Chapter 1314: Takot at Kawalan ng Pag-asa

Ang Team Wind Howl na nabigong makapagpalipat ng manlalaro sa kanilang Team na makakaresolba sana sa kanilang mga problema ay nakapasok na sa ikalawang kalahati ng season ng Alliance sa kasalukuyang taon.

Kahit na paulit-ulit na lamang silang natatalo kaharap ang mga malalakas na Team sa unang kalahati ng season ay nanatili pa ring matatag ang Wind Howl kaharap ang mga mahihina't katamtaman ang lakas na Team.

Dahil dito ay naniniwala pa rin naman ang mga tagahanga nila sa kanila.

Pero ngayon, ang nakatalo sa kanila ay ang Team Miracle.

Kahit na hindi inaasahang mas magiging maganda ang paglalaro ng Team na ito ay hindi naman ibig sabihin na makakaya nang pantayan ng Team Miracle ang mga malalakas na Team. Dahil 102 na puntos lamang ang kanilang nalikom hanggang ngayon, masasabi mo na hindi sila malakas.

Pero hindi mo rin naman masasabi na sila ay mahina. Sa totoo lang, katamtaman lamang ang kanilang lakas sa hanay ng mga Team na kalahok sa Alliance.