Chapter 302: Bago Lang Din Ako Sa Bagay Na Ito

Pagkatapos maligo, nababalisa na nahiga si Long Jie sa kama habang sinusubukan niyang magsaliksik kung paano mag – alaga ng aso. Nakahiga sa tabi niya ay si Lu Che; tumutulo pa ang buhok nito habang nagtratrabaho sa harap ng kanyang laptop.

Lumapit si Long Jie para tingnan ang ginagawa nito. Gumagawa ng mga dokumento si Lu Che na may kinalaman sa Star King.

Lumingon si Lu Che at tiningnan si Long Jie, "Nauunawaan mo ba ito?"

Iniling ni Long Jie ang kanyang ulo, "Pagkatapos makuha ni Boss ang Star King, babaguhin din ba niya ang pamamaraan ng pagpapatakbo nito?"

"Hindi magiging sangay ng Hai Rui ang Star King, kasi ginamit ni President ang sarili niyang pera para bilhin ang mga shares ng kumpanya. Saka, ang panloob na departamento ng Star King ay hindi nagkaroon ng pagkakataon na makapagtrabaho sa ilalim ng pamumuno ni President dati bago pa man mamatay si President Quan. Kaya, sa kasalukuyan, wala pang masyadong pagbabago."