Chapter 651: Ang Pinaka-kinatatakutan ay Nagkatotoo (1)

"Kung takot ako, hindi kita papakasalan."

Takot ba siya? Syempre hindi. Siya ay si Huo Mian, ang walang takot na babae na kayang malagpasan ang kahit na ano.

Nakakatakot man ang mga salita pero magiging nakakatakot lang ito kung may makikinig dito… pero bakit siya makikinig sa mga taong sinasadya baliktarin ang katotohanan?

Ang mga salitang ito ay parang utot lang para sa kanya…

Naantig si Qin Chu sa mga salita ni Huo Mian…

Alam niya na ang asawa niya ay isang malakas at maliit na bulaklak… tumutubo ito laban sa mga hangin.

Hindi hangal ang PR department ng GK; pagkalabas ng balita, kaagad umaksyon ang PR para protektahan ang kumpanya, kasama na rin dito sila Qin Chu at asawa nito.

Kumuha pa nga sila ng maraming netizens para salungatin ang mga taong binabaluktot ang katotohanan.

Nung gabing yun, nagtatrabaho si Qin Chu sa study.

Nakasandal si Huo Mian sa sofa, naglalaro ito ng phone iya habang kumakain ng tsitsirya…