Chapter 1190: Bagong Teknik Para sa Ghostblade

Sa pagtatapos na ang tatlong mga labanan sa Individual Competition ay nanguna ang Happy sa kanilang kalaban sa iskor na 2 laban sa 1. Mayroong magaganap na panandaliang pamamahinga bago pa man magsimula ang Group Arena.

Pero abala pa rin ang mga pinuno sa seremonyas. Ito ay dahil sa uungkatin pa naman kasi nilang dalawa ang misteryo sa likod ng pambihirang Ghost Chaining ni Qiao Yifan!

"Sa totoo lang ay hindi naman talaga dapat na magkamali sa mga panahon na iyon si Zhou Yebai, baka naman siguro ay nagkamali lang siya sa kaniyang mga hula?" Pinapakita ngayon sa mga malalaking screen ang ginawang pag-atake ni Rangoon Creeper sa hangin.

Imbis na si One Inch Ash na nasa likuran ang atakihin, ang hangin ang inatake ni Zhou Yebai.