Chapter 213: Ako si Han Xiner

Sa loob ng meeting hall ng Hai Rui Entertainment, sa ilalim ng mga ilaw na nanggagaling sa kamera, seryosong nakaupo sa itaas ng entablado si Fang Yu. Nakaupo sa tabi niya ang tahimik at walang – imik na si Tangning.

Muli na naman hinahangaan ng mga reporter at mga tagahanga si Tangning para sa kanyang paglayo mula sa mundo. Pero, ang nararamdam nila ngayon, na ang kanyang kawalang – imik at mapag – isang personalidad ay isang maskara lamang para itago ang kanyang mga masasamang balak.

Kinaiinisan nila ang Tangning na ito. Gustong – gusto nilang sirain ang kanyang maskara at ipadala siya sa pinakamalayong bahagi ng mundo mula sa kanilang kinatatayuan para mapagtanto niya kung gaano nakakatakot ang kapangyarihan ng publiko.