Chapter 422: Huwag mo akong Guluhin (2)

"Nakipagpustahan siya sa tatay niya." Habang may sigarilyo sa bibig niya, mabagal itong ipinaliwanang ni Gao Ran.

"Anong pustahan?" Nararamdaman ni Huo Mian na malapit ng mabunyag ang katotohanan.

Pagkatapos ng ilang sandali ng katahimikan…

Tinanggal ni Gao Ran ang sigarilyo sa kanyang bibig at tinapik ito para maalis ang abo.

"Pitong taon ang nakakalipas, si Qin Chu ay hamak na bata lang. Hindi pa siya malakas para bigyan ka ng maayos at masayang kinabukasan kaya nakipagpustahan siya sa tatay niya. Mag-aaral siya sa abroad sa loob ng pitong taon at hindi pwede kumontak ng kahit sino rito, kasama na ikaw."

"Bakit ang dali niyang pumayag?" Naguluhan si Huo Mian.

"Dahil nagbigay ang tatay niya ng nakaka-enganyong kondisyon."

"Anong kondisyon?" Pakiramdam ni Huo Mian ay may kinalaman ito sa kanya.