Chapter 69: Masaganang Papremyo
Editor: LiberReverieGroup
Ang boses ni Li Qing ay masyadong malakas.
Agad na ang lahat ng mga kabataang henyo mula sa maliliit na clans ay tumingin sa kanya.
"Ano, hindi mo gusto ang sinabi ko? Kung hindi, kapag nagsimula ang pagtitipon, tinatanggap ko kayong lahat na hamunin ako! "
Ganap na nagbulag-bulagan si Li Qing sa tingin nilang puno ng galit.
Nang makita ito, walang masabi si Duan Ling Tian.
Talagang iniisip ng Li Qing na ito na walang siyang kapantay sa ilalim ng langit.
Nakita ito ni Li An mula sa malayo at may isang ekspresyon ng paghamak.
"Boorish!"
Bulong ni Li An sa sarili niya gamit ang isang boses na maririnig niya.
"Dahil gusto ng lahat na malaman, sasabihin ko ..."
Nang matapos ang pagsasalita ni Xiao Yu, ang mga tingin ng lahat ng mga kabataang henyo ay napunta sa kanya.
Kahit na si Duan Ling Tian.
Ang dahilan kung bakit siya dumalo upang makilahok sa ganitong pagtitipon ng mga henyo ay hindi para sa pagraranggo, ang Hidden Dragon List, o anuman; hindi siya nagkaroon ng isang kaunting ng interes sa mga iyon.
Ang bagay lang na mahalaga sa kaniya ay ang materyal na papremyo!
"Matapos ang deliberasyon ng aming Patriarchs mula sa tatlong dakilang clans, napagpasyahan na ang taong mairaranggo bilang una sa sa Hidden Dragon List ng taong ito ay tatanggap ng tatlong high grade Profound Rank martial skills, sampung Origin Increasing Pills, sampung Grade Eight Gold Injury Pills, tatlong 300-taong-gulang na Blood Lingzhis, at 300,000 pilak. "
Sa Star Observation Platform, taas baba ang mga tunog mula sa malamig na paghinga ng mga tao.
Ang mga papremyo ngayong taon ay mas mainam kaysa nakaraang taon…
"Hindi na masama."
Ang mga itim ng mata ni Duan Ling Tian ay kumitid at isang sakim na liwanag ang nagningning bago mabilis na naglaho.
Ang tatlong high grade Profound Rank martial skills, saan man ay itinuturing na mga bagay na may malaking halaga.
Ang Origin Increasing Pill ay ang medicinal pill na ginagamit ng mga Core Formation martial artists upang pataasin ang kanilang antas sa cultivation, kaya't lubhang napakahalaga nito.
Ang Grade Eight Gold Injury Pills, kahit na sa Fresh Breeze Town Li Branch Family, dalawa lamang ang mayroon noon. Matapos gamitin ang isa kay Duan Ling Tian, mayroon na lamang isang natitira, ipinapakita kung gaano ito kabihira at kahalaga.
Ang tatlong 300-taong-gulang na Blood Lingzhis ay sobra pa upang makapagbigay ng malaking pagtaas sa antas ng cultivation ng isang defensive martial skill.
Ang 300,000 pilak ay mas praktikal.
"Hindi masama, ngunit kailangan mo munang makuha."
Paghamon ni Li Fei.
"Little Fei, kung makukuha ko ang unang ranggo sa Hidden Dragon List na ito, ikaw ay magiging aking asawa. Paano iyon? "
Palihim na tumawa si Duan Ling Tian.
"Pag-usapan natin iyan kapag ikaw talaga ang naging una."
Hindi ito sineryoso ni Li Fei.
Kahit na ang lakas ni Duan Ling Tian ay lubhang kakaiba, nakikita ni Li Fei na ang kanyang lakas ay bahagya lamang mas malakas kaysa kay Li Qing, at marahil ay bahagyang mas mababa pa kay Lin Zhuo ng Lin Clan, hindi na kasama si Xiao Yu ng Xiao Clan.
Siyempre, naniniwala siya na sa hinaharap, si Duan Ling Tian ay walang alinlangan na malalampasan sina Lin Zhuo at Xiao Yu.
Pagkatapos ng lahat, labing-anim na taong gulang pa lang si Duan Ling Tian ngayong taon.
Sa kabilang banda, sina Lin Zhuo at Xiao Yu ay dalawang taong mas matanda kaysa sa kaniya.
Kung ito ay Hidden Dragon List ng susunod na taon, naniniwala siya na maaaring maging una si Duan Ling Tian.
Sa taong ito, gayunpaman, hindi siya pabor kay Duan Ling Tian.
"Tatanggin ko iyan bilang iyong pagsang-ayon."
Ngumiti si Duan Ling Tian.
Ang kanyang mainit na tingin ay muling nagtungo sa mainit at kaakit-akit na katawan ni Li Fei. Ang kanyang mas mababang rehiyon ay nag-iinit habang muli itong nagkaroon ng reaksyon.
Tunay na isang kaakit-akit at nakakatuksong dalagita.
"Kung ganito ito, hindi ba ito ay medyo hindi patas?"
Ang malinaw na mga mata ni Li Fei ay naglalabas ng isang palihim na eskpresyon.
"Kung ganoon ay bakit hindi mo sabihin sa akin kung ano ang patas?"
Tanong ni Duan Ling Tian.
"Kung hindi mo makuha ang unang ranggo sa Hidden Dragon List, anuman ang ranggo na iyong makuha, ang iyong mga premyo ay dapat ibigay sa akin."
Ikinurap ni Li Fei ang kanyang magagandang mata na may isang ekspresyon na nagsabing "tingnan natin kung mangahas kang sumang-ayon o hindi."
"Little Fei, ikaw talaga ay sakim. Kapag pinakasalan kita, hindi ko na kailangang mag-alala sa pagkatalo kailanman ... Sige, sumasang-ayon ako. "
Umiling si Duan Ling Tian.
Nang marinig ang pagsang-ayon ni Duan Ling Tian, ang ngiti sa sulok ng bibig ni Li Fei ay natigil.
Ang mukhang pera na ito ay talagang sumang-ayon?
Maaari kayang talagang tiwala siya?
O hindi kaya…
Tinago niya ang kanyang lakas?
Sa sandaling ito, ang mga iniisip ni Li Fei ay walang nagawa kundi ang magdulot ng pagsisisi sa kanyang puso.
Napansin ni Duan Ling Tian ang patuloy na pagbabago ng ekspresyon ni Li Fei, kaya agad siyang nagtanong, "Little Fei, hindi mo na babawiin ang iyong mga salita, tama?"
"Humph! Pag-uusapan natin ito kapag talagang nakuha mo ang unang pwesto sa Hidden Dragon List, " daing ni Li Fei.
Sa sandaling ito, ang mga kabataang henyo sa Star Observation Platform ay bahagyang naikalma ang kanilang mga pakiramdam.
"Young Master Yu, ang dalawang taong mairaranggo sa top three, ano ang kanilang papremyo?" Isa pang bata ang nagtanong.
"Ang ikalawa at pangatlong ranggo ng Hidden Dragon List sa taong ito ay tatanggap ng dalawang high grade Profound Rank martial skills, limang Origin Increasing Pills, limang Grade Eight Gold Injury Pills, dalawang 300-taon gulang na Blood Lingzhis, at 200,000 silver," sagot ni Xiao Yu .
Kahit na ang mga premyo ng pangalawa at pangatlong ranggo ay mas kaunti kaysa sa una, para sa karamihan ng mga tao na naroroon, napupuno pa rin sila ng tukso ...
"Para naman sa pito pang kabataang henyo na niraranggo sa Hidden Dragon List, tatanggap sila ng isang high grade Profound Rank martial skill, tatlong Origin Increasing Pills, tatlong Grade Eight Gold Injury Pills, isang 300 taong gulang na Blood Lingzhi, at 100,000 pilak, "pagpapatuloy ni Xiao Yu.
Napuno ang Star Observation Platform ng mataas na determinasyon.
Basta mairanggo sila sa Hidden Dragon List, bukod pa sa pagiging kilala sa Aurora City, makakakuha rin sila ng mga napakaraming papremyo ...
Ang bawat isa ay pinagkikiskis ang kanilang mga kamay at sabik na magsimula.
"Ang pagtitipon ay magsisimula na ngayon."
Matapos ang pag-anunsyo, bumalik si Xiao Yu sa pinakaloob na pergola sa Star Observation Platform upang tumayo at tumabi sa kanyang kapatid na si Xiao Lan, at maghanda para sa labanan.
"Kapatid, maliban lang kung may hindi inaasahang mangyari, ang unang ranggo para sa Hidden Dragon List ng taong ito ay tiyak na magiging iyo."
Ngumiti nang mahinahon si Xiao Lan, mukhang marangal at elegante.
"Kung ito ay isang buwan na ang nakakaraan, nakatitiyak ako na walang hindi inaasahang mangyayari ... Ngunit ngayon may isang hindi kilala at hindi malaman na elemento."
Umiling si Xiao Yu.
Ang kaniyang tingin ay direktang nagtungo sa batang nakalilang kasuotan sa malayo.
"Siya ay si?"
Tumingin din si Xiao Lan.
"Duan Ling Tian!"
Ang mga itim ng mata ni Xiao Yu ay kumitid habang isang kagustuhang lumaban ang nangibabaw sa kanyang katawan.
"Duan Ling Tian? Ang isang ika-siyam na antas Body Tempering martial artist na nakuha ang pangalawang pwesto sa Martial Meet ng Li Clan? Ayon sa sabi-sabi, sinabi na maaari niyang mailabas ang lakas ng tatlong ancient mammoth na may cultivation na ika-siyam na antas ng Body Tempering Stage ... Kapatid, hindi mo ba naramdaman na isa itong pagmamalabis? "pagsusuri ni Xiao Lan.
"Lan, dahil may mga sabi-sabi, kung gayon ito ay may basehan ... Bukod dito, maraming mga miyembro ng Li Clan ang nakakita mismo gamit ang kanilang dalawang mata sa araw na iyon, paano ito hindi naging totoo? Gayundin, dapat mong malaman ng mabuti ang aking hula; hindi ito nagkamali kailanman... "dahan-dahang sinabi ni Xiao Yu.
"Kapatid, huwag mong sabihin sakin…"
Lumitaw ang isang gulat na ekspresyon sa magandang mukha ni Xiao Lan.
Ang hula ng kanyang kambal ay isang napakalinaw na bagay para sa kaniya. Ito ay maaaring ituring na isang kahanga-hangang kakayahan na naging natural.
Simula noong mga bata sila, ang kaniyang hula ng kaniyang kapatid ay hindi kailanman nagkamali.
"Tama ka, ang aking hula ay nagsasabi sa akin na siya ay lubhang mapanganib. Kahit ang ikumpara siya kay Lin Zhuo ay mahirap."
Tumango si Xiao Yu.
"Ngunit, mukhang labing-anim na taong gulang lamang siya."
Bahagyang mapula ang mukha ni Xiao Lan at ang kaniyan paghinga ay bumilis.
"Ano kung labing-anim na taong gulang lamang siya? Sa kasaysayan ng ating Crimson Sky Kingdom, maraming kabataang henyo ang tumuntong sa Core Formation Stage sa edad na labing anim. Ang hitsura ng isang taong abnormal tulad ni Duan Ling Tian ay hindi bihira, "sabi ni Xiao Yu.
Sa sandaling ito, si Xiao Yun na nakatayo sa tabi ni Xiao Lan, ay hindi mapigilan ang sarili at nagsalita. "Kapatid na Yu, sa Martial Meet ng Li Clan, hindi ba itong Duan Ling Tian ay natalo ni Li Qing?"
"Narinig ko rin iyon."
Tumango si Xiao Lan.
"Ntalo kay Li Qing? Sino nagsabi sa iyo? Siya ang tumanggap ng pagkatalo."
Umiling si Xiao Yu na parang lubos siyang pamilyar sa mga pangyayari sa Martial Meet ng Li Clan.
"Kung kaya niyang talunin si Li Qing, bakit siya tumanggap ng pagkatalo?"
Nag-aatubiling magsabi si Xiao Yun.
"Little Yun, hayaan mo akong tanungin ka ... Kung ang kampeon ng Martial Meet ng Xiao Clan ay makuha ng isang disipulo ng Branch family na isang disipulo na mayroong ibang apelyido, ano ang mangyayari?"
Hindi direktang sinagot ni Xiao Lan si Xiao Yun bagkus ay binigyan ito ng katanungan.
"Kapatid, ibig mong sabihin… may nag-utos kay Duan Ling Tian na tanggapin ang pagkatalo?"
Nagbigay reaksyon agad si Xiao Lan sa unang sandali.
"Ito ang aking hula."
Tumango si Xiao Yu.
"Kapatid na Yu, lahat ng sinabi mo ay iyo lamang hula."
Si Xiao Yun ay bahagyang ayaw pa ring umamin.
Sa buong buhay niya, isang tao lamang ang hinangaan niya pagdating sa Martial Dao, ang taong iyon ay si Xiao Yu.
Dahil kay Xiao Yun naramdaman niyang hindi sila magkapantay.
Ngunit ngayon ay sinabi ni Xiao Yu na may isang taong may lakas upang talunin siya. Bukod pa rito, ito ay isang labing-anim na taong gulang na bata, kaya mahirap para sa kanya na tanggapin ito.
"Little Yun, kahit na tama o mali ang hula ko, malalaman mo rin sa madaling panahon."
Umiling si Xiao Yu. Hindi na siya nakipagsagutan kay Xiao Yun.
Sa kasalukuyan, sa Star Observation Platform, mayroong isang batang henyo mula sa isang maliit na clan na nanalo ng tatlong magkakasunod na tagumpay. Ang kanyang kahanga-hangang paraan ay patungo sa kalangitan.
Ang bata ay tumingin patungo sa kapaligiran habang dahan-dahan niyang sinabi, "May iba bang gustong makipaglaban sa akin?"
"Ako!"
Isang batang mula sa Xiao Clan ang lumabas at hinarap ang bata.
Pagkatapos ng ilang sandali, naglaban ang dalawa.
Isang galaw lamang.
Ang batang mula sa Xiao Clan ay tinalo ang bata.
"Magandang laban."
Kinamayan siya ng batang mula sa Xiao Clan.
"Ang Xiao Yong na ito ay kinuha ang ikalimang puwesto sa Martial Meet ng Xiao Clan noong nakaraang buwan ... Sa madaling salita, sa limang mga batang henyo ng Xiao Clan ngayon, siya ang pinakamahina."
"Kagaya ng inaasahan sa isang disipulo mula sa isang malaking clan; ang pinakamahina ay may nakatatakot na lakas!"
"Mukhag hindi ko kapalaran na mairanggo sa Hidden Dragon List."
"Ang makita ang mga henyong kabataan mula sa tatlong dakilang pamilya na nagpupursigi para sa unang ranngo ay maituturing ng magandang panalo."
...
Ilan sa mga henyong kabataan mula sa malilit na clan ay bahagyang humina ang loob.
Siyempre, may mga batang henyo mula sa maliliit na clan ang may layunin na makipaglaban nang walang takot at umangat upang hamunin si Xiao Yong.
Matapos ang ilang sandali, tatlong kalaban pa ang natalo ni Xiao Yong.
Ngumiti si Li Fei nang sinabi niya ito, "Ang lakas ng Xiao Yong na ito ay maganda, hindi mas mababa kaysa kay Li Zhong."
"Hindi na masama."
Humikab si Duan Ling Tian.
"Hindi ka ba nakatulog nang sapat kagabi?"
Bahagyang natulala si Li Fei.
"Hindi ako nakakatulong ng sapat dahil wala akong asawa na mayayakap."
Mapaglarong ngumiti si Duan Ling Tian.
"Pilyo!"
Tumingin nang masama si Li Fei kay Duan Ling Tian.
Sa maikling oras, natalo ni Xiao Yong ang isa pang kalaban.
"May gusto bang lumaban sa Xiao na ito?" magalang na tanong ni Xiao Yong.
"Ako!
Isang boses ang narinig mula sa isa sa mga pergola ng Star Observation Platform.
Isang batang nakaberdeng kasuotan na nasa edad labingwalo ang lumapit.
May matikas na pangangatawan ang bata at may seryosong itsura. Kung titingnan lamang ang kaniyang panlabas na itsura, iisipin na siya ay isang matapat na tao.
Ngunit kapag tiningnang mabuti, mapapansin na ang mata ng bata ay puno ng katalinuhan, at paminsan-minsan ay kumiskilap na may tusong kinang.
Magaang ngumiti si Xiao Yong at nagtaong,"Ano ang iyong pangalan, kapatid?"
Kinurap ng bata ang kaniyang mata nang sinabi, "Meng Quan."
"Kapatid na Meng Quan, nagsusumamo ako sa sa iyong gabay."
Tumindig si Xiao Long.
"Eh."
Inaantok talaga si Duan Ling Tian, ngunit ang kaniyang diwa ay muling nabuhay nang makita niya si Meng Quan.
"Anong kakaiba sa Meng Quan na ito?" napansin niya ang pagbabago ni Duan Ling Tian, makuryusidad na tanong ni Li Fei.
"Interesante, interesante… Matatalo si Xiao Yong."
Magaang ngumiti si Duan Ling Tian.
"Anong napansin mo?"
Pagpapatuloy ni Li Fei.
"Tawagin mo akong kapatid at sasabihin ko sa iyo."
"Pei! Walang-hiya! Pilyo!"
...
Chapter 70: Meng Quan
Editor: LiberReverieGroup
Habang ang diwa ni Duan Ling Tian ay nagulat.
"Ang Meng Quan na ito ay hindi madali."
Ang ekspresyon ni Xiao Yu ay madilim din.
"Kapatid Yu, hindi mo nais na sabihin na kakaiba ang lakas ng taong ito katulad ni Duan Ling Tian, tama?"
Hindi ito sineryoso ni Xiao Yun.
Sa sandaling ito.
Sinimulan ni Meng Quan at Xiao Yong ang kanilang labanan.
Whoosh!
Ang katawan ni Xiao Yong ay gumalaw na para bang nagbago ito sa isang bumabagsak na dahon, bahagyang lumulutang habang siya ay patungo kay Meng Quan.
Middle Grade Profound Rank Movement Technique, Leaf Dance!
"Isa kang lalaki, ngunit bakit ka nagcultivate ng pangbabaeng movement technique?"
Umiling si Meng Quan.
Bang!
Ang kanyang mga binti ay malakas niyang ibinagsak sa lupa nang siya ay nagbago sa isang bola ng kanyon, mabilis na gumalaw upang harangan si Xiao Yong.
Mas mabilis siya kaysa kay Xiao Yong!
Vortex Palm!
Ang mga mata ni Xiao Yong ay nanliit. Nang mabilis siyang tumungo kay Meng Quan, pinangsampal niya ang isang palad na puno ng puwersa. Ang kanyang pag-atake ay agresibo at walang pagpipigil, at may nagwawalang Origin Energy.
Devastating Ox Fist!
Nang isinuntok ni Meng Quan ang kanyang kamao, ang kanyang origin energy ay sumabog at naging sanhi ng pagdaluyong ng mga hindi makitang malalakas na hangin nang gumalaw ito upang mahadlangan ang sampal ni Xiao Yong.
Sa ibabaw nilang dalawa ay parehong may dalawang silweta ng ancient mammoth, na sumugod at nagbanggaan nang may malakas na putok.
Ang katawan ni Meng Quan ay bahagyang nanginginig.
"Ah!"
Si Xiao Yong ay naglabas ng isang nakabibinging sigaw nang siya ay lumipad palayo.
"Hindi ako ang iyong kapantay."
Si Xiao Yong ay dahan-dahan tumayo ay tumango kay Meng Quan. Siya ay taos-pusong kumbinsido at sa gayon ay sumuko na.
"Hehe, isa iyong magandang laban."
Kinamot ni Meng Quan ang likod ng kanyang ulo at malokong ngumiti.
Ngunit ang kanyang mga mata na kumislap ng isang matalas na liwanag ay ang nagpahalata sa kaniya.
"Kanina mo pa napansin na si Xiao Yong ay hindi niya kapantay?"
Tumingin si Li Fei kay Duan Ling Tian na para bang gusto niyang makakuha ng sagot mula sa mukha ni Duan Ling Tian.
"Tinago ng Meng Quan na ito ang kaniyang lakas. Ang kanyang totoong lakas ay maaaring kaparehas ng kay Li Qing."
Ang mga mata ni Duan Ling Tian ay nanliit nang siya ay tumitig kay Meng Quan.
Mahirap malaman ang cultivation ng isang martial artist sa Core Formation Stage at pataas sa pamamagitan lamang ng pagtingin dahil sa pagkakaroon ng Origin Energy. Ang tanging paraan upang matukoy ang ang antas ng cultivation ay base pag-estima sa silweta ng ancient mammoth na binuo ng martial artist mula sa pagtawag ng mga pwersa ng langit at lupa...
Ngunit si Duan Ling Tian, na mayroong mga alaala ng Rebirth Martial Emperor, ay katumbas ng isang nabubuhay na Rebirth Martial Emperor.
Ang kanyang paningin ay katangi-tangi.
Nalaman niya na si Meng Quan ay hindi isang martial artist sa unang antas ng Core Formation.
Ang pakiramdam na nararamdaman niya kay Meng Quan ay katulad ng kay Xiao Yu, Lin Zhuo, at Li Qing.
Ang ikalawang antas ng Core Formation Stage.
"Bagaman kaya niyang talunin si Xiao Yong, pinapakita lamang noon na ang kanyang mga martial skills ay may mataas na cultivation stage... Hanggang ngayon, ginagamit pa lamang niya ang lakas ng dalawang sinaunang mammoth. Paano mo nakita ang kanyang itinatago na cultivation?"
Malinaw na si Li Fei ay hindi naniniwala sa kanya.
Umiling si Duan Ling Tian at ngumiti, pinipili na hindi makipagdebate kay Li Fei tungkol dito.
Hindi magtatagal bago mapatunayan ng katotohanan ang lahat.
"Ganoon pala iyon."
Ang mga sulok ng bibig ni Xiao Yu ay bumaluktot sa isang ngiti. Malinaw na napansin din niya ito.
"Wala talagang silbi si Xiao Yong!"
Ang mga magagandang kilay ni Xiao Yun ay kumunot nang ang kaniyang katawan ay kumilos at lumakad palapit kay Meng Quan.
Si Xiao Yu ay hindi mapigilan ang kaniyang sarili na mapait na tumawa sa eksenang ito.
"Kapatid, kaya ba siyang talunin ni Xiao Yun?" tanong ni Xiao Lan sa isang mahinang boses.
"Batay sa aking kuru-kuro, sa mga batang mga henyo na kasalukuyang nasa Star Observation Platform, mayroon sigurong tatlong tao na maaaring may pagkakataon na talunin siya... sa sobrang lubos ay baka ang tatlong tao ay sobra na."
Umiling si Xiao Yu.
Ang matikas at makinis na mukha ni Xiao Lan ay nagpakita ng isang nagulat na ekspresyon. Hindi niya inasahan na bukod kay Duan Ling Tian, may isa pang sinuman na mataas ang turing sa kanyang kapatid.
"Big guy, lalabanan kita," si Xiao Yun ay sumigaw sa isang mahinang boses.
"Babae? Hindi ako nang-aapi ng mga babae." si Meng Quan ay napakunot ng noo.
"Ikaw!"
Ang mukha ni Xiao Yun ay naging pula dahil sa galit at ang kanyang pihikan na katawan ay nagsimulang manginig nang labis.
"Iniisip ba ng Meng Quan na ito na ang pagtalo kay Xiao Yong ay ginawa siyang walang kapantay sa ilalim ng kalangitan? Isang buwan na ang nakalilipas noong Martial Meet ng Xiao Clan, si Xiao Yong ay hindi rin kapantay ni Xiao Yun, ngunit naglakas-loob pa rin siya na maging mababa ang kaniyang tingin kay Xiao Yun.
"Ang bumpkin na ito ay hindi man lang nakikilala si Xiao Yun."
"Kailan pa gumawa ng ganito ang Meng Clan?"
...
Ang ilan sa mga bata mula sa maliliit na mga clan ay nagsimulang magtalakayan.
"Mamatay ka na!"
Sigaw ni Xiao Yun sa isang mahinang tinig habang ang kanyang matikas na estilo ay naging isang ihip ng hangin na lumipad patungo kay Meng Quan.
Kung bilis ang pag-uusapan, siya ay mas mabilis kaysa sa kaninang Xiao Yong, at mayroong bilis na katulad ng kay Meng Quan.
"Eh."
Si Meng Quan ay bahagyang nagulat. Hindi naglalakas-loob na patuloy na tingnan nang mababa si Xiao Yun, gumalaw siya upang hadlangan siya.
Devastating Ox Fist!
Sa oras na ito, si Meng Quan at Xiao Yun ay nagbanggan at parehong magkapantay.
"Ang lakas ni Xiao Yun ay talaga ngang mahusay."
Si Duan Ling Tian ay bahagyang nagulat.
"Sigurado iyan. Sa mga nakababatang henerasyong babae ng Xiao Clan, ang kanyang likas na talento ay hindi mas mababa kay Xiao Lan." Sabi ni Li Fei.
Si Duan Ling Tian ay tumawa bago niya itanong, "Paano naman kung ihahambing sa iyo?"
"Mas higit o mas mababa..." Sabi ni Li Fei.
"Natatalo na si Xiao Yun."
Biglang nakita ni Duan Ling Tian ang mga bahagyang galaw ni Meng Quan at ang kanyang mga kilay ay tumaas.
Ang lalaking ito sa wakas ay hindi na makapagpigil nang mas matagal...
Malinaw niyang nakikita ang Origin Energy sa kamao ni Meng Quan na agad na sumabog sa paglakas, na lumalampas sa saklaw ng isang martial artist sa unang antas ng Core Formation.
Ngunit hindi ito umabot sa ikalawang antas ng Core Formation Stage, kaya hindi nito natawag ang mga puwersa ng langit at lupa upang bumuo ng ikatlong silweta ng ancient mammoth.
Ngunit kahit ganoon, hindi ito isang bagay na pwedeng maihambing kay Xiao Yun.
Devastating Ox Fist!
Si Meng Quan ay umatakeng muli, ang tunog at lakas nito ay tulad ng kulog.
Bang!
Si Xiao Yun ay natumba paurong at ang kanyang mukha ay lubhang maputla nang siya ay hindi makapaniwalang tumingin kay Meng Quan.
Napansin niya na ang lakas ng big guy na ito ay tila mabilis na tumataas ng isang antas, ganap na pinipigilan siya at nagsanhi sa kaniya na makaramdam ng panghihina.
"Gawin na'tin itong muli."
Si Meng Quan ay ngumisngis.
Masamang tumingin si Xiao Yun bilang tugon, pagalit na bumalik sa tabi nina Xiao Yu at Xiao Lan.
"Mahusay!"
Ang lahat ng mga batang henyo na mula sa maliliit na mga clan ay may mga ekspresyon ng kawalang-paniwala at hindi mapigilan ang kanilang mga sarili na magsipalakpakan.
Kahit na sila ay mahabagin sa mga kababaihan, si Meng Quan ay, sa katotohanan, ay isang batang henyo mula sa maliliit na mga clan tulad nila, kaya ang mga nakakamit ni Meng Quan ay parang binibigyan sila ng karangalan at kasiyahan.
"Kakalabanin kita!"
Isang anyo ang lumabas.
Ito ay si Li Zhong.
Kahit na mahusay ang lakas ni Li Zhong, mahirap pa rin sa kanya na tumagal sa lakas ng isang suntok mula kay Meng Quan, kaya mabilis siyang natalo.
"Sige, maglaro muna kayo, magpapahinga lang ako nang sandali."
Matapos talunin si Li Zhong, bumalik si Meng Quan sa pergola at nagsimulang umiinom ng mga hindi mabibigat na pampalamig at tsaa na inihanda ng Xiao Clan.
Habang lumilipas ang oras...
Karamihan ng mga tao na naroroon ay nagsimula ng mga labanan.
Iilan lamang sa mga bata ng tatlong mahuhusay na clan ang hindi pa nagsisimula ng labanan.
Kabilang dito sina Duan Ling Tian at Li Fei.
Whoosh!
Lumipad palabas si Fe Fei at bumaba sa sentro ng Star Observation Platform, umaakit ng maraming mga nag-aalab na mga mata.
Kung itsura ang pag-uusapan, si Li Fei ay pantay kay Xiao Lan.
Ngunit ang dalawa sa kanila ay ganap na magkaibang uri.
Kung ikukumpara kay Xiao Lan, na parang isang diwata na naging makamundo, si Li Fei naman ay mas matindi.
Sa isang mala-diyablo na katawan at mukha ng isang anghel, siya ay mas kaakit-akit para sa mga lalaki.
"Xiao Lan."
Ang tingin ni Li Fei ay napunta kay Xiao Lan nang tawagin niya ang kanyang pangalan upang hamunin.
Parehong isa sa tatlong pinakamaganda ng Aurora City, wala sa kanila ang nais na magpatalo, dahil pareho silang nais na talunin ang isa sa isang aspeto.
Sa isang sandali, ang lahat ng mga mata ng mga tao na naroon ay lumiwanag.
Ang isang laban sa pagitan ng dalawa sa tatlong pinakamagaganda ng Aurora City ay isang bihirang eksena.
Nadama nilang lahat na ang paglalakbay na ito ay hindi para sa wala.
Lumakad si Xiao Lan nang may magagandang hakbang, lumalapit upang harapin si Li Fei.
Ang dalawang walang kapantay na magaganda ay nakatayo nang magkasama ay nagsanhi sa kapaligiran ng Star Observation Platform upang maging tahimik. Walang sinuman ang gustong abalahin ang magandang eksena na ito.
Si Duan Ling Tian ay natural na hindi makaliligtaan ang kanilang paglalaban, at nanood siya sa isang maayos na pagtingin.
Wanderer's Flash!
Gumalaw si Li Fei, na parang isang kumikislap na pulang rosas, mahahalintulad sa kidlat ang kaniyang bilis.
Cloud Prancing!
Gumalaw din si Xiao Lan. Ang kanyang natatanging anyo ay tila lumipad.
Sa itaas ng bawat isa sa dalawang dalagita ay silweta ng dalawang sinaunang mammoth na gumalaw, na para bang pinapalakas ng mga ito ang kanilang loob.
Kung bilis ang pag-uusapan, ang dalawang dalagita ay magkapantay.
Starfall Fist!
Ang kamao ni Li Fei ay sumuntok habang Origin Energy nito ay sumasabog, nagbago ito sa isang aninong kamao na mukhang isang nahuhulog na bituin. Mahirap malaman kung totoo ba ito o hindi.
Cloud Dispelling Palm!
Ang palad ni Xiao Lan ay gumalaw na may isang walang hugis na kuryenteng napupuno ng Origin Energy na lumalabas na parang nagbabago bilang mga puting ulap. Ang mga ito ay tila kalmado ngunit ang mga ito ay talagang naglalaman ng kagustuhang pumatay.
Bang!
Sa mga silweta ng mga kamao, ang tunay na kamao ni Li Fei ay sumuntok, na lumilikha ng sunod-sunod na mga pagsabog sa himpapawid.
Whoosh!
Sa pagitan ng mga ulap, ang maganda, at mala-jade na mga kamay ni Xiao Lan ay lumitaw bilang isang palad na may napakaraming Origin Energy na lumalabas.
Bang!
Ang palad at kamao ay nagbanggaan sa isa't isa.
Ang mga katawan ng dalawang dalagita ay umalog bago parehong napaatras ng tatlong hakbang.
Nang napansin ang pag-alog ng katawan ni Li Fei, tila gusto ni Xiao Lan na magpatuloy sa paglusob.
"Little Fei, sumuko ka na rito. Kahit na magpatuloy ka, magreresulta lamang ito sa inyo na maging parehas na magkapantay. Paano kung tumigil ka na rito?"
Si Duan Ling Tian ay ngumiti.
Si Li Fei ay tumingin nang masama kay Duan Ling Tian.
Ngunit alam niya na ang sinabi ni Duan Ling Tian ay isang katotohanan.
Si Xiao Yu tumayo rin nang sabihin niya habang nakangiti, "Oo nga, kayong dalawa ay itinuturing na magkapantay. Kung dalawa kayong maghaharap, ang resulta ay parehas kayong masasaktan."
Pagkatapos bumalik sa tabi ni Duan Ling Tian, nagtanong si Li Fei sa isang nagtatanong na itsura, "Nag-aalala ka ba na masasaktan ko siya?"
"Mapanirang-puri... ako ay hindi nagkaroon ng gayong iniisip. Natatakot lamang ako na masasaktan ka niya at maapektuhan ang iyong pagkaranggo sa Hidden Dragon List."
Si Duan Ling Tian ay nagmamadaling nagpaliwanag.
"Talaga?"
Ang ekspresyon ni Li Fei ay bahagyang kumalma.
"Siyempre!" tiyak na sabi ni Duan Ling Tian.
"Eh, ang Meng Quan na iyon..."
Biglang tumingala si Li Fei at tumingin sa malayo.
Tumingin din si Duan Ling Tian.
Si Meng Quan, na bagong kain, ay dumighay bago bumalik sa sentro ng Star Observation Platform.
Ang kanyang tingin ay napunta sa isang mapagmataas at malamig na anyo na nakatayo sa malayo.
"Tama iyon, walang kaduda-duda. Ikaw ay si... Li Qing, 'di ba? Hindi ba sinabi mong lahat kami ay bumpkins at maaari ka naming hamunin? Ako ngayon ang kakatawan sa aming mga bumpkins at hahamunin kita, ang henyo ng Li Clan."
Si Meng Quan ay kinakausap si Li Qing.
Ang ekspresyon ni Li Qing ay naging madilim nang siya ay mabilis na lumabas.
"Sigurado ka ba na gusto mo akong hamunin?"
Ang mga sulok ng bibig ni Li Qing ay naging isang mapang-asar na ngiti na para bang narinig niya ang pinakamagandang biro sa loob ng isang daang taon.
"Anong pinagsasabi mo? Maglaban na tayo!"
Si Meng Quan ay may isang naiinip na ekspresyon.
"Mahusay, napakahusay... Pagsisisihin kita sa ginawa mong desisyon."
Nagalit si Li Qing dahil sa kahihiyan.
Whoosh!
Ang katawan ni Li Qing ay kumislap patungo kay Meng Quan habang ang tatlong silweta ng ancient mammoth agad na nabuo sa kaniyang ibabaw.
Napakabilis niya.
"Narinig ko noon na ang pinakanangunguna ng Li Clan sa mga nakababatang henerasyon, na si Li Qing, ay nacultivate ang kanyang high grade Profound Rank movement technique, Swimming Dragon Steps, sa yugto ng pagkadalubhasa. Ang makita ito ngayon, talagang mayroon siyang karapat-dapat na reputasyon tulad ng inaasahan!"
"Dahil si Meng Quan ay naglakas-loob na hamunin siya, ang tapang ay nararapat na purihin... Ngunit sa kasamaang palad, laban kay Li Qing, na nasa ikalawang antas ng Core Formation Stage, ito ay hindi sapat."
"Anuman ang mangyari, nakikipaglaban si Meng Quan para sa atin."
...
Ang mga batang henyo ng maliliit na mga clan ay nagusap-usap.
"Sa wakas, mayroon na akong karapat-dapat na kalaban," sabi ni Meng Quan sa isang bahagyang tamad na paraan, ang kanyang katawan ay gumalaw matapos noon.
Whoosh!
Sa isang iglap, ang silweta ng tatlong ancient mammoth ay lumabas sa kaniyang ibabaw...
Bang!
Ang mga binti ni Meng Quan ay malakas na ibinagsak niya sa lupa at siya ay nagbago bilang isang bola ng kanyon na may bilis na kahit kaunti ay hindi lugi kay Li Qing, na gumagalaw upang hadlangan siya.
"Ang lakas ng tatlong sinaunang mammoth..."
Sa Star Observation Platform, maliban kina Duan Ling Tian at Xiao Yu, ang lahat ng tao ay hindi makapagsalita.
Ang Meng Quan na ito ay isa talagang martial artist sa ikalawang antas ng Core Formation!
Gifts
-- Gift
received Weekly Power Status
200+ Power
Ranking 
97 Power
stone 
Paragraph comment