Chapter 1264: Ang Tinaguriang Magician

Wang Jiexi!

Hindi mo na kailangang banggitin ang mga manlalarong naglalaro, dahil pati na rin ang mga manonood na nakikita naman sana ang lahat na nangyayari sa labanan ay nagulantang sa biglaang paglitaw ni Vaccaria.

Sa kasagsagan ng magulong labanan na masyadong nakakahilong sundan para sa mga manonood ay dahan-dahan nang nakalimutan si Wang Jiexi. Naalala lamang nila si Wang Jiexi sa mga panahong bumagsak mula sa kalangitan ang kaniyang Vaccaria.

Kasabay nang pagbagsak niya ay bumagsak rin ang isang Broom Tornado sa likuran ni One Autum Leaf.

Nandito na si Vaccaria!

Tanging sa mga panahong ito lamang naalala ng laha na nandito rin pala sa labanang ito si Wang Jiexi, pero sa mga sandali ring ito ay naalala nilang lahat ang manlalarong kaharap ni Wang Jiexi kanina na si Tang Hao.

Ibinaling ng mga manonood ang kanilang tingin sa direksyon ng isang malaking screen na kung saan nakikita nila si Demon Subduer.