Chapter 574: Ang Mga Bagay na Hindi Niya Nalaman (5)

Editor: LiberReverieGroup

Ang mga putahe sa "Lijing Pavilion" ay mabilis na dumating sa mesa. Ang napakagandang kubyertos na sinamahan ng liwanag na mga pinggan ay mukhang magbibigay ng gana sa sinuman.

Tinanggal ng assistant ang papel na nakabalot sa chopsticks at ipinasa ito kay Qiao Anhao, "Lahat ng mga ito'y paborito mo. Ubusin mo at mag-uusap tayo."

Hindi kinuha ni Qiao Anhao ang chopsticks. Ang kanyang labi ay gumalaw na tila ba'y may gusto siyang sabihin ngunit bago pa man ito, tinulungan siya ng assistant. "Nagtataka ka kung paano ko nalaman na paborito mo itong mga putahe, tama ba?

Hinila niya ang dulo ng kanyang labi at kinain ang mga tanong na gusto niyang sabihin.

"Sinabi sa akin ni Mr. Lu." Ang assistant ay nagpakita ng malumanay na ngiti, at lumagok ulit ng beer. Lumingon siya at tumingin kay Qiao Anhao, "kumain ka muna, mag-usap tayo pagkatapos."

Nang sabihin ito ng assistant, kinuha niya ang chopsticks at nagsimulang kumain.

Tumingin sandali si Qiao Anhao sa assistant bago niya kunin ang chopsticks, at tahimik na nagsimulang kumain.

Ito ay mga paborito niyang pagkain, ngunit wala siyang gana. Kinailangan niyang pilitin ang sarili niyang kainin ito.

Pagkatapos lumipas ng kalahating oras, hindi niya na kayang kumain pa at binaba ang kanyang chopticks sa mesa. Tinaas niya ang kanyang ulo at tumingin sa assistant, na mas naunang binaba ang chopsticks at tumingin sa bintana, iniisip ang tungkol sa sinong nakakaalam. Naubos niya ang dalawang boteng beer sa harap niya.

Sa tunog pa lang ng pagbaba ni Qiao Anhao ng kanyang chopsticks sa mesa, lumingon ang assistant at nagtanong, "tapos na?"

Malumanay na tumango si Qiao Anhao.

Itinaas ng assistant ang kanyang kamay at tinawag ang weyter. Umorder pa ito ng dalawa pang bote ng beer. Pagkatapos maghintay na dumating ang beer, nagbuhos siya ng isang tasa para sa kanyang sarili at ibinagsak ito. Pagkatapos ay hinugot ang telepono sa kanyang bulsa at inabot ito kay Qiao Anhao.

Nagpahiwatig ng pagkalito ang mga mata ni Qiao Anhao.

"hindi ba't tinatanong mo kung nasaan si Mr. Lu?" Malalaman mo kapag nakita mo kung ano ang nasa telepono." Matapos magsalita ng assistant, binaba nito ang kanyang ulo, at nagbuhos ulit ng isang tasang beer para sa kanyang sarili. Kumuha siya ng isang malaking lagok.

Ang telepono ng assistant ay agad na umilaw sa isang pindot ni Qiao Anhao. Nakita niya na ang ibig sabihin nito ay basahin niya ang isang email.

Si Lu Jinnian ang nagpadala sa kanya ng email.

Ang email ay nagsimula sa pamamagitan ng pagsasabi sa kanya kung sino ang mamamahala sa ilang mga trabaho sa Huan Ying Entertainment. Pagkatapos nito, sinabi sa kanya ni Lu Jinnian na si bise presidente Wang ay pansamantalang mamamahala sa mga pagpapatakbo ng negosyo.

Ang email ay hindi lamang nagtapos doon. Sa ibaba, may mahabang seksyon kung saan si Lu Jinnian ay nagsulat ng personal na bagay sa kanyang assistant.

"Narito ang mga pagkain na gustong kainin ni Qiao Qiao. Kapag bumalik siya sa set, mangyaring sabihin sa crew na magluto ng higit pa sa mga pagkaing ito kung mayroon silang oras.

Ang kanyang pangarap ay ang maging pinakamagaling na babaeng aktres, kaya't mangyaring maghanda para sa mga ito sa panahon ng mga nominasyon sa katapusan ng taon

Ang industriya ng aliwan ay medyo magulo. Ito ay hindi ligtas sa isang babae na mag-isa, kaya't mangyaring alagaan mo siya at wag mo siyang hahayaang magdusa.

Mayroon akong isang villa sa bundok Yi. Kapag mayroon kang oras, mangyaring isara ang mga bintana, lalo na ang isang silid sa bandang kanluran, kung sakaling bumagsak ang ulan sa bintana at papunta sa mga drowing ng kanyang sa mesa. Oh, tama. Huwag mong isara ang mula-sahig-hanggang-kisameng bintana sa likod ng pintuan ng unang palapag - Gusto ni Qiao Qiao na umakyat mula roon. "

Si Lu Jinnian ay nagsulat ng marami sa assistant. Si Qiao Anhao ay nagbukas ng ilang mga pahina hanggang sa wakas ay naabot na niya ang dulo.

Ang kanyang isip ay blangko. Hindi niya lubos na maunawaan kung ano ang kahulugan ni Lu Jinnian sa pamamagitan ng pagpapadala ng email sa assistant nito. O marahil, talagang naunawaan niya ngunit hindi siya handa.

comment 10 comment

Vote

SEND GIFT

Load failed, please RETRY