Chapter 1216: Mga Patakaran sa Voice Chat

10 laban sa 0. Natahimik ang lahat ng mga taong may hinanakit sa Happy matapos nilang makita ang resulta na it.

Si Ruan Cheng ng eSports Time na personal na nanood sa istadyum para sa labanang ito ay hindi na pinanood pa ang Press Conference pagkatapos ng labanan pagkatapos makita ang resulta na ito.

Walang makakatanggi na masyadong pambihira ang ipinakitang lakas ng Happy sa labanang naganap sa araw na ito. Ang stratehiya naman kasi na ginamit nila ay isang stratehiya na karapat-dapat lang talagang gamitin kaharap ang Misty Rain.

Nagawa rin nilang itatag ang kanilang stratehiya batay sa kakaibahan ng mapa, at naisagawa nila ang kanilang mga plano gamit ang isang pambihirang paraan na hindi inaasahan ng lahat.

Kahit na gaano pa man kaagresibo ang isang Reporter sa Happy ay wala silang mahahanap na butas para kutyain ang Happy sa labanang 'yun. Dahil diyan, sa mga sandaling ito. Walang kahit na sino man ang nangahas na umatake sa Happy.