Chapter 1450: Isang Kahiya-hiyang Pag-uugali

Para magkunwaring tinamaan... Natulala ang lahat. May mga bagay-bagay na hindi naiisip ng mga ordinaryong tao. Walang bagay na hindi nagagawa si Fang Rui. Ang kaniyang pagkahenyo't pagkatalino ay di-hamak na mas mataas pa kaysa sa mga ordinaryong tao.

Pero kahit na ano pa man ang sabihin, para malinlang mo ang iyong kalaban sa isang opisyal na labanan ay isang mahirap na gawain.

Sa mga sandaling nagmintis ang isang atake ay mararamdaman iyon ng isang propesyonal na manlalaro, at saka. Hindi mo rin naman mapepeke ang katotohanan na nabawasan ang iyong Health.

Malamang ay nakaligtaan ni Lu Hanwen ang dalawang punto na ito, at dahil diyan ay nagawa siyang lokohin ni Fang Rui.

Mayroong dalawang taon na karanasan si Lu Hanwen bilang isang pangunahing manlalaro ng Team Blue Rain sa Alliance. Di-hamak na mas masagana ang karanasan niya kaysa sa ibang mga baguhang kagaya sa kaniya ang haba ng pamamalagi sa Alliance.