Chapter 201: Isang Hakbang Nalang

Tila nakalimutan niya na parang may patong – patong na salamin sa pagitan nilang dalawa ni Lu Che.

Sa oras na ito, inangat ni Lu Che ang kanyang ulo at napansin na nakangiti sa likuran niya si Long Jie. Ang sobrang pagtingin nito sa kanya ay nagbigay sa kanya ng pakiramdam ng pagkakilabot.

Lumingon si Lu Che at nagtanong, "Bakit patagong tumitingin ka sa akin?"

Nang marinig niya ang tanong na ito, ang isipan ni Long Jie ay biglang nablangko habang ang kanyang mukha naman ay biglang namula. Hindi niya namalayan na ibinababa niya ang kanyang ulo.

Lu Che, isa kang hangal, mayroon ka bang negatibong EQ? Bakit kinakailangan mo akong tanungin ng isang bagay na nakakahiya at hindi komportable?

Hindi mo ba talaga gustong tinitingnan kita? Nabalutan ang pag – iisip ni Long Jie ng posibilidad na ito.

Gayunpaman, ang makipag – ugnayan ng ganito kalapit kay Lu Che, ay sapat na para kay Long Jie. Bakit pa siya aasa ng higit pa sa dito?