Chapter 837: Ang Makuha ang Kalamangan

Madali ko nga lang bang matatalo itong si One Inch Ash?

Kung ikukumpara sa kahit na sino sa mga sandaling ito ay malinaw na mas kinakabahan ang Warlock na manlalaro ng Team Everlasting kaysa sa kanila. Ito ay dahil sa batay sa kanilang pagsasaliksik. Si One Inch Ash ay isang manlalarong masyadong mapanlinlang.

Nagawa nga niyang malapitan si One Inch Ash, pero ang tanong ay hindi kaya'y isang patibong lamang ito na inilatag ng kabilang kampo para sa kaniya?

Hindi na muna lumapit si Leopold, dumistansya na muna siya para maghandang magpakawala ng atake sa kaniyang kalaban. Pero dahil sa hindi naman siya binibigyan ng maraming lugar na mapagtataguan ng Red Flower Pavilion ay biglang si One Inch Ash na mismo ang nagtungo sa kaniya.

Walang mahanap na mapagtataguang lugar si Leopold, at dahil dito'y kitang-kita siya ng kaniyang kalaban.