Chapter 174: Ang Desisyon ni Su Li

"Grand Elder, hindi ba't dapat niyo akong bigyan ng isang magandang paliwanag sa ilang mga bagay?" Mayroong marangal na ekspresyon si Patriarch Su Bo Ya na mayroong halong bakas ng galit, at ang kaniyang mga mata ay nakatitig lamang sa matandang lalaki.

"Patriarch, ano ang ibig mong sabihin?" Isang masamang pangitain ang lumitaw sa puso ni Su Nan, dahil naintindihan niya ang Patriarch at kaya't alam niya na ang Patriarch ay hindi magagalit sa maliliit na bagay.

"Si Zhan Xiong ng Paladin Academy ay kaaalis lamang ng ating Su Clan." Lubhang hindi kaaaya-aya ang mukha ni Su Bo Ya habang sinasabi niya ito sa isang mahinang tinig, "Grand Elder, iniwan ko ang bagay na ito sa iyo dahil pinagkatiwalaan kong makakaya mong harapin ito nang maayos at dahil apo mo su Su Tong…. Ngunit ang ginawa mo ngayon ay talagang walang pagsasaalang-alang, at hindi lamang hindi mo nakayang mapatay si Duan Ling Tian, nagdala ka rin ng malaking problema sa ating Su Clan."