Chapter 972: Galit ni Lord Meh Meh (1)
Editor: LiberReverieGroup
Ang malapot na amoy ng dugo ay kumalat sa buong Spirit Beast Arena. Ang masangsang na
amoy na iyon ay hindi lamang nagpasigla sa diwa ng Spirit Beast nagdulot din iyon ng
kakaibang kulo sa dugo ng mga manonood.
Sa ilalim ng malakas at maingay na paligid ay kinarga ni Jun Wu Xie si Lord meh Meh at dahan-
dahang naglakad patungo sa battle arena platform. At nang makita nila ang suusnod na
kalaban ng mabangis na tigre ay isang matinding katahimikan ang pumaloob sa buong lugar.
Ang lahat ay gulat na nakatitig sa isang binata na may kargang munting mabalahibong Spirit
Beast na tupa. Nagulat na sila kanina nang makita ang kuneho sa lugar na iyon at hindi nila
inaasahan na matapos lamang ang ilang laban ay makakakita silang muli ng bata na may
dalang isang Spirit Beast na walang kalaban-laban sa battle stage.
Matapos ang ilang sandali ng katahimikan ay isang malakas na tawan ang sumunod at halos
pumunit ito sa Spirit Beast Arena na kalahating natatakpan ng bubong.
"Isa na namang walang kalaban-laban na munting nilalang? Hindi pa makakagawa ng mas
magandang laban ang Spirit Beast Arena kaysa dito?"
"Nagmamadali ba ang batang iyan na maghandog ng libreng pagkain sa kalaban nitong Spirit
Beast? Palagay ko ang nagmamay-ari sa mabangis na tigre ay hindi na kailangan pang pakainin
ang kaniyang Spirit Beast. Lulunukin na lamang nito ng buo ang tupa upang maging pagkain."
"Ang mga kabataan ngauon ay nagiging sutil, nagdadala sila ng kung anu-anong uri ng Spirit
Beast dito na kanilang mahawakan."
Ang mga manonood ay hindi natutuwang makita si Lord Meh Meh para sa susunod na laban.
Nasaksihan pa lamang nila ang kuneho na halos durugin sa ilang segundo at pakiramdam nila
ay napakawalang kwenta ng laban na iyon. Hindi nila inaasahan na makakapanood sila ng
isang walang buhay at walang kwentang labanan ng dalawang beses ngayong araw.
Bagama't si Lord Meh Meh ay mas malaki ng kaunti sa kuneho ngunit ito;y halos singlaki
lamang ng ulo ng mabangis na tigre at nakakalungkot na ituring na hindi pa rin iyon sapat.
Mabilis na nakilala ng isa mula sa mga manonood si Jun Xie na ito ang parehong bata na
kumarga sa "bangkay" ng kuneho palayo. Naisip nilang lahat na ang bata ay mayroong
malambot na puso kaya hindi nila inaasahan na makikita nila ito doon upang dalhin ang
kaniyang munti at mahinang Spirit Beast sa battle platform upang mamatay.
Ang may-ari sa mabangis na tigre ay napansin rin si Jun Xie at nang sipatin niyang maigi si Lord
Meh Meh na buhat ni Jun Xie sa kaniyang braso ay bigla itong humalakhak ng napakalakas.
"Masasabi ko munting kapatid, niloloko mo ba ako ngayon? Iyang munti mong Spirit Beast ay
nais mo talagang ilaban sa mabangis kong tigre dito sa battle arena stage?" lubos ang dismaya
na tinignan ng lalaki ang mabilog at walang imik na tupa. Ang kaniyang Spirit Beast ay lubos na
ang pagkasabik matapos ang sunud-sunod na panalo at hangga'y maari ay ito ang oras upang
magtipon ng lubos na kadakilaan. Ngunit itong magkakasunod na naipanalong laban sa
pagitan ng mga walang kwentang Spirit Beast ay hindi magbibigay sa kaniyang tigre ng
pagkakaton upang maipakita ang kaniyang bangis at lahat ng iyon ay mapupunta lamang sa
wala.
"Munting kapatid, papayuhan kita na dalhin mo na ang iyong munting Spirit Beast pauwi
ngayon. Ang mabangis kong tigre ay nanalo na ng ilang beses at ngayon ay gutom na gutom na
ngunit ang karneng aking dala ay hindi sapat upang mabusog ito. Kung iyang munting nilalang
sa iyong braso ay makita ng aking tigre ngayon ay maaaring lunukin niya ang munti mong
alaga ng buo at kahit mga buto nito ay hindi mo na makikita."
Ang tinuran ng lalaki ay nagpahalakhak sa mga tao at iyon ay dumagundong sa buong arena.
Iniisip nila na ang paglabas ni Jun Wu Xie doon ay isang malaking biro sapagkat sinong tao ang
nasa matinong pag-iisip ang magdadala ng kaniyang Spirit Beast sa kamatayan at alam na alam
niyang wala itong pagkakataon na manalo?
Malamig na tinitigan ni Jun Wu Xie ang lalaki sa kaniyang harapan at patuloy sa pagdaldal
habang ibinababa si Lord Meh Meh sa battle platform.
Lumingon si Lord Meh Meh kay Jun Wu Xie bakas sa mukha nito ang pagkalito.
"Meh?"
[Anong gagawin ni Lord Meh Meh doon? Ayaw ni Lord Meh Meh doon, gusto ni Lord Meh
Meh ng yakap!]
Hindi ito natutuwa. "Kakakuha" pa lamang nitong muli ng posisyon sa braso ni Jun Wu Xie
mula sa kuneho at ngayon ay lumalayo itong muli sa kaniya. Hindi natutuwang pinadyak ni
Lord Meh Meh ang kaniyang paa sa pagprotesta.
Nang makita ang pagmamaktol ni Lord Meh Meh, ang nagmamay-ari sa mabangis na tigre ay
muling humalakhak ng napakalakas habang malupit na nagsalita: "Munting kapatid. Tila ang
iyong Spirit Beast ay natakot ang diwa. Hindi mo ba talaga ito dadalhin palayo? Ang bilugan at
mabalahibong bola na ito ay maaaring hindi nagtataglay ng kahit anong kapangyarihan upang
umatake ngunit ito ay maituturing na nakakatuwang alaga."
Gifts
-- Gift
received Weekly Power Status
-- Power
Ranking 
-- Power
stone