Chapter 28: Makalipas ang Kalahating Buwan
Editor: LiberReverieGroup
"Sigurado ka ba na gusto mo akong mag-inscribe ng dalawampung Thunder Flame Inscriptions?"
Napakunot ang noo ni Duan Ling Tian nang makita niya ang bundok ng mga materyales na inihanda ng maliit na mataba. Naisip niya na ito'y bahagyang labis.
"Opo, Boss."
Tumango ang maliit na mataba tulad ng isang sisiw na tumutuko ng bigas, pagkatapos ay nagtanong, "Boss, may problema ba?"
"Walang problema."
Umiling si Duan Ling Tian.
Pagkatapos ay sinabi niya, "Gusto ko lang sabihin sa iyo na hindi mo maaaring gamitin ang Thunder Flame Inscription sa kahit sinuman maliban kay Li Ming, o kung hindi, hindi magtatagal bago malaman ng lahat na ginamitan mo siya ng inscription. Kung gagamitin mo lamang ito kay Li Ming, kahit ulit-ulitin mo ito, hindi niya maipapaliwanag ito dahil walang sinuman ang maniniwala sa kanya. "
"Oo, tama ka. Bakit hindi ko naisip iyon?"
Ang maliit na mataba ay sinampal ang kaniyang noo, at pagkatapos ay nagsisisi niyang sinabi, "Pusta ko kapag ginamit ko ang Thunder Flame Inscription kay Li Ming nang ilang beses pa, hindi siya maglalakas-loob na saktan ako muli... Boss, hindi ba ang matitirang mga materyales ay sayang?"
Seryosong sinabi ni Duan Ling Tian, "Itago mo ang matitirang mga materyales, kakailanganin mo ang mga ito. Ang unang inscription na ituturo ko sa iyo ay ang Thunder Flame Inscription."
"Salamat, Boss, salamat ng marami."
Ang isang malawak na ngiti ay makikita sa mukha ng maliit na mataba.
Biglang napansin niya na inilalapit nu Duan Ling Tian ang kanyang kamay na nakabukas patungo sa kaniya. Sa pagkalito ay nagtanong ang mataba, "Boss, ano ang ibig mong sabihin mo dyan?"
"Bayad sa pagtuturo!"
Tinitigan ni Duan Ling Tian ang maliit na mataba sa habang pagalit niyang sinabi ito.
"Oo, oo, muntik ko na makalimutan."
Ang maliit na mataba ay bahagyang tumawa habang kumukuha siya sa kanyang bulsa, at naglabas ng isang salansan ng mga perang papel, at ipinasa ito kay Duan Ling Tian. "Boss, matagal ko na itong inihanda. Narito ang isang libong pilak. Ito ang bayad sa pagtuturo mo para sa susunod na buwan."
Pinalawak ni Duan Ling Tian ang kanyang kamay at kinuha ito mula sa kanya, pagkatapos ay tumango siya. "Simula bukas, pupunta ako at hahanapin ka sa iyong lugar pagkatapos ng tanghalian, tuturuan kita sa lahat ng aking makakaya. Ang maaari mong matututuhan ay nakasalalay sa iyo."
"Salamat, Boss. Kung gayo'y hindi na kita aabalahin."
Ang maliit na mataba ay may isang malawak na ngiti nang siya ay tumalikod at masayang umalis.
Matapos bilangin ng mabilis ang libo-libong papel na pilak sa kanyang kamay, ang mga sulok ng bibig ni Duan Ling Tian ay bumaluktot sa isang bahagyang ngiti. "Ang bawat barya ay mahalaga, kailangan kong mangolekta hanggang sa aking makakaya, dahil sa susunod, kahit na ito ay medicine refining, weapon crafting, o 'di kaya mga inscription, ang lahat ng ito ay butas na walang dulo..."
Simula sa susunod na araw, si Duan Ling Tian ay maglalaan ng kalahating oras mula sa kanyang iskedyul upang pumunta sa bahay ni Li Xuan pagkatapos ng tanghalian.
Sa simula, nadama ng Fifth Elder na si Li Ting na ito ay kakaiba.
Ngunit pagkatapos makita ang kanyang anak na lalaki at si Duan Ling Tian na naging mabuting magkaibigan, masaya siya na nangyayari ito.
Bagaman, sa nakalipas na mga araw, lagi siyang nakaririnig ng kakaibang tunog na nagmumula sa silid ng kanyang anak.
"Clap!"
Biglang tumunog muli ang ingay...
Umiling si Li Ting at lumabas ng courtyard.
Sa silid, ang guwapong bata na may hugis-espada na mga kilay at mala-bituin na mga mata ay sinampal ang maliit na mataba sa kanyang ulo. "Paano ka naging ganito katanga? Sinabi ko na sa iyo na ang Violet Gold Sand at Scorching Grass Powder ay hindi maaaring direktang ipaghalo, ngunit hindi mo pa rin inaalala!"
"Boss, huwag mo na akong hampasin. Kung ipagpapatuloy mo iyan, magiging mas bobo ako."
Ang maliit na mataba ay hinimas ang kanyang ulo. Ang kanyang mukha ay may isang namaling ekspresyon.
"Bakit ba ako sumang-ayon na magturo sa iyo ang inscription technique? Ikaw ay isang malaking tanga! Sinasabi ko na sa iyo ngayon: kapag wala kang nakamit na kahit anong pagbabago sa buwan na ito, gaano man karami ang pilak ang ibibigay mo sa akin, hindi na kita tuturuan sa susunod na buwan dahil ayokong mag-aksaya ng oras."
Ang bata ay may nabigong ekspresyon.
Ang maliit na mataba ay mapait na ngumiti. "Boss, huwag kang mag-alala, magsisikap ako nang husto at hindi kita bibiguin."
"Umaasa akong magagawa mo ang sinasabi mo, tapos na ang kalahating oras, kaya oras na para ako'y umalis. Babalik ako bukas.
Habang nakakunot ang noo, lumabas ang bata sa silid at umalis.
Kalahating buwan na ang nakalipas.
Sa bukang-liwayway, ang Martial Arts Practice Hall ng Li Family ay napupuno ng ingay at kaguluhan.
Ang mga nagtipon na mga disipulo ng Li Family ay puro bata at dalagita.
Ang kanilang mga talakayan ay tungkol sa bunsong anak ng Second Elder, si Li Ming, at anak ng Fifth Elder, si Li Xuan.
"Ngayon ay si Li Ming naman ang unang naghamon kay Li Xuan. Mukhang siya ay tapos na gumaling."
"Sabi ni Li Ming na natalo lamang siya kay Li Xuan dahil siya ay may sakit. Siguro totoo iyon."
"Kung matalo siyang muli kay Li Xuan, siguradong isa lamang iyong kasinungalingan."
"Oo nga, sa tingin ko rin, hindi naman siya laging may sakit, tama ba?"
...
Si Li Ming ay matagal nang naroon at nakatayo sa gitna ng Martial Arts Practice Hall.
Habang naririnig niya ang mga talakayan sa paligid, ang kanyang mukha ay mas pumapangit sa bawat sandali.
Hindi siya pinayagan ng kanyang ama na ipaalam sa iba ang tungkol sa Thunder Flame Pill, kaya maaari niya lamang idahilan ang pagkakaroon ng sakit.
Ngunit hindi niya inaasahan na maraming tao ang magdududa sa kanya.
Talaga bang iniisip nila na siya ay hindi isang tugma para sa Li Xuan?
"Li Xuan, ako naman ngayon ang magpapahiga sa'yo sa higaan sa loob ng kalahating buwan!"
Sabi ni Li Ming habang nagkikiskis ang kaniyang mga ngipin.
"Ayan na si Li Xuan!"
Sa isang iglap, ang mga bata at dalagita na nakapalibot sa Martial Arts Practice Hall ay lumingon upang tumingin sa may malayo.
Sa malayo, ang isang perpektong pares ay naglakad patungo sa harap, habang ang isang bahagyang kaawa-awang maliit na mataba ay sumunod sa likod ng mga ito na parang isang alagad. Ang maliit na alagad ay ang mismong bida ngayon, si Li Xuan.
"Narinig ko na si Li Xuan ay kinilala si Duan Ling Tian bilang kanyang boss."
"Kinikilala ang isang disipulo na may ibang apelyido bilang kanyang boss, isang kahihiyan sa Li Family."
"Ano ngayon kung siya ay isang disipulo na may ibang apelyido? Kung mayroon kang b**ag, ulitin mo kung ano ang iyong sinabi nang malakas, ikaw ba ay maglalakas-loob? Hindi ka maglalakas-loob, tama ba? Kung hindi ka maglalakas ng loob, eh 'di wag ka magmalaki!"
"Tama iyon, kahit na si Duan Ling Tian ay isang disipulo na may ibang apelyido, nagdala siya ng karangalan sa Li Family. Ang Fang Family ay napahiya niya nang maraming beses!"
"Ang tatlong buwan na kanilang napag-usapan ay bukas na. Iniisip ko kung maglalakas ba ng loob si Duan Ling Tian na bisitahin talaga ang Family."
...
Nang hawakan ni Duan Ling Tian ang kamay ni Ke Er, narinig niya ang mga talakayan tungkol sa kanya mula sa kalayuan.
Itinawa lamang niya ang mga ito.
Pagkatapos ay tiningnan niya ang maliit na mataba sa kaniyang likuran. "Huwag mo siya masyadong bigyan ng pinsala ngayon araw. Hayaan mo siyang sumuko kapag naunawaan niya na hindi siya mananalo, kundi ay makikipag-away ang Second Elder sa iyong ama kahit na siya ay sobrang mabait. 'Wag mo na pahirapan ang iyong ama, naiintindihan mo ba?"
Ang maliit na mataba ay mabilis na tumango.
Sa mundong ito, ang taong pinupuri niya ng lubos ay si Duan Ling Tian.
Nang kanilang napansin ang tatlo na padating, ang mga disipulo ng Li Family ay nagbigay-daan.
Hinawakan ni Duan Ling Tian ang kamay ni Ke Er matapos nila tumayo sa harap.
Ang maliit na mataba, sa kabilang banda, ay lumabas at pumasok sa arena. Siya ay ngumingiti nang malawak habang tinitingnan niya si Li Ming. "Li Ming, ayos ka na ba? Napakabilis mong gumaling."
"Li Xuan, ngayon ay tatanggalin ko ang kahihiyan na ibinigay mo sa akin noong kalahating buwan na ang nakaraan!"
Ang mukha ni Li Ming ay maliwanag na pula.
Ang galit na kaniyang pinigilan sa loob ng kalahating buwan ay sumabog na sa wakas...
"Huwag kang mag-alala, sinabi sa akin ng aking boss na huwag kita masyadong saktan ngayon."
Si Li Xuan ay bahagyang tumawa. Ang kanyang ekspresyon ay tila nakakainis at labis na kasuklam-suklam.
"Tinatawag mo ang kamatayan!"
Ang titig ni Li Ming ay naging malamig, ang kanyang mga binti, na nakapagtipon na ng enerhiya sa loob ng ilang oras, ay nanginig, at lumipad tulad ng isang mabangis na tigre patungo kay Li Xuan.
Ang mastered middle grade grade Yellow Rank martial skill na Fierce Tiger Fist ay kaniyang isinagawa, at mabilis na patungo kay Li Xuan.
"Fierce Tiger Fist?"
Nang makita ang eksena na ito, ang mga mata ni Duan Ling Tian ay nanliit.
Naalala niya na ang bunsong anak ng Seventh Elder, si Li Xin, ay gumamit din ng Fierce Tiger Fist.
Gayunpaman, ang Fierce Tiger Fist ni Li Xin ay mas mahina kaysa kay Li Ming; sila ay magkaiba ng antas.
Ito ang pagkakaiba sa pagitan ng unang yugto at pagkadalubhasa.
Ang mga martial skill ay nailalabas ang kanilang tunay na lakas kapag nacultivate na ito sa pagkadalubhasa.
Gumalaw si Li Xuan, direktang gumalaw upang hadlangan ang atake.
Hindi niya gumamit ng kahit anong martial arts; pasimple lamang niyang isinuntok ang kanyang kamao sa kamao ni Li Ming.
Sa isang iglap, ang mga sulok ng kanyang bibig ay nakabaluktot sa isang masamang ngiti at ginamit niya ang Thunder Flame Inscription...
Sa isang iglap, ang eksena noong kalahating buwan na ang nakalipas ay muling nangyari.
Ang buong katawan ni Li Ming ay napatigil na parang natamaan ng kidlat. Ang lakas sa kanyang mga kamao ay nawala, at nag-iwan lamang ng isang bahagyang pagkawalang-galaw. Hindi magawang pigilan si Li Xuan.
"Ping!"
Ang kamao ni Li Xuan ay sumuntok kay Li Ming itinaob siya, inilagay siya sa isang masakit na posisyon kaya nagsimula siyang magpawis ng labis.
Sunod-sunod na suntok at sipa ang sumunod...
Ang Martial Arts Practice Hall ng Li Family ay tahimik.
Sa mga taong nakakita ng kanilang labanan noong kalahating buwan na nakalipas, ang eksena na ito ay parehas na parehas...
Kalahating buwan na ang nakalipas, si Li Ming ay tinalo ni Li Xuan sa parehong paraan.
"Hindi, imposible… paano ito naging posible?!"
Matapos tumigil ni Li Xuan, napansin ni Li Ming na nawala na ang sakit ng kulog at apoy na umaatake sa kanyang katawan.
Siya ay tila natulala, hindi makapaniwala na ang nangyayari ay totoo.
Kung noong kalahating buwan ay swerte si Li Xuan, maaari kayang swerte siyang muli ngayon araw?
Paano kaya nagkakaroon ng ganitong pagkakataon?
"Huwag mo na akong gagalitin mula ngayon, o kung hindi, ayos lang sa akin na pahigain ka sa isang kama sa loob ng kalahating buwan muli."
Nanginginig ang mukha ni Li Xuan habang siya ay nagyayabang. Sa ilalim ng masidhing pagtingin sa mga nakapalibot na tao, bumalik siya sa tabi ni Duan Ling Tian.
Si Li Xuan ay may isang natutuwang ngiti sa kanyang mukha; parang siya ay ibang tao na. "Boss, nakikinig ako sa iyo at nagpakita ako ng awa. Sa pagkakataong ito ay hihiga na lamang siya sa loob ng ilang araw."
Seryosong tumango si Duan Ling Tian.
"Ang lakas ko, 'di ba, hipag?"
Tumingin si Li Xuan patungo kay Ke Er habang bahagya siyang ngumingiti.
Nang marinig kung paano siya tinawag ni Li Xuan, ang mukha ni Ke Er ay agad naging mapulo.
"Tigilan mo ang pagiging mayabang. Sa tulong ng Thunder Flame Pill at ang Seven Treasures Body Tempering Liquid, ikaw ay nasa ika-apat na antas ng Body Tempering stage palang ngayon, hindi ka ba nahihiya?"
Binigyan ni Duan Ling Tian si Li Xuan ng isang nang-iinis na sulyap.
Dahil napilitan siyang tanggapin si Li Xuan bilang kanyang alagad, nagdagdag siya ng mga materyales sa Six Treasures Body Tempering Liquid ng mataba, na binago ito sa Seven Treasures Body Tempering Liquid.
Siyempre, ito ay isang lihim sa pagitan nila ni Li Xuan; kahit ang Fifth Elder na si Li Ting ay hindi ito alam.
Saka lamang pagkatapos ay nalaman ni Li Xuan na ang Six Treasures Body Tempering Liquid ay aktwal na ginawa ng kanyang boss, at dahil dito ay nagsimula siyang hangaan si Duan Ling Tian mula sa ilalim ng kanyang puso.
Si Li Xuan ay nahihiyang kinamot ang likod ng kanyang ulo habang tumatawa nang mapait. "Boss, sa tingin mo ba lahat ng tao ay kasing abnormal mo at ni hipag..."
Kahapon, ang cultivation ni Ke Er ay sumunod sa likod ng cultivation ni Duan Ling Tian; siya ay yumapak na sa ikapitong antas ng Body Tempering Stage, na naging sanhi ng pagkapipi ni Li Xuan. Wala siyang magawa kundi ang hangaan sila.
"Tumigil ka. Ikaw ang abnormal."
Tumitig si Duan Ling Tian sa maliit na mataba. Habang hawak-hawak ang kamay ni Ke Er, tumalikod siya at naglakad palayo.
Habang nagbibigay-daan ang mga tao para sa kanila, ang lahat ng mga titig sa kaniya ay puno ng paggalang.
Ang Duan Ling Tian noong apat na buwan na ang nakalipas ay itinuturing ng mga tao na mababa.
Ngunit ngayon, hindi nila namalayan, si Duan Ling Tian ay naging isang tao na matitingnan nila ng mataas...
Ang ilan sa kanila ay nagsisisi pa rin na hindi sila nakipagbati sa kaniya nang siya ay mahina pa.
Kung pwede lang, ay susunod sila sa kaniyang tabi tulad ni Li Xuan. Napakamarangal sa pakiramdam!
"Boss, hintayin mo ako!"
Dala-dala ang kaniyang katawan na puno ng taba, masayang sumunod si Li Xuan.
Nang mawala ang anino ng kanilang katawan mula sa paningin ng lahat, ay saka lamang tumingin ang lahat sa taong nakahiga sa gitna ng arena. Si Li Ming, na may hindi makapagsalitang ekspresyon, ay nakatingin sa kalangitan. Nagsimula ang mga tao na insultuhin siya. "Sasabihin bang muli ni Li Ming na natalo siya dahil mayroon siyang sakit?"
"Sa palagay ko, nang sabihin niyang may sakit siya noong nakaraang buwan, siguradong isa lamang itong kasinungalingan. Kaya ngayon, napahiya niya ang kaniyang sarili!"
"Isang kahihiyan!"
...
Ang mga sulok ng bibig ni Li Ming ay naglabas ng walang magawa at mapait na tawa habang naririnig niya ang mga pangungutya ng mga nakapaligid na disipulo ng Li Family.
Hindi niya maintindihan kung bakit mangyayari sa kanya ang ganitong kakaibang bagay.
Chapter 29: Determinasyon
Editor: LiberReverieGroup
"Boss, bukas na ang araw na sinabi mong bibisitahin mo ang Fang Family. Sigurado ka ba talagang pupunta ka?"
Sa pagbalik mula sa Martial Arts Practice Hall, ang maliit na mataba ay nagkaroon ng seryosong ekspresyon habang tinitingnan niya ang bata sa kaniyang tabi.
Ang bata ay ngumiti. "Siyempre pupunta ako!"
Sa loob ng dalawampung taon sa kanyang nakaraang buhay, lagi niyang pinanatili ang kanyang mga pangako; siya ay hindi kailanman nagkaroon ng ugali ng pagbawi ng anumang bagay na kaniyang sinabi.
Ito ay isa sa kanyang mga panuntunan nang siya ay nakipagharap sa mga ganitong usapan.
Kung babaguhin niya ito, hindi siya magiging ang Ling Tian na ang pangalan ay isang beses nang niyanig ang planetang Earth at sa iba't ibang bansa nito.
Ang maliit na mataba ay tahimik nang sagliti. Pagkaraan ng maikling sandali ay tinanong niya, "Boss, ikaw ba ay may tiwala sa iyong sarili?"
Ang bata ay nagkibit-balikat. Ang mga sulok ng kanyang bibig ay may isang ngiti habang sumasagot siya, "Gusto mo ba ng katotohanan o isang kasinungalingan?"
"Siyempre gusto ko ang katotohanan!"
Seryosong sinabi ng maliit na mataba.
"Hindi ako isang daang porsyento na tiwala sa aking sarili."
Ang mga mata ng bata ay kumislap habang siya ay bahagyang umiling.
"Boss, kung hindi ka tiwala sa sarili mo, huwag ka na pumunta bukas ... Ikaw ay labinlimang taon pa lamang, kaparehong edad ng anak ni Fang Qian. Kung susuko ka sa paglaban kay Fang Qiang, wala paring sinuman ang manunutya sa iyo."
Isang expression ng pag-aalala ang lumitaw sa mukha ng maliit na mataba habang sinabi niya ito.
"Li Xuan."
Biglang sabi ng bata.
"Ano iyon, Boss?"
Ang maliit na mataba ay mabilis na sumagot.
"Tandaan mo ito: bilang isang lalaki, dapat kang maging responsable. Sa sandaling ikaw ay nangako ng isang bagay, walang dahilan para sirain mo ito. Kung hindi ako pupunta, parang nilabanan ko na rin ang sa aking puso, at baka ako ay manatili sa hukay na ito sa buong buhay ko dahil ako ay naging duwag at natakot... Kaya, kahit na wala akong isang daang porsyento ng pagtitiwala sa sarili ko, pupunta pa rin ako!"
Ang bata ay may seryosong ekspresyon habang dahan-dahan niyang sinabi ito.
Ang dalagita sa tabi ng bata ay may mga mata na malinaw na parang tubig habang buong damdamin niyang tinitingnan si Duan Ling Tian.
Napansin niya na sa sandaling ito, mayroong isang hindi mailalarawan na karisma na nagmumula sa bata; ito ay hinahawakan ang mga sinulid sa pinakamalalim na bahagi ng kanyang puso.
Ito ay nagsanhi sa kanya na makulong sa pagkakahawak kanyang karismatikong katauhan at hindi makawala sa kulungan na ipinataw sa kanya.
"Boss, hindi ko kayang talunin ka sa argumento; ang lahat ng sinasabi mo laging tunog lohikal."
Ang maliit na mataba ay may isang mapait na ngiti, "Ngunit kahit ngayon lamang, dapat mo akong pakinggan: huwag kang kumilos nang walang anumang masinsinang pag-iisip! Parang hindi mo alam na si Fang Qiang ay wala na sa Body Tempering..."
"Saan nanggagaling lahat ng walang kwenta mong salita? Intindihin mo dapat ang iyong sarili; hindi mo kailangang mangealam tungkol sa mga gawain ko!"
Pinutol ng bata ang pagsasalita ng mataba. Ang kilay na hugis espada ay bahagyang kumibot habang biglang tinignan niya ng masama ang mataba.
Ang taong ito ay talagang may malaking bunganga.
Ngayon lamang napagtanto ng maliit na mataba na ang dalagita ay naroroon. Siya ay nahihiya na ngumiti sa kanya.
Matapos paalisin ang maliit na mataba, dinala ng bata ang dalagita pabalik sa courtyard ng kanilang bahay.
Sa sandaling ito, ang bata at pihikan na mukha ng dalagita ay may bakas ng pag-aalala. Ang kanyang mainit at magiliw na titig ay nasa bata habang siya ay nagtatanong, "Young Master, wala ka ba talagang tiwala sa iyong sarili?"
Ang bata ay bahagyang ngumiti, dahan-dahan na hinahawakan ang pisngi ng dalagita, na kasing kinis ng isang jade. "Lokong bata, sinabi ko lang na wala akong isang daang porsyentong kumpiyansa! Huwag kang mag-alala, kahit ano pang mangyari, hindi ko hahayaang may mangyari sa akin. Kahit na hindi ko siya matalo, lalabas parin ako bilang ako. Sa kabila ng lahat, ayaw ko rin naman iwanan ang aking Ke Er."
Ang hugis willow na kilay ng dalagita ay kumikislap at ang kanyang malinaw na mga mata ay parang naluluha. Niyakap niya ang bata at kanyang tinig ay bahagyang tunog na parang siya ay naluluha, sabi niya, "Young Master, kung may mangyari sa iyo... si Ke Er... si Ke Er ay hindi makakayanang mabuhay mag-isa."
Ang mga salita ng dalagita ay tulad ng mabibigat na mga martilyo na pinupok ang puso ni Duan Ling Tian. Ang kanyang puso ay walang magawa kundi ang manginginig sa takot...
Dahil nakaranas siya ng dalawang buhay, alam niya na ang sinabi ng dalagita ay totoo kung wala ang kaunting pagkakamali!
Sa sandaling ito, ang malakas na kalooban na si Duan Ling Tian, na dudugo nang hindi umiiyak, ay hindi mapigilan ang kanyang mga mata na maging bahagyang basa.
Nang kanyang higpitan ang kanyang pagkakayakap sa dalagita, malumanay niyang sinabi, "Lokong bata, hindi ka ba naniniwala sa akin?"
Ang dalagita ay tumango na parang isang umiiyak na binibini. "Si Ke Er ay natatakot... Takot na iwan ng Young Master si Ke Er. Kung ang Young Master ay wala na dito, ang buhay ni Ke Er ay wala na ring kahulugan."
Mula noong oras na dinala siya ni Duan Ling Tian sa bahay at inalagaan siya na parang kapamilya, mayroon na siyang ginawang pangako sa kanyang puso.
Sa buhay na ito, nabubuhay siya para lamang sa Young Master.
Kahit na ang Young Master ay mag-asawa at magkaroon ng sariling bahay balang araw at may sarili na siyang asawa at mga anak, tahimik pa rin siya na nasa panig ng Young Master, handang maging isang alipin o tagapangalaga, na naglilingkod sa kanya hanggang sa siya ay matanda na.
Hanggang sa huli niyang hininga...
Ang kanyang buhay ay para sa lalaking ito, at mabubuhay siya nang walang anumang pagsisisi.
"Okay, tingnan mo sarili mo. Mukhang kang maliit na panda."
Habang tinutulungan ang dalagita na punasan ang kanyang mga luha, bahagyang ngumiti si Duan Ling Tian at sabi, "Kung ang aking ina ay umuwi at makita ka na ganito, tiyak na iisipin niya na sinaktan kita. Para namang hindi mo alam iyon sa iyong puso, dahil ikaw ang kanyang magiging manugang, mayroon kang mas mataas na katayuan kaysa sa akin, kesa sa kanyang anak na lalaki."
"Young Master, napakasama mo, niloloko mo si Ke Er."
Ang dalagita ay nahihiyang umalis sa yakap ng bata, tumakbo sa kanyang silid, at isinara ang pinto sa kanyang likuran.
"Ang dalagita ay nahihiya."
Umiling si Duan Ling Tian at ngumiti, pagkatapos ay ang kanyang mga mata ay nagpapakita ng isang hindi pa nakikitang katapangan.
Para kay Ke Er, para sa kanyang ina, at para sa kanyang sarili, hindi niya kailanman hayaan ang anumang bagay na mangyari sa kanyang sarili.
"Fang Qiang, tiyak na mamamatay ka!"
Ang mga mata ni Duan Ling Tian ay kumislap sa malamig na liwanag, na nagpalabas ng walang katapusang lamig.
Sa lugar ng Li Family, sa courtyard ng bahay ng Fifth Elder na si Li Ting.
Si Li Ting ay pumasok sa kanyang bahay na may kakaibang ekspresyon. Nang mapansin niya ang kanyang anak na lalaki, na nakaupo doon at tulala, hindi niya mapigilan ang kanyang sarili na pabirong pagalitan siya. "Paano mo ginawa iyon, bata? Si Li Ming talagang bumagsak ng dalawang beses sa pamamagitan ng iyong mga kamay."
Alam niya na si Li Ming ay napinsala ng kanyang anak noong kalahating buwan na ang nakalipas, at gusto niya malaman kung paano ito nangyari.
Nang siya ay humingi ng tawad sa Second Elder, narinig niya si Li Ming na sumisigaw, na nagsasabi ng tungkol sa mga side effect ng Thunder Flame Pill na mas lalong lumalala.
Siya, na ganap na alam ang mga kakayahan ng kanyang anak, ay natural na naniniwala na ito ay totoo.
Ngunit sa oras na ito si Li Ming ang naunang nag-isip na hamunin ang kanyang anak na lalaki at muling napinsala ng kanyang anak na lalaki, nagiging sanhi sa kanya na humanga.
Kakabalik pa lamang niya sa bahay ng Second Elder. Sa huli, si Li Ming ay muling sinabi na ito ay side effect lamang ng Thunder Flame Pill at napagalitan ng Second Elder...
Habang naglalakad pauwi, kapag mas lalo pa niyang iniisip ito, mas lalo niyang nararamdaman na may mali.
Kahit na nagbigay karangalan sa kanyang anak ang pagtalo kay Li Ming, siya ay may pakiramdam na ang bagay na ito ay hindi kasing simple ng kung paano ito makikita ibabaw.
"Xuan, may mali ba?"
Mabilis na napansin niya na ang kanyang anak ay nagkaroon ng isang naguguluhan na ekspresyon, ganap na naiiba mula sa masiyahin na siya noong napabagsak niya si Li Ming sa unang pagkakataon noong kalahating buwan na ang nakaraan.
Bakit kakaiba siya ngayon?
Hindi ba dapat ay masaya siya na napabagsak niya si Li Ming?
Hindi mapigilan ni Li Ting ang kanyang sarili na magtanong, "Xuan, mayroon ka bang problema sa iyong isip? Bakit panay kunot noo ka?"
Nang bumalik si Li Xuan sa kanyang sarili, pinagkiskis niya ang kanyang mga ngipin na waring may nagawa siyang malaking desisyon, pagkatapos ay itinaas niya ang kanyang ulo upang tumingin kay Li Ting bago sabihin, na may seryosong ekspresyon, "Itay, mayroon akong isang bagay na gusto kong sabihin sa iyo... Ngunit, hindi mo maaaring hayaan na malaman ng Ninth Elder ang tungkol dito, kundi si Boss ay tiyak na hindi na ako kilalanin bilang isang kapatid na lalaki ngayon!"
Napakunot ng noo si Li Ting. "Ano iyon? Sabihin mo sa akin!"
Mabilis na sinabi ni Li Xuan sa kanya tungkol sa kung ano ang kanyang narinig mula sa Fang Family noong kalahating buwan na ang nakakaraan. Matapos mapait na tumawa, sinabi niya, "Hindi gusto ni Boss na sabihin ko sa kahit na sinuman, kaya itinago ko itong lihim sa lahat ng oras na ito, ngunit si Boss ay pupunta sa Fang Family bukas. Kahit na siya ay nagtagumpay na sa ikapitong antas ng Body Tempering Stage, paano siya maging isang tugma para kay Fang Qiang, na nakayapak na sa Core Formation Stage?! "
"Si Fang Qiang ay nasa Core Formation Stage?"
Nang marinig ang kuwento ng kanyang anak na lalaki, ang mukha ni Li Ting ay lubhang nagbago habang malakas na sinabi niya, "Bata, naglakas loob ka pa itago ang gayon kahalagang bagay? Talagang matapang ka! Matapos kong sabihin ito sa Patriarch, uuwi ako rito sa bahay at tuturuan ka ng leksyon."
Nang matapos siya magsalita, nagmadali si Li Ting upang makita ang Patriarch.
Matapos umalis ang kanyang ama, pinababa ni Li Xuan ang kanyang natabang ulo at binulong ang kanyang sarili, "Boss, huwag mo aking sisihin. Nag-aalala lang ako na baka may mangyaring mali. Kahit na magalit ka o mapoot sa akin pagkatapos nito, hahayaan ko ito."
Sa takipsilim, inutusan ni Patriarch Li Nan Feng ang isang tao na ipatawag si Duan Ling Tian. Ito ay isang sorpresa para sa kanya
Sa audience hall ng Li Family, bukod kay Li Nan Feng, kay Grand Elder Li Huo at si Fifth Elder Li Ting ay naroon. Ang kanyang puso ay nagulat nang maunawaan niya kung ano ang nangyayari.
Ang lintik na mataba na iyon ay siguradong binuksan ang kanyang bunganga.
"Binabati ko kayo, Patriarch, Grand Elder, at Fifth Elder."
Yumuko si Duan Ling Tian sa tatlo sa kanila.
"Duan Ling Tian, alam mo ba kung bakit ka namin ipinatawag dito?"
Ang mga mata ni Li Nan Feng ay dahan-dahan na lumiit habang tinanong niya ito.
"Ang Patriarch ay tinawag ako rito para sa bagay tungkol kay Fang Qiang na yumapak sa Core formation stage, tama ba?"
Si Duan Ling Tian ay dumiretso sa punto.
"Bata, mayroon kang magandang likas na talento at matalino... Ngunit, sa bagay na ito, hindi mo ba iniisip na ikaw ay hindi nag-iingat?"
Napabuntong-hiniga si Li Nan Feng.
Si Duan Ling Tian ang kayamanan ng Li Family. Hangga't narito siya, hindi mauubos ang supply ng Six Treasures Body Tempering Liquid.
Ang kahalagahaan ng Six Treasures Body Tempering Liquid sa Li Family ay napakataas.
Kasama ng Thunder Flame Pill, ang cultivation ng mga bata ng lahat ng mga Elder ng Li Family ay sumusulong nang palukso at pagtalbog. Sila ay mas mahusay kaysa sa nakababatang henerasyon ng mga pamilya ng Fang at Chen.
Ngumiti si Duan Ling Tian at sinabi niya, "Patriarch, bilang tunay na lalaking nabubuhay sa mundong ito, may mga bagay ako na dapat kong gawin at mga bagay na hindi ko dapat gawin! Ang gagawin ko bukas ay isang bagay na ako, si Duan Ling Tian, na nangako sa harap niyong lahat. Tulad nga ng kasabihan "ang pangako ng isang ginoo ay katumbas ng isang libong gintong barya," kung gusto ng Patriarch na hikayatin ako na iwaksi ang aking pangako, natatakot ako na mabibigo ka lamang."
"Ikaw…."
Nagkaroon ng madilim na ekspresyon si Li Nan Feng.
Ang mga salita ni Duan Ling Tian ay matalim, walang kahit anumang kahinaan ang nasa kanyang argumento, na nagiging sanhi ni Li Nan Feng na hindi malaman kung paano siya hikayatin.
"Bata, hindi ka maaaring magbiro sa isang bagay na katulad nito. Sa iyong kasalukuyang cultivation at pag-asa sa iyong mabilis na espada, ang pagpatay sa ika-siyam na antas na martial artist ng Body Tempering ay lubos na posible, ngunit ang unang antas na martial artist ng Core Formation na nagtataglay ng lakas ng dalawang ancient mammoths ay napakarami para sa iyo upang mahawakan.
Inaasahan ni Grand Elder Li Huo na ipagpaliban ni Duan Ling Tian ang ideya ng pagpunta sa lugar ng Fang Family bukas.
"Salamat sa iyong pag-aalala, Grand Elder."
Lumabas ang pasasalamat sa mukha ni Duan Ling Tian; gayunpaman, ang kanyang mga mata ay nanatiling matatag tulad ng dati, nang walang kaunting pagbabago.
"Kalimutan mo iyon, kalimutan mo iyon..."
Pagtapos tumingin kau Duan Ling Tian sa isang sandali, si Li Huo ay napabuntong-hininga. "Patriarch, dahil ang bata na ito ay determinado, hayaan na lang na'tin siya."
"Grand Elder!"
Si Li Nan Feng at Li Ting ay parehong natulala.
"Salamat, Grand Elder!"
Si Duan Ling Tian ay may isang ngiti sa kanyang mukha at nagpapasalamat na nakatingin sa Li Huo, pagkatapos ay tumingin siya patungo kay Li Nan Feng at Li Ting. "Patriarch, Fifth Elder, bago ako pumunta sa Fang Family bukas, inaasahan ko na hindi niyo sasabihin sa aking ina ang tungkol dito. Si Duan Ling Tian ay may utang sa iyo. "
Pagtapos na pagtapos niyang magsalita at sinabi ng kanyang paalam, si Duan Ling Tian ay lumingon at umalis, walang pumipigil at malaya.
"Grand Elder, paano mo nagawang sumang-ayon na hayaan na lamang siya?"
Nagkaroon ng mapait na ekspresyon si Li Ting. Hindi niya alam kung bakit ito ang desisyon ng Grand Elder.
Si Li Nan Feng ay tumingin rin kay Li Huo. Siya ay may parehong tanong.
"Li Ting, nakita mo ang ugali ng bata. Sa palagay mo ba talaga ay mapipigilan na'tin siya? Huwag mong sabihin sa akin na gusto mo siyang ipakulong muna sa kanyang bahay? Ito ang landas na kanyang pinili, at ang bawat isa ay dapat na responsable para sa kanilang mga sariling desisyon. Kahit siya ay hindi naiiba."
Tumayo si Li Huo at naghanda na umalis.
Bago siya umalis, idinagdag niya, "Bukas, pupunta ako kasama siya. Magtatago ako sa anino para sa kapakanan ng Li Family. Ano naman kung ang lumang mukha na ito ay ilagay sa panganib?"
Gifts
-- Gift
received Weekly Power Status
200+ Power
Ranking 
187 Power
stone 
Paragraph comment