Chapter 1017: Ang Misteryosong Duan Ru Feng

"Saan ka nagmula?" Tanong muli ni Duan Ling Tian.

Nakita niya ang maingat na tingin ng 'di gaano katandang lalaki sa anting-anting na kanyang hawak. Hindi niya napigilan ang magulat.

Ang anting-anting na nasa kanyang kamay ay binigay sa kanya ng kanyang kuripot na ama.

Hindi niya inaasahan na ang powerhouse na ito, na sa tingin niya ay nagmula sa labas ng Cloud Continent, ay matatakot sa anting-anting na kanyang hawak.

"Saan ako nagmula?" Ang nakaitim na 'di gaano katandang lalaki ay masama ang tingin kay Duan Ling Tian matapos niyang huminga ng malalim. "Binibiro mo ba ako? Kung mayroon kang anting-anting na ginawa ng isang Dao Cultivator na nasa Saint Rudiment Stage, paanong nangyari na hindi mo alam kung saan ako nagmula? Alang-alang sa Dao Cultivator na nasa Saint Rudiment Stage na kakampi mo, hindi kita pagbabayarin sa pagsira ng aking Human Puppet ngayon!