Chapter 523: Ang Katotohanan Tungkol sa Dong Tao Town (3)

"Sige." Tumango si Su Yu.

Malinaw na sinabi ni Huo Mian ito kaya kapag nagpatuloy pa rin si Su Yu na padaliin ang mga bagay-bagay para sa kanya, magmumukha itong kawawa.

Alam ni Su Yu na may mataas na IQ si Huo Mian kaya mananalo pa rin ito kahit na hindi niya padaliin ang mga bagay-bagay…

"Magsimula na tayo," sabi ni Huo Mian habang nakatangin sa dealer.

Isinuot ulit ng dealer ang puting gwantes at nagsimulang balasahin ang mga baraha sa dalawa; ang patakaran ng kakaibang blackjack na ito ay simple.

Bawat isa sa kanila ay kukuha ng isang baraha, at sinuman sa kanila ang may pinakamalapit sa 20 nang hindi gumagamit ng pass, ang panalo. Syempre, kung mas malapit ito sa 20, mas maganda.

Kapag lumagpas kasi sila, matatalo sila, pero pwede sila mamili kung gusto nila o hindi na ng panibagong baraha…

Ibinigay ng dealer ang unang baraha kay Su Yu, at kaagad namang ipinakita ni Su Yu ito sa lamesa. Ito ay siyam na pulang puso.