Chapter 530: Level 50 Thousand Chance Umbrella

Nakita ni Chen Guo kung ano ang gagawin ni Ye Xiu.

Equipment Editor! Maaring mabuksan ito ng lahat ng mga manlalaro ng Glory, pero mabibilang lang sa isang kamay ang dami ng mga manlalaro na talagang may alam kung papaano ito ginagamit.

Syempre, sinubukan ring gamitin ni Chen Guo ang Equipment Editor, pero talagang hindi lang niya naiintindihan kung papaano ito gumagana. Sa huli ay nagsayang lang siya ng mga materyales at kagamitan.

Hindi naman talaga komplikado ang Equipment Editor. Ito'y isang instrumento lamang na maihahantulad sa isang lapis. Kahit na sino ay marunong gumamit ng lapis. Pero may ilang mga tao na ginagamit ang lapis para kumatha ng mga nobela, habang ang iba naman ay gumuguhit.

Ang susi para sa matagumpay na paggamit sa isang instrumento ay kung papaano ito gagamitin ng isang tao.