Chapter 357: Hindi Ba Isa Lamang Siyang Katawatawa？

Sa kalaliman ng gabi, sa loob ng paliguan ng hotel

Nakahawak si Mo Ting kay Tangning habang sila ay nakahiga sa loob ng bathtub; hinahalikan nito ang likod ni Tangning ng buong pagmamahal.

Dahil si Tangning ay nagpaikot ikot sa sahig ng ilang beses habang ginagawa ang eksena ng panganganak ngayong araw, may naiwang maliliit na gasgas sa kanyang likod. Habang tinitingnan ni Mo Ting ang mga sugat ni Tnagning, dumilim ang mga mata nito, "Nasugatan ka."

"Saan?" walang naramdamang sakit si Tangning. "Siguro ay maliit lang na gasgas."

Inilagay ni Mo Ting ang kanyang baba sa balikat ni Tangning at sinabi sa malalim na boses, "Mula ngayon, huwag mong hayaan na magasgasan ang sarili mo - kahit na maliit pa ito." 

"Pero, naiinggit ako sa mga babae na gumagawa ng gulo, nakikipag - away at hinahayaan nila na ang kanilang mga asawa ang umawat sa gulong ito."