Chapter 630: Bagong Hangarin

Bakit ko naman bibilhin 'yan?

Sa mga panahong tinanong ni Loulan Slash ang katanungang ito ay natigilan si Ye Xiu.

Bakit ko naman bibilhin 'yan? Tinulungan ni Ye Xiu na makahanap ng dahilan si Loulan Slash na bilhin ang kaniyang patnubay, pero masyadong malayo pala ang tumatakbo sa kanilang isipan.

"Masyadong mapagkumbaba ka naman..." Sumagot si Ye Xiu.

Tama, ramdam ng kampo ni Ye Xiu na masyadong mapagkumbaba si Loulan Slash. Bakit hindi mo na lang bibilhin ang patnubay ng agaran imbis na ang ang mga karakter lang? Hindi ba't mas maganda kung deretsahang bibilhin mo na lang ang patnubay?

"Paanong nagpapakumbaba ako?" Hindi maintindihan ni Loulan Slash kung ano ang kanilang sinasabi. Malinaw na masyadong malayo ang kung anong tumatakbo sa isipan ni Loulan Slash sa inaasahan ni Ye Xiu.

"Kung nasa iyo ang patnubay ay makakagawa ka ng kahit gaano karaming account na may matataas na skill points." Pagpapaliwanag ni Ye Xiu.