Chapter 801: Isang Bagong Season

Walang kaalam-alam ang buong Happy na may nangyayaring bangayan na sa Excellent Era. Pero matapos makilala ni Ye Qiu si Qiu Fei ay alam na alam na ni Ye Qiu kung saan nanggaling ang mga kalaban nila sa araw na ito.

Kaharap ang mga manlalarong kagaya nila ay hindi inaasahan ni Ye Qiu na magiging pantay lang ang lakas nila Tang Rou, at Steamed Bun sa kanila.

Hindi na kailangang banggitin pa si Wei Chen. Kahit na mas matanda siya kaysa sa mga binatang 'yun ay masyadong madali lang para sa kaniya na lampasuhin silang lahat.

Tungkol naman kina Tang Rou, at Steamed Bun. Dahil mga baguhan pa naman sila sa larong ito ay ang katotohanang naging ganoon na sila kalakas sa loob lamang ng maikling panahon ay masyadong nakakatakot.