Chapter 130: Masyadong Malakas ang Kalaban

"Ah, Little Jie, nandito ka na rin pala!" Sa mga sandaling ito, ang kaniyang kapitbahay na si Liu Fei ay napasigaw.

"Ah!" Napasigaw rin si Gao Yingjie at kaagad na ibinaling ang kaniyang kamera. Napagtanto niyang hindi gugustuhin ni Xiao Yun na malaman ng iba ang kasalukuyan niyang sitwasyon.

Pero nung marinig ni Xiao Yun ang sigaw ni Gao Yingjie, mabilis niyang ibinaling ang kaniyang ulo at tiningnan ang lahat. Sa kasamaang palad, ang kaniyang mata'y tumama sa mata ni Gao Yingjie. Ang dalawang manlalaro'y dahan-dahang ibinaling ang kanilang ulo papalayo, at hindi nagsalita tungkol sa kung ano ang nangyari kanina.

Mabilis na gumalaw si Gao Yingjie, ang kaniyang Witch na si Weeping Crow ay lumipad papunta kay Lord Grim. Kahit na bugbog sarado ang Ashen Moon ni Qiao Yifan, kung ikukumpara sa Cloudy Heaven ni Xiao Yun, mas mabuti pa ang kaniyang sitwasyon.

Kaagad na dumating ang Weeping Crow ni Gao Yingjie at nagpadala ng Magic Missile.