Chapter 1017: Hindi Ganiyan Ka-Pabaya

Wish Prayer – Cleric Skill. Nagagawa nitong ibalik ang halos 30% na Mana ng isang manlalarong nilapatan mo ng skill na ito. Habang mas nagiging mataas ang antas ng skill na ito ay mas nagiging malaki rin ang ibinabalik na Mana ng skill na ito sa iyo o sa iyong kasamahan.

Kasalukuyang ginagamit ni Lord Grim ang Wish Prayer. Walang-humpay na umaakyat ang Mana ng kaniyang karakter pataas. Taimtim na nakatingin ang lahat sa kaniya't nakabuka ang kanilang mga bunganga.

Hindi lang ang Health mo ang nagagawa mong pabalikin sa iyong sarili, kaya mo ring pabalikin ang iyong Mana? Sa totoo lang, hindi lang ito ang pangunahing dahilan kung bakit hindi mapigilang mainis ng lahat sa kanilang mga nakikita.

Kasi naman, sa mga opisyal na labanan ay madalang ka lang na nagkakaroon ng mga pagkakataon para maibalik mo ang iyong Mana, at Health sa kasagsagan ng isang labanan. Kasi naman, masyadong madali lang para sa kahit na sino na pigilan ka kapag ginagawa mo iyon.