Chapter 279: Imbestigahan Mo Ang Hua Rong Studio

"Kung mayroon kang abilidad, magpakita ka ng mga katibayan."

Hindi mapigilan ng lalaki ang kanyang sarili, kaya nagpost talaga siya ng larawan. Ito ay ang larawan ni Tangning na nakikipaghalikan kay Mo Ting sa labas ng asyenda. Sa larawan, hindi nakahigh definition ang mukha ni Tangning, pero ang kanyang natatanging pagkakakilanlan ay mapapansin. Hinggil naman kay Mo Ting, dahil sa ang likod niya ang nakaharap sa kamera at nahaharangan ng kotse, imposible masabi kung sino siya.

Ang pinakamahalaga sa lahat, halata naman na may hinahalikang lalaki si Tangning sa larawan.

"Maghintay lang kayo at manood, mayroon pang ibang larawan na ilalantad."

"Dali, ilantad mo na, ipakita mo na sa amin..."

"Diyos ko, si Tangning ba talaga ito? Mayroon bang dalubhasa dito na makakahanap ng kapakipakinabang na impormasyon?"

"Dali i - screenshot ninyo na at itago na ninyo ang larawan, huwag ninyong hayaan na tanggalin ng PR ng Hai Rui ang katibayan!"