Chapter 6: Inscription Technique
Editor: LiberReverieGroup
"Tian!"
At biglang sumimangot si Li Rou. Napakalungkot niya noong malaman na gumawa ng desisyon ang kanyang anak nang hindi man lang siya kinokunsulta nito.
"Anong mga kundisyon?" Tanong ni Lie Jie habang nakatingin ito kay Duan Ling Tian.
Nakahanda siya sa kahit na ano pang kundisyon na ibibigay ni Duan Ling Tian, Basta pumayag itong makipaglaban sa kanya.
Ito na ang pinakamagandang pagkakataon para maipaghiganti niya ang kanyang nakababatang kapatid. Hindi rin niya palalagpasin ang nagawa nito sa kanyang kapatid!
"Simple lang ang aking kundisyon: Magtuos tayo sa susunod na buwan! Lalabanan lamang kita pagkatapos ng isang buwan. At kung natatakot ka o hindi pabor sa desisyong ibinigay ko ay walang problema. Hahayaan ko na lang din ito na para bang walang nangyari at hindi ka kailanman nagpunta rito upang hamunin ako."
Napakapayapa ng expresyon ni Duan Ling Tian noong panahon na iyon. Na para bang sigurado siyang papayang si Lie Jie sa kundisyong ibinigay niya.
"Sige, bibigyan kita ng isang buwan… Sana ay hindi magresulta sa takot ang panahong hiningi mo sa akin!"
Hindi nagdalawang isip si Lie Jie sa kanyang sinabi at nagpakita pa ito ng isang malamig na ngiti.
<Ang ibig sabihin ba nito ay kaya niya na ako talunin sa loob lang ng isang buwan?>
Kumunot ang noo ni Li Kun matapos nilang umalis sa tirahan nila Duan Ling Tian at sinabing "Maaari bang inantala niya ang inyong pagtutuos ng isang buwan dahil nakasisiguro siya sa kanyang sarili na kaya ka niyang talunin? Hindi ba't mukhang naging padalos dalos ang pagtanggap mo sa kanyang kundisyon kanina?"
"Ang basura ay mananatiling basura ama… At kahit na makumpleto niya man ang kanyang body tempering ay nasa unang antas pa rin siya ng Body Tempering Stage! Hinding hindi niya magagawang makatungtong sa ikalawang antas ng Body Tempering Stage sa loob lamang ng isang buwan" ang tumatawang sabi ni Li Jie habang ito ay punong puno ng tiwala sa kanyang sarili.
"Pero…"
Gusto pa sanang magpatuloy ni Li Kun sa kanyang pagsasalita ngunit naputol ito nang biglang magsalita si Li Jie
"Natatakot po kayo sa Collapsing Fist ni Duan Ling Tian hindi ba ama? Kung gayon ay maari na po kayong makahinga ng maluwag. Kahit na ang kanyang Collapsing Fist martial skill ay nabibilang sa Profound Rank o mas mataas pa rito, at kahit na makatungtong pa siya sa ikalawang antas ng kanyang Body Tempering Stage, Sa tingin niyo ba ay mapapantayan niya ang aking lakas sa pamamagitan lang ng isang Collapsing Fist?"
Napakalaki ng pagkakaiba sa lakas ng ikatlo at ika apat na antas ng Body Tempering Stage. Ang pagkakaiba ng dalawang ito ay umaabot sa higit na 100 pounds! Hindi na kailangan pang banggitin ang pagkakaiba sa pagitan ng ikalawa at ika apat na antas ng Body Tempering Stage…
"Masyado lamang nagiisip ng husto ang ama mo anak. Nahihilo lang siguro ako dahil sa kundisyon ng nakababata mong kapatid ngayon."
Matapos marinig ni Li Kun ang lohikal na paliwanag ng kanyang anak ay tumango ito at ngumiti ng bahagya.
Ipinagmamalaki niya ang kanyang panganay at kahit kalian ay hindi nito siya binibigo.
Matapos umalis ni Li Kun at ng kanyang anak ay napansin ni Duan Ling Tian na nakatitig sa kanya ang kanyang ina na si Li Rou ng may mga matang may bahid ng sama ng loob.
"Huwag po kayong magalala ina. Tiwala po ako sa sarili ko!" Madaling tugon ni Duan Ling Tian.
"Napapansin ko na ang mga pagbabago sa iyo Tian. Pero hindi nun ibig sabihin na kaya mo nang abutin ang mga bagay na hindi mo pa maabot! Kinikilala si Li Jie na isang henyo sa martial arts ng buong pamilya Li. Isa siya sa mga katangitanging miyembro para sa kaunlaran ng Pamilya Li. Kinikilala rin siya bilang pinakamalakas sa lahat ng may ika apat na antas ng Body Tempering Stage! Hindi siya maikukumpara sa kapatid niyang si Li Xin."
At nanghihinang nagbuntong hininga ito.
"Alam ko po ang mga sinasabi niyo ina. Maari niyo po bang pagkatiwalaan ako rito? Paniguradong mananalo po ako rito ina! Hinding hindi ko po kayo bibiguin!"
At tumingin si Duan Ling Tian sa kanyang ina ng may seryosong mukha.
"Lokong bata ka talaga. Hindi ako nagaalala sa kahihiyang idudulot nito. Nagaalala ako para sa iyo anak. Hindi kailanman gugustuhin ng iyong ina ang mga nangyari sa iyo ilang araw na ang nakalilipas… Halos iwanan mo na ako noon…"
Dahan dahang namula ang mga mata ni Li Rou habang ito ay nagsasalita.
Mukhang tumatak na sa kanyang puso ang nangyari sa kanyang anak ilang araw na ang nakalilipas.
"Ipinapangako ko po ina na hindi ko na kayo pagaalalahanin pa!" Seryosong sabi ni Duan Ling Tian.
"Sige anak, nagtitiwala ang ina mo sa iyo. Sana ay huwag kang mahihiyang magsabi sa akin kung ano ang mga kakailanganin mo ngayong buwan."
Bahagyang tumango si Li Rou habang pinipilit niyang ngumiti ng bahagya.
"Ibili niyo po ako ng mga sangkap sa paggawa ng gamot na binili niyo po noong isang araw. Kakailanganin ko rin po ang ilang piraso ng baryang pilak…"
Matapos makuha ang mga baryang pilak mula sa kanyang ina ay naglakad na ito palabas sa kanilang patyo at paalis sa kanilang tirahan.
Ito ang unang pagkakataon na aalis siya magisa mula noong makarating siya sa mundong ito.
Nahahati ang pamilihan ng Fresh Breeze town sa tatlong napakaiingay na mga eskinita sa pagitan ng tatlong mga pamilya kabilang ang pamilya Li. Ang puwesto ng pamilya Li sa pamilihan ay malapit sa kanilang ari arian sa hilagang bahagi.
Kasisimula pa lamang maglakad ni Duan Ling Tian sa pamilihan nang marinig niya ang malalakas na tawag ng mga tindero na nagtitinda ng kanilang mga produkto sa mga gilid ng eskinita. Napupuno naman ng mga nagkikinangang mga gamit ang mga tindahan sa gilid ng eskinitang ito.
Naramdaman ni Duan Ling Tian sa isang sandali na para ba siyang naglakbay papunta sa mga sinaunang panahon sa kanyang nakaraang buhay.
Makikita mo lang ang mga ito sa TV sa nakaraang buhay ko.
Kaliwa't kanang nagtingin si Duan Ling Tian habang naglalakad siya sa kalsada…
At noong marating niya ang pasukan sa tindahan ng sandata ng pamilya Li, nakita niya ang mga nagkikinangang mga sandata nito. Nagdalawang isip pa siya bago maglakad paalis sa bahagi ng pamilya Li sa pamilihan. Matapos nito ay naglakad siya papasok sa bahagi naman ng pamilya Chen, sa bahagi ng pamilihan na patungo sa timog kanlurang bahagi ng Fresh Breeze Town.
Isa ang pamilya Chen sa mga pinakamalalaking pamilya sa Fresh Breeze Town, Hindi ito nalalayo sa pamilya Li at pamilya Fang.
Bumuo ang tatlong pamilyang ito ng isang three-way power na pumipigil sa kahit na sino sa kanila na maging lamang sa isa't isa. At kahit na walang tumututol sa kanila ay napakapayapa sa Fresh Breeze Town at walang sinuman ang nagtangkang manlang at sirain ang kapayapaan doon.
At noong makapasok na siya sa tindahan ng sandata ng pamilya Chen, agad siyang binati ng nagtitinda rito. "Maaari ko po bang malaman ang inyong kailangan ginoo?"
Sabay ngiti ng nagbabantay sa kaniya.
Umiling naman si Duan Ling Tian at sinabing. "Hindi ako bibili ng kahit na anong sandata. Mayroon lamang akong kailangan na mga materyales mula sa iyo."
<Materyales lamang ang kanyang bibilhin sa halip na sandata?>
Nagulat ang nagbabantay noong marinig niya ang tugon ni Duan Ling Tian.
<Hindi kaya ay isang kakilakilalang manggagawa ng sandata sa likod ng kostumer na ito?>
Ang mga manggagawa ng sandata ay sadyang naiiba sa mga panday na nagtatrabaho sa tindahan ng mga armas. Ang kanilang mga estado ay maihahalintulad din sa estado ng mga alchemists.
Ang bawat manggagawa ng armas ay isang indibidwal na nakikipaglaban para sa kanilang kakayahan at kapangyarihan!
Ang mga sandatang nilikha ng mga panday ay naututuring lamang na mga pangkaraniwang mga armas. Ngunit ang mga ginagawang mga sandata ng mga manggagawa ng armas ay maituturing na mga Spirit Weapons na may kakayahang palakasin ang attack power ng sino mang gagamit nito at nagreresulta sa mga gamit na sadyang kakaiba.
Ang bawat isa sa tatlong mga makapangyarihang pamilya sa Fresh Breeze Town ay may isang alchemist. Pero wala ang kahit na isa sa kanila na miyembrong gumagawa ng mga armas.
Ipinapakita lang dito kung gaano kahirap makakita ng isang manggagawa ng sandata!
"Puwede ko bang malaman ang mga materyales na kinakailangan ninyo upang makuha ko na agad?"
Napansin agad ni Duan Ling Tian ang pagbabago sa kilos ng bantay at hindi man lang nagpakita ng kahit na anong uri ng paggalang ang boses nito.
Hinulaan na lamang niya ang rason nang hindi humihingi ng paliwanag mula rito.
Ang mga materyales na kanyang binibili ay hindi para sa paggawa ng sandata.
Ang Rebirth Martial Emperor ay isang Royal Grade Craftsman. Kung kaya't ang lahat ng kaalaman at karanasan nito sa paggawa ng sandata ay nasa kanyang mga ala ala. Ngunit para maging isang manggagawa ng sandata, Kinakailangan niya munang maabot ang Core Formation Stage at mapalakas ang kanyang Origin Energy.
Sumusunod din sa parehong konsepto ang mga graded alchemist. Pero hindi na sila nangangailangan pa ng Origin Energy. Napakaimposibleng makalikha ka ng Pill Fire para mahinang mo ang ibang mga tabletang ginagamit sa panggagamot.
Sinabi niya ang siyam na uri ng materyales na kinakailangan niya sa loob lang ng isang hingahan.
Kinakailangan niya ang mga materyales na ito upang magsagawa ng inskripsyon.
Ang mga pamamaraan sa pagiinskripsyon ay isa sa mga pinakamadalang na mga pamamaraan sa buong Cloud Continent. Kadalasan itong nakaukit sa mga pangkaraniwang sandata o kung hindi kaya sa mga personal na kagamitan lamang.
Ang mga kagamitang may inskripsyon ay kayang magdala ng napakalakas na kapangyarihan.
At kahit na hindi kakaiba ang lakas at maituturing na iba't ibang klase lamang ito ng mga abilidad, kapag napakawalan na ang lahat ng lakas, ay mauubos na ang inskripsyon na inukit sa bagay na iyon na para bang isang bomba na tuluyang mawawasak kapag ito ay sumabog.
At natuklasan ni Duan Ling Tian na ang panahon kung saan pinakakilala sa buong Cloud Contineng ang mga pamamaraan sa pagiinskripsyon ay noong ikalawang buhay na ng Rebirth Martial Emperor.
Sakim na minaster ng Rebirth Martial Emperor ang mga mahahalagang pamamaraan sa pagiinskripsyon sa mga panahong ito.
Kinakailangan ng Three Lives Rebirth Technique ng Rebirth Martial Emperor ang sampung libong taon na nakahimlay ang kanyang kaluluwa bago ito mabuhay nang muli.
At dahil dito, may kakayahan lamang siyang maghanap ng katawang mapapasukan pagkatapos ng sampung libong taon.
Natapos na ang sampung libong taon at ang mga pamamaraan niya sa pagiinskripsyon ay dahan dahan nang nawawala dahil sa hindi malamang dahilan.
Ito rin ang dahilan kung bakit ang mga estado ng mga master sa pagiinskripsyon ay talagang napakalayo kaysa sa mga estado ng mga alchemist at mga manggagawa ng sandata.
Ang siyam na uri ng materyales ay kinakailangan ni Duan Ling Tian para makagawa siya ng isang mababang antas ng pagiinskripsyon.
"Ang mga materyal na ito ay nagkakahalaga ng pitong baryang pilak ginoo."
Ang natapos na bantay sa tindahan ng pamilya Chen ang paghahanda sa mga materyales at ibinigay ito kay Duan Ling Tian.
Matapos niyang makita ang pagalis ni Duan Ling Tian sa tindahan, Nagtungo ang bantay ng tindahan ng armas sa tirahan ng pamilya Chen.
Ang balitang mayroong isang maggagawa ng armas ang dumating sa Fresh Breeze Town ay isang balita na hindi niya dapat ipagwalang bahala at agad na sabihin sa ama ng pamilya Chen upang maiwasan ang pagbagsak nila mula sa dalawa pang mga pamilya.
"Hindi kakasya itong pera na hawak ko… dalawampung baryang pilak lang ang ibinigay ni ina sa akin at sa loob lang ng ilang saglit ay nagastos ko na ang kulang kulang sa kalahati nito."
Napakamot na lamang ng ulo si Duan Ling Tian at dumaan sa shortcut pabalik sa tirahan ng pamilya Li.
At habang dumadaan siya sa intersection na nagdudugtong sa tatlong pamilihan ng Fresh Breeze Town ay napansin niya ang isang grupo ng mga tao na nakapalibot at tumuturo sa isang bagay na nasa gilid ng kalsada.
At dahil sa kanyang pagiging mausisa ay napagpasyahan niyang tingnan kung ano ang pinagkakaguluhan ng mga tao doon.
Isang babae na nakasuot ng panglamay na may mahabang buhok na nakapagbibigay akit sa kanyang mukha ang nakaluhod sa gilid ng kalsada.
At base sa kanyang pangangatawan ay mukhang nasa labinlimang taong gulang pa lamang ang dalagitang ito.
At sa harap niya ay may nakalagay na isang karatulang may nakasulat na: "Ibinibenta ko ang aking katawan upang maipalibing ko ang aking ina!"
Hindi niya maisip na ang isang tagpo na makikita niya lamang sa telebisyon sa nakaraan niyang buhay ay masasaksihan niya ng personal.
Bilang dating isang Hari ng mga Weapons Specialists, naramdaman niya agad ang naghihinagpis na aurang bumabalot sa katawan ng dalagitang ito.
"Hindi naman masama ang pangangatawan mo iha He he he… Itaas mo nga ang iyong ulo upang makita ko kung ikaw ba ay maganda, Bibilhin kita upang maging isang serbidora ko."
Sabi ng isang matabang lalaki na may pagkalakilaking tiyan na may maikling pasensya habang nakatingin sa nakaluhod na bata nang may bahid ng pagnanasa.
"Oo nga kung hindi mo itataas yang ulo mo, walang bibili sa iyo!" Sunod ng isang lalaki na nakatingin din sa dalagita.
"Itataas ko lamang ang ulo ko kung mayroon nang tao ang handang bayaran ang pagpapalibing ng ina ko" sabi ng babae habang ito ay nakayuko pa rin. Sobrang ganda ng boses nito na para bang isang oriole na kumakanta. Pero mahahalata rin ang pagiging matigas nito sa kanyang boses.
"Hindi na masama ang boses mo. Hindi ka siguro maganda kaya ayaw mong itaas ang iyong ulo. Ako ay…"
Natigil ang pagsasalita ng matabang lalaki noong marinig niya ang singhal na nag mumula sa hindi na makapagpigil na si Duan Ling Tian.
Lumakad si Duan Ling Tian sa dalagita at mahinhing sinabi na "Bibigyan kita ng sampung baryang pilak. Tumayo ka na at ipalibing ang iyong ina."
"Maraming salamat po Young Master."
Nanginig ang katawan ng dalagita habang itinataas nito ang ulo niya. Inalis din niya ang buhok na bumabalot sa kanyang mukha gamit ang kanyang makinis at payat na mga kamay.
Mayroon siyang napakakinis na kayumangging balat na kung saan makikita ang mura nitong edad. At ang kanyang napakagandang mukha ay napakasimple kahit na wala itong makeup.
Makikita rin sa ilalim ng kanyang mga maninipis na kilay ang pagkaganda ganda niyang mga mata na napuno ng pagluluksa. Makikita rin sa mga ito ang lakas ng loob na nagdulot ng pagkaawa para sa kaniya ng ibang tao.
Ang mala jade niyang ilong ay sadyang napakatangos at mayroon din siyang malambot at kaakit akit na mga labi na maguudyok sa kahit na sino na halikan siya.
Inisip din ni Duan Ling Tian, katulad ng matabang lalaki, na ang ang dahilan kung bakit ayaw itaas ng dalagitang ito ang kanyang ulo ay dahil sa hindi ito maganda. Pero sinong magaakala na ang batang ito ay may kaakit akit na kagandahan!
Kasabay ng kanyang napakagandang pangangatawan, katamtaman lang ang tangkad at payat pero siksik na katawan. Napakadali na lamang isipin ang magiging itsura niya paglaki… Siguradong isa siya sa mga kinahuhumalingan dahil sa kanyang angking kagandahan.
Nilunok ng mga lalaking nakapaligid sa kanya ang kanilang tumulong mga laway at ang mga mata nila ay napuno ng pagkasakim.
"Sampung baryang pilak lang ang ibinigay niya sa iyo. Bibigyan kita ng dalawampung baryang pilak! Sa akin ka na susunod mula ngayon."
Mabilis ding nagbigay ng mas mataas na presyo ang matabang lalaki nang malapit ng tumulo ang kanyang laway matapos sulyapan ang magandang mukha ng dalagita.
"Bibigyan kita ng 30!"
Tapat ng isa pang lalaki sa presyong inalok ng matabang lalaki.
"50 naman ang sa akin!"
"Kaya kitang bigyan ng 60!"
...
Nanlalamig na tiningnan ni Duan Ling Tian ang mga tao na sabik na sabik na nagpapataasan ng presyo para sa dalagita na para ba itong nasa isang auction.
Aalis siya agad kung pipiliin ng babae ang pinakamataas na magaalok sa kanya ng presyo. Anong klaseng tao ang hindi karapat dapat para sa tulong niya!
Chapter 7: Dominating Attack
Editor: LiberReverieGroup
Mabilis na umangat ang presyong inaalok ng mga lalaking nakapaligid sa dalagita. Ang iba naman ay wala ng magawa kundi mapailing sa kanilang nasasaksihan.
Bago pa man itaas ng dalagita ang kanyang ulo ay wala silang interes na mag alok ng presyo rito… Isang batang lalaki lang ang nagmagandang loob na bigyan siya ng sampung baryang pilak para maipalibing ang kanyang ina.
Pero noong ipakita na ng dalagita ang napakaganda nitong mukha ay nagkandarapa na sa pagaalok ng mas mataas na halaga at halos mag away away na ang mga lalaking walang interes sa kanya kani kanina lang.
"Bibigyan kita ng 100 piraso ng baryang pilak!" pataas na sigaw ng matabang lalaki, "Kung sino man sa inyo ang magalok ng mas mataas sa 100 na barya ng pilak ay susuko na ako! Kung hindi ay akin na ang dalagitang ito!"
100 piraso ng baryang pilak!
Nagsitigil sa pagsasalita ang mga taong kanina ay nagaalok para makuha ang dalagita sa gilid ng kalsada.
Masyadong malaki para sa kanila ang 100 piraso ng baryang pilak para sa kanila.
Sobra sobra rin ang 100 piraso ng baryang pilak para sa isang dalagitang gaya niya para sa kanila.
"Maraming salamat! Maraming salamat."
Sabi ng matabang lalaki habang kumakaway nang may buong pagmamalaki sa kanyang sarili sa harap ng maraming tao.
"Mula ngayon ay susunod ka na sa akin."
At pagkatapos ay tumingin siya sa nakaluhod na dalagita.
Nang biglang may narinig silang walang kakwentakwentang boses na nagsabing "200 piraso ng baryang pilak ang inaalok ko!"
Tumabi ang mga taong nakapaligid sa dalagita upang magbigay daan sa isang payat na lalaking may kulay ng balat na maihahalintulad sa isang may sakit at nakasuot ng robe na gawa sa silk. Mahinhin itong naglakad patungo sa kinaroroonan ng dalagita.
"Fang Jian?"
Agad na nakilala ni Duan Ling Tian ang batang manginginom. Siya ang anak ng pinaka ama ng pamilya Fang sa Fresh Breeze Town.
Sa edad na 15 taong gulang ay kilala na siya sa buong Fresh Breeze Town sa paglapastangan sa iba't ibang mga dalagita sa iba't ibang lugar.
At kung hindi lamang siya sikat at kilala, marahil ay matagal na itong napatay sa bugbog o hindi kaya'y sa kaparusahan.
"Ang isang kasuklam-suklam na taong gaya mo ay kayang mag alok ng 200 piraso ng baryang pilak?"
Sabi ng matabang lalaki habang nakatingin ito ng masama kay Fang Jian.
Hindi niya napansin na noong dumating si Fang Jian ay makikita na ang labis na takot sa mukha ng mga taong nakapaligid dito.
"Hindi ka nakatira rito sa Fresh Breeze Town tama?" Nanlalamig na sagot ni Fang Jian sa matabang lalaki.
"Humph! Isa akong mangangalakal galing sa labas na nakaranas ng lahat ng bagay sa buong mundo… Huwag mong isipin na hindi ko napansin ang iyong robe na gawa sa silk. Malay ko ba kung kanino mo ninakaw iyan! At sa unang tingin ko lang ay masasabi ko na isa ka lamang mahirap na nilalang. Hindi ka magmumukhang prinsipe kahit na damitan ka pa ng kagaya nito… Mahirap mang isipin… Pero hindi mo kayang maglabas ng kahit na limang piraso ng baryang pilak tama ba?!"
Tiningnan niya pa ng masama si Fang Jian at base sa pagtingin nito sa kanya, ito ay nagpapahiwatig ng 'nabisto na kita sa iyong pagpapanggap kaya kung maaari ay umalis ka na at dalian mo.'
"Pfft!"
Hindi na mapigilan ni Duan Ling Tian ang kanyang tawa, gayundin ang mga taong nakapaligid. Pumula na ang kanilang mga mukha dahil sa pagpipigil nila sa kanilang tawa. Sa sobrang takot nila kay Fang Tian ay hindi nila magawang tumawa.
"Hoy taba! Nakasisiguro akong mamamatay sa harapan ko!"
Sulyap si Fang Tian kay Ling Tian bago tumingin papunta sa matabang lalaki at huminga ng malalim.
At habang hindi makapaniwala ang matabang lalaki sa mga narinig niya ay sumigaw si Fang Jian, "lahat kayo mga walang silbi! Ano pang hinihintay niyong mga tanga kayo!? Bilisan niyo na pumunta rito at bugbugin ang hayop na matabang ito hanggang sa mamatay! Hindi mo kilala kung sino ako. Ako si Fang Jian… Isa akong panginoon dito sa Fresh Breeze Town!"
"Opo Young Master!"
Tatlong matitipunong lalaki na kasing edad ni Fang Jian umabante at pinalibutan ang matabang lalaki.
<Fang Juan?
Siya nga si Fang Jian?!>
At tuluyang natigilan ang matabang lalaki.
Kahit kararating lang niya sa Fresh Breeze Town ilang araw pa lang ang nakalilipas ay narinig niya na kung sino ang pinakakilalang mga tao sa Fresh Breeze Town, at isa na rito ang batang anak ng pinaka ama ng pamilya Fang na si Fang Jian.
Si Fang Jian ay kinikilala bilang isang marahas na bata sa buong Fresh Breeze Town. Siya ay dumedepende lamang sa impluwensiya ng kanyang pamilya para mang api ng kapwa at sapilitang kunin ang kung sino mang magustuhan niyang babae. Kakaunti lamang ang nagtangkang harapin siya.
"Oh… Oh, Kayo po pala si ang batang si Master Fang. Napakabulag naman ng isang walang kuwentang tulad ko upang hindi makilala ang batang si Master Fang… Patawarin niyo po ako sa aking kapanghahasan Master Fang. Sa inyo na po ang dalagitang ito…"
Hindi na maipinta ang mukha ng mataba at nahihirapan na nitong panatilihin ang kanyang mayabang na tikas. Lumamig ang kanyang pawis at ang boses niya ay naging magpakumbaba at magalang.
Malamig na suminghal si Fang Jian bago ito sumigaw ng "Huli na ang lahat upang magmakaawa ka. Bugbugin niyo siya ngayon din para sa inyong young master!"
"Maawa po kayo young master Fang… Maawa po kayo…"
At umatake ang tatlong batang matitipuno na nagresulta sa paggulong at pagiyak na parang isang baboy ng matabang lalaki habang nagmamakaawa ito.
Umatras naman ang mga taong nakapaligid sa takot na madamay sila sa matabang lalaki na ipinabugbog ni master Fang.
Kumilos si Fang Jian na para bang hindi niya naririnig ang pagmamakaawa ng matabang lalaki.
"Magandang dalaga, sumunod ka na sa iyong young master papauwi. Bibigyan kita ng 200 na piraso ng baryang pilak at magarbong libing para sa iyong ina. Mula ngayon, kung susunod ka sa akin ay mamahalin kita ng lubos."
Tiningnan ni Fang Jian ang dalagitang nakalulod sa lupa. Ang kanyang mukha ay napuno ng pagkabalisa at kahalayan. Iniabot niya ang kanyang kamay upang tuluyan itong tumayo…
Nainis ng husto ang dalagita. Sinubukan nitong makatayo ngunit nanginig ang kanyang mga tuhod at hindi niya kinakaya dahil sa pagkaluhod niya ng mahabang panahon.
"Binayaran na ako ng 10 piraso ng baryang pilak at nabili ng young master na ito master Fang. Sa kanya na po habang buhay." Nanginginig na sagot ng dalagita at nagtago sa likuran ni Duan Ling Tian.
"10 piraso ng baryang pilak? Hindi mo ba narinig ang alok kong 200 na piraso ng baryang pilak?"
Sumama ang mukha ni Fang Jian na para ba itong nadaya.
"Hindi ko po sinabing magpataasan kayo ng presyo. Kung sino man ang unang tumulong sakin para maipalibing ang ina ko ang aking susundin" nagmamatigas na sabi ng dalagita.
"Hindi na masama. Mayroon ka pa ring integridad na natira sa iyo. Gusto ko iyan! Pero kahit na gustuhin mo mang sumunod sa kanya ay hindi siya magtatangka dahil sakin… Ano sa tingin mo bata?"
Tumingin siya kay Duan Ling Tian ng may mga matang malamig na kumislap na nagsasabi ng intensiyon nito na nanghahamon sa kanya.
Kahit na nakilala ni Duan Ling Tian si Fang Juan ay hindi naman nito nakilala na si Duan Ling Tian ang kausap niya.
"Iligtas mo po ako young master…"
Humawak ito sa damit ni Duan Ling Tian na para bang ito na ang huling lifejacket na natitira sa lumulubog na bangkang sinasakyan niya.
Matagal na siyang may naririnig tungkol sa kilalang si Fang Jian ng Fresh Breeze Town. Kinatatakutan niya ito ng sobra sobra… Mas pipiliin na lang niyang mamatay kaysa pagsilbihan si Fang Jian!
"Huwag kang mag alala"
Dahan dahan namang tinapik ni Duan Ling Tian ang ulo ng dalagita habang siya ay nakangiti.
Natanggal ng kanyang ngiti ang takot ng dalagita na para bang sariwang simoy ng hangin.
"Nahimatay na po ang matabang ito young master."
Binugbog nila ang matabang lalaki hanggang sa mapuno ito ng dugo at mahimatay. Matapos nito ay saka lang tumigil ang mga alalay ni Fang Jian.
"Kalimutan niyo na iyan at pumunta kayo rito… Gusto ng lalaking ito na agawin sa ang dalagita sa akin!"
Sumulyap si Fang Jian kay Duan Ling Tian nang may mapangasar na ngiti.
"Sinong magtatangkang mang agaw ng babae mula kay Young Master Fang!"
Gigil na gigil na tinitigan ng tatlong alalay ni Fang Jian si Duan Ling Tian.
"Tumakas na kayo hanggang hindi pa huli ang lahat!"
Nanlalamig na sinabi ni Duan Ling Tian. Sa sobrang lamig ng boses nito ay para itong galing sa impyerno na nagpapanginig sa kahit na sinong makarinig dito.
Natuliro si Fang Jian at ang talong alalay nito. Kahit na ang mga taong nakapaligid sa kanila ay natulala.
Saan nanggaling ang mapanghahas na lalaking ito?
"Hindi mo ba ako kilala bata?
Tanong ni Fang Jian kasabay ng malamig nitong ngiti. Naghinala rin siya kung alam ba talaga ng batang ito kung sino ba siya talaga…
"Hindi ba ikaw yung walang silbing bata na nanggaling sa pamilya Fang? Na nakadepende lang sa impluwensya ng pamilya para mang api at sapilitang kumuha ng babaeng magustuhan niya… Paano kaya kung wala na ang impluwensya at yaman ng pamilya Fang? Ano na kayang mangyayari sa iyo?"
Malamig na tumawa si Duan Ling Tian habang hawak hawak ang makinis at malambot na kamay ng dalagita paalis sa nakapaligid na mga tao.
"Patayin niyo siya!" Pasigaw na utos ni Fang Jian at nagbago ang kulay ng kanyang mukha na maihahalintulad sa kulay ng bituka ng baboy.
"Opo Young Master!"
At tumakbo ang tatlong alalay ni Fang Jian papunta kay Duan Ling Tian.
"Dito ka muna at huwag kang aalis." Mahinhing utos ni Duan Ling Tian sa dalagita. Wala man lang takot na nabuo kay Duan Ling Tian habang naglalakad siya papunta sa mga ito.
Maaga pa lang ay napansin niya na nasa ikalawang antas lang ng Body Tempering Stage ang pinakamalakas sa mga alalay ni Fang kaya hindi ito nabahala sa kanila!
Bahagyang gumalaw ang mga binti ni Duan Ling Tian at iniwasan ang atake ng pinakamalakas na alalay ni Fang nang walang kahirap hirap.
Mabilis niyang pinaikot ang kanyang katawan, lumiyad siya patalikod hanggang manginig ang kanyang spine para bumwelo. Nagmistula siyang isang panang handa na para tumira sa kalaban.
Collapsing Fist!
At pinakawalan ni Duan Ling Tian ang katawan niya sa pagkakabuwelo na para bang pana na itinira sa kalaban. Mabilis na gumalaw ang kanyang mga kamao papunta sa likurang bahagi ng kanyang kalaban. Ang lakas ng kanyang buong katawan ay nakakoncentrate sa kanyang mga kamao. Ang kanyang suntok ay eksaktong tumama sa spine ng alalay ni Fang.
Kacha!
Umiyak ng may pagkalakaslakas at katakot takot ang alalay habang tumatalsik ito papunta sa lupa. Matapos nito ay agad siyang nahimatay.
Ang tagpong ito ay maihahalintulad sa tagpo kung saan ay tinalo ni Duan Ling Tian si Li Xin…
Ang pinagkaiba lang ay nagpakita pa ng awa si Duan Ling Tian kay Li Xin kung kaya't ang braso lang nito ang napuruhan.
Pero ngayon, ang spine na ng kalaban ang napuruhan.
Hindi na makakatayo pang muli ang alalay na ito ni Fang Jian habang buhay.
Hindi na maipinta ang mga mukha ng dalawa pang alalay ni Fang habang ang mga ito ay nakatulala, matapos nilang makita kung paano natalo ang pinakamalakas sa kanilang tatlo.
Pero noong nakita nila ang matalim na tingin ni Duan Ling Tian ay napilitan pa rin silang labanan ito.
Bang! Bang!
Ang pagtuturo ni Duan Ling Tian sa dalawang ito na may unang antas ng Body Tempering Stage ay para lamang isang laro para sa kanya.
Humakbang siya ng isa, itinaas ang dalawa niyang kamay at sumuntok pababa sa lupa. Tinamaan niya sa ulo ang dalawang mga alalay ni Fang. Matapos nito ay nahimatay din sila.
Cleaving Fist!
Isa itong uri ng Five Element Fist move na galing sa Form at Will Boxing.
Ang natira na lang na nakatayo ay si Fang Jian
At kahit na anak si Fang Jian ng pinaka ama ng pamilya Fang, ang mapangabuso sa katawan nitong lifestyle ang naging dahilan ng sadyang paghina ng kanyang pangngatawan. Siya ay nasa unang antas lamang ng Body Tempering Stage. Ang lakas niya rin ay mas mababa kaysa sa kanyang tatlong alalay.
"Ikaw… Huwag mong susubukang lumapit sa akin… Ako ang Young master ng pamilya Fang… Huwag kang manghahahas na saktan ako kundi mamamatay ang buong pamilya mo!"
Hindi na maipinta ang mukha ni Fang Jian noong makitang papalapit sa kanya si Duan Ling Tian.
"Karapat dapat na tawaging young master ng pamilya Fang! Kahit na sa ganitong sitwasyon ay nagawa mo pa ring takutin ako!" sabi ni Duan Ling Tian habang malamig na tumatawa, umabante siya ng dalawang hakbang at sinipa si Fang Jian paalis.
Tumalikod siya at pinuntahan ang nakatulalang napakagandang dalagita at umalis. Unti unti silang nawala sa paningin ng mga tao habang naglalakad palayo sa kalsada.
"Mukhang nakahanap ng mabagsik na katapat si Young Master Fang. Pumunta siya para sa hinto pero umuwi nang may dalang bato!"
"Sino kaya iyong Young Master na iyon? Mukhang magkasing edad lang sila ni Fang Jian at ng tatlo nitong alalay. Pero may lakas siya na sadyang kagulat gulat."
"Nanghahas niyang tinalo ang young master ng pamilya Fang… Nakasisiguro ako na hindi siya isang ordinaryong tao lamang."
...
At unti unting nagalisan ang mga taong nakapaligid sa gilid ng kalsada. Nagkaroon ng kaunting kasiyahan sa kanilang paguusap dahil sa nangyari kay Fang Jian.
Sinundan ni Duan Ling Tian ang dalagita pabalik sa burol ng kanyang ina at nagbigay ng iilang piraso ng baryang pilak para maipalibing ito.
"Kunin mo ang perang ito at magsimula ka ng isang maliit na pagkakakitaan."
Binigay ni Duan Ling Tian ang natitira niyang mga baryang pilak sa dalagita.
"Ayaw niyo po ba sa akin young master?"
Namutla sa sobrang panghihina ang dalagita at nanginig ang buong katawan nito.
Umiling naman si Duan Ling Tian.
"Ano ba ang iniisip mo? Alam ko na sinubukan mo lang na ibenta ang sarili mo para may maipangbayad sa pambalibing ng iyong ina at wala ka ng ibang pagpipilian pa bukod dito. Wala lang ang tulong na naibigay ko sa iyo ngayon. Hindi mo kailangan ibigay ang buhay mo para mabayaran lang ako."
Sa simula pa lang ay hindi na niya ginustong gawing tagapaglingkod ang dalagitang ito.
"Mabuti ka pong tao young master. Pakiusap… Hayaan na po ninyong sumunod ako sa inyo. Wala na ang aking ina at wala na akong pupuntahan pa na kahit na sino. Pakiusap po." Maingat na hinawakan muli ng dalagita ang damit ni Duan Ling Tian.
Nang mapansin niya na wala ng aasahan ang dalagitang ito kundi siya na lamang, nagisip si Duan Ling Tian ng ilang sandali…
"Sige puwede ka nang sumunod sa akin pauwi" dagdag niya.
"Maraming salamat po Young Master!"
Ngumiti nang parang isang bulaklak ang dalagita.
Umalis si Duan Ling Tian nang mag isa sa tirahan ng pamilya Li. Pero pagbalik nito ay mayroon na siyang ibang tao na kasama.
Habang sila ay pauwi, maraming napatingin na mga miyembro ng pamilya Li sa magandang mukha ng babaeng ito. At nagsimula na silang manghula sa kung sino ang dalagitang ito at kung ano ang kuneksyon nito kay Duan Ling Tian.
Gifts
-- Gift
received Weekly Power Status
200+ Power
Ranking 
138 Power
stone 
Paragraph comment