Chapter 936: Paano Natin Maipagpapatuloy Ang Pagsusulit?

"Sayo?" Natigilan si Zhang Xuan.

Ayon sa sinabi ni Vicious sa kanyan kanina, sa laban niya noon kay Kong shi, tuluyan siyang nadurog nito pwera sa isang patak ng dugo niya, at pagkatapos ng ilang dosenang milenya ng pagtulog, ang patak ng dugo na iyon ay naging isang puso.

Sa madaling salita, wala dapat natirang iba pang bahagi ni Vicious sa laban naiyon, kaya bakit susulpot na lang kung saan ang daliri nito?

Nang mapansin ang pagkairita sa tinig ni Zhang Xuan, sumagot si Vicious, "Hindi rin ako sigurado sa kung anong nangyayari; hindi ko pa din naaalala ang lahat. Pero, sigurado ako na daliri ko yan! Ginagamit niya ang parte ng katawan ko!"

Bilang isa sa dating pinakamalakas sa Master Teacher Continent na kayang buhaying muli ang sarili gamit ang isang patak lang ng dugo, kahit na hindi niya maalala ang lahat, madali pa din niyang makikila ang parte ng katawan niya.