Chapter 930: Pagpapatuloy (11)
Editor: LiberReverieGroup
Sa tuwing magkasama sila, lagi lang itong kalmado at parang walang iniindang
problema. Pagnagugutom siya, pinagluluto siya nito; kapag nauuhaw siya,
binibigyan siya niyo ng tubig; kapag gusto niyang maligo, pinagiigib siya
nito….Sa totoo lang, wala siyang natatandaan na nagdemand ito sakanya…
Siya ang kusang nagbibigay ng regalo, pero kahit kailan, hindi ito humingi…
Hindi niya ito nakitang umiyak, tumawa ng todo, o kahit manlang nagkwento ng
mga pinagdadaanan nito, simple man o malalim…
Sa walong taon nilang pagsasama, ang buong akala niya ay kilalang kilala niya
na ito… pero ngayon niya lang napagtanto na malayong malayo pala ang Song
Xiangsi na kilala niya sa tunay na Song Xiangsi…
Noong sinabi nitong nagpa'abort ito, sobrang nagalit siya kasi hindi niya
matanggap na ayaw nito sa anak niya… Akala niya, dala lang yun ng pagiging
sobrang makasarili nito… Pero ngayon… narealize niya na hindi si Song
Xiangsi ang sumira ng relasyon nila, kundi siya….
Mula noong nagsama sila, kahit kailan, hindi siya gumawa ng paraan para
maramdaman nitong espesyal ito…
"Tapos, noong naging sikat na si Sisi, ilang beses din siyang hindi nakauwi dito
para magcelebrate ng New Year.
"May isang bisperas ng bagong taon na hindi siya nakauwi kasi may
tatanggapin daw siyang award, pero alam mo ba? Pagtungtong ng alas dose,
tinawagan niya ako… Sobrang tahimik sa linya niya siguro magisa lang siya…
Kahit hindi niya sabihin, alam kong nasa labas siya 'nun kasi rinig na rinig
yung hangin .
"Sobrang ganado niya habang kinakausap ako…kinuwento niya na nakuha niya
ang best actress award at malaki daw ang nakuha niyang pera… Pagkatapos
daw nun, lalo pang lalaki ang kita niya kaya magtatrabaho siya ng mas maigi
para raw makapag enjoy ako pagtanda ko… Marami siyang kinuwento… Pero
alam ko, hindi siya masaya…
"Noong gabing 'yun, matagal kaming nagusap… Hindi ko sinabi sakanya na
nararamdaman ko, pero sigurado ako… Papa niya ako eh… Siguro malungkot
siyang magcelebrate magisa ng New Year kaya tinawagan niya ako."
Nanatiling tahimik si Xu Jiamu, pero sa pagkakataong ito, maging siya ay
mangiyak-ngiyak na rin habang nakikinig kay Mr. Song.
Noong gabing natanggap ni Song Xiangsi ang best actress award, nakita
niyang nag'missed call ito sakanya, pero dahil nagkakasiyahan sila ng mga
kaibigan niya, hindi niya narinig na nag'alert ang kanyang phone.
Kinaumagahan niya na ito tinawagan para itanong kung bakit. Ang sabi nito
wala naman daw problema… Noong tinanong niya naman kung nasaan ito,
sabi lang nito, umuwi raw ito ng probinsya…
Naniwala naman siya.
Ngayon niya lang nalaman na nag'New Year pala ito ng magisa sa Beijing.
Siguro sobrang lungkot nito nung gabing yun, pero nasan siya para damayan
ito?
Oo nga pala… Kahit kailan, hindi niya pinaramdam kay Song Xiangsi na
mahalaga ito sakanya, kaya bakit naman ito dedepende sakanya?
Pagkatapos ng mga litrato, binuklat naman ni Mr. Song ang mga tinago niyang
ginupit na magazine at dyaryo. Bilang tatay, siya ang higit na nasasaktan
ngayon na inaalala niya ang mga pinagdaanan ng anak, kaya bago
magpatuloy, pinunasan niya muna ang kanyang mga luha. "Maganda ba ang
Sisi ko?"
Tumungo si Xu Jiamu. "Sobra po."
"Ibig sabihin… ang ganda niya ang dahilan kung bakit mo siya nagustuhan at
binigyan ng fifty thousand dollars?"
Hindi inaasahan ni Xu Jiamu ang magiging tanong ni Mr. Song, kaya hindi siya
nakapagsalita habang nakatitig dito.
"Wag mo ng itago, alam kong walang boyfriend ang anak ko." Bakas ang
konsensya sa mga mata ni Mr. Song habang nagpapatuloy. "Alam kong
nakipag kasundo siya sayo para sa pampabayad sa operasyon ko. Alam ko na
'yun noong araw palang na binayaran niya ang mga bill ko sa ospital. Anak ko
siya kaya kilalang kilala ko siya… Alam ko kapag nagsisinungaling siya. Alam
ko na noon pa pero hindi ko lang sinabi sakanya kasi alam kong malungkot na
siya at ayokong dagdagan pa yun, at ang tanging rason lang kaya nagpumilit
ako sakanya na makita ka ay dahil may gusto akong ibigay sayo."
Gifts
-- Gift
received Weekly Power Status
-- Power
Ranking 
-- Power
stone