Pagkakaparehas ng Pangalan

Sa opisyal na website ng Glory para sa Challenger League ay patuloy na nagiging marami ang dami ng mga Team na nagpaparehistro.

Matapos iparehistro ni Chen Guo ang Team Happy ay kaagad niyang tiningnan ang homepage na kung saan panandalian niyang nakita ang pangalan ng Team Happy bago ito nawala sa loob lamang ng isang iglap.

"3647!" Napasigaw sa gulat si Chen Guo. Bago pa man niya nairehistro ang Team Happy ay mayroong 3644 na Team pa lamang na kalahok sa Challenger League. Ang ibig sabihin nito ay sa mga panahong inirerehistro niya ang Team Happy ay may tatlong Team na nagparehistro.

"Hindi ka na dapat magulat diyan." Napatawa si Ye Xiu: "Hindi pa nga tapos ang nakatakdang panahon para makapagparehistro ang lahat sa Challenger League. Nasa kalagitnaan pa rin kasi tayo ng Agosto."