Chapter 988: Pagpasok sa Palasyo

"Tama. Dahil iniwan ng Martial Emperor ang lugar na ito at nasa loob ang kanyang katawan... Kung iisipin, imposible na hindi niya nais na pumasok tayo."

Maraming tao ang sumang-ayon dito.

'Hmm?'

Noong kinabahan na ang lahat dahil sa Killing Formation na nasa kanilang harapan ngayon, mayroong napagtanto si Duan Ling Tian noong ginamit niya ang kanyang Spiritual Energy.

Nalaman niya na matapos mapatay ang disipulo ng Blade Sect dahil sa pagsabog ng Killing Formation na bumalot sa lugar, ang Killing Formation ay tila nagawa na ang trabaho nito at tuluyan nang naglaho.

'Maaari kaya... na ang Killing Formation na nasa labas ng palasyo ay maaaring masira gamit ang sakripisyong dugo ng buhay ng tao?' Napataas ang kilay ni Duan Ling Tian noong pasikreto niya itong iniisip.

Dahil taglay niya ang ala-ala ng Rebirth Martial Emperor, hindi na bago sa kanya ang pagsira sa isang formation gamit ang dugong sakripisyo.