Chapter 1036: Lusutan

Isang Cleric ang kasalukuyang gamit ng kawawang si Zhang Jiaxing. Sa sitwasyong ito ay wala siyang magagawa kundi ang suportahan na lamang si Shen Jian, at ang tulungan siyang mabuhay. Pero sa kasamaang-palad ay wala siyang magagawa para baliktarin ang sitwayon ni Shen Jian.

Sa totoo lang, baka nga siya ay madamay pa sa mga nangyayari dito.

Hindi nangahas na palapitin ng nagdadalawang-isip na si Zhang Jiaxing ang kaniyang Cleric sa nagaganap na labanna. Sa ngayon ay ang gusto niyang mangyari ay ang dumating na ang tulong na ibibigay ni Life Extinguisher sa kanilang dalawa.

Gayunpaman, dahil sa malalim ang ginawang plano ng Happy para sa labanang ito ay hindi maari na makaligtaan nila ang ganiyang klase ng sitwasyon. Kahit na wala dito si Ye Xiu, naging maingat pa rin ang ginagawang pakikipaglaban ni Tang Rou at ng kaniyang mga kasamahan.