman siya sa silid nilang mag asawa upang mag bihis din ng damit pang bahay. Nang matapos siyang makapagbihis ng damit, sa kusina naman siya tumungo upang suriin kung ano ang inihanda ng chef para sa kanilang hapunan. Kailangan din niyang ipaalam na maghanda ng isa pang set ng mga kagamitan para kay Sato.

Samanatala, nang dumaan sina Ashley at Tanaga sa kusina, naamoy ng mga ito ang masasarap na aroma ng pagkain na nagmumula sa loob. Sabay na nagtinginan ang mag asawa na pareho ang iniisip. 'Ano kaya ang pagkain na inihanda para sa hapunan na napakasarap ng amoy?'