Chapter 1014: Hindi Masabi

Naging marami ang mga sinabi ng mga pinuno sa seremonyas tungkol sa mga kombo ng isang Battle Mage. Pero sa mga panahong sinimulan na ni Lord Grim ang kaniyang opensiba, nanahimik na lamang si Pan Lin dahil sa hindi na niya mahulaan ang mga skill na ginagamit ni Lord Grim.

Nitong nakaraan ay hindi inaasahang gagamit si Qiu Fei ng isang Level 75 na skill na naging dahilan kung bakit natigilan sa kaniyang mga atake si Lord Grim. Pero sa puntong ito ay parang hindi mahanap ni Qiu Fei ang parehong pagkakataon na nahanap niya noong una.

Nakalutang sa hangin si Combat Form na para bang siya'y isang basang damit na isinampay. Si Lord Grim naman ay paulit-ulit na tumatalon sa iba't-ibang direksyon sa paligid niya, habang nagpapakawala siya ng mga atake.

"Uh... Teka lang... Ito'y..." Ramdam ni Pan Lin na dapat may sabihin siya sa puntong ito. Matapos tingnan ang labanan mula sa mga mata ni Qiu Fei ay nagsalita na rin siya sa wakas: "Vanishing Steps 'yan, hindi ba?"