Chapter 1050: Paunahang Pumatay

Mataas ang resistensya ni One Autumn Leaf sa lahat ng mga elemento. Pero hindi ito masyadong mataas sa punto na maari na niyang hindi pansinin ang epekto ng Ice Boundary.

Kahit na hindi naman talaga siya magiging isang malaking bloke ng yelo, bababa ng masyado ang kaniyang Movement Speed, dahil dito. Wala nang humarap pa kay One Autumn Leaf. Sina Lord Grim, One Inch Ash, at Steamed Bun Invasion ay dumeretso na sa kinaroroonan ni Combat Form.

Kahit naman siguro iyong mga taong hindi pa naglalaro ng Glory ay malalaman kung ano ang dapat na gawin ng Happy sa mga sandaling ito. Matapos makita ang biglaang pagbabago ng sitwasyon ay alam na ni An Wenyi kung ano ang kaniyang gagawin.

Hindi na niya itinuon ang kaniyang pansin sa pagtakbo. Naghanda na siyang palitan ang kaniyang mga kagamitan sa loob lamang ng isang iglap. Sa wakas, darating na rin kasi ang mga sandali na kung saan magagawa na niyang matulungan ang kaniyang mga kasamahan bilang isang Cleric.