Chapter 4: Collapsing Fist
Editor: LiberReverieGroup
Hindi makapaniwala ang mukha ni Li Rou ng makita niyang muli si Duan Ling Tian.
"Ikaw Tian ay…"
Matapos ang ilang saglit, itinaas niya ang nanginginig niyang mga kamay at hinawakan ang mga braso ni Duan Ling Tian…
Bilang isang Core Formation Stage Martial Artist, napansin niya ang pagsasanay na ginawa ni Duan Ling Tian sa kanyang sarili sa isang tingin niya lamang.
Ito ay ang unang antas ng Body Tempering Stage!
Nakamit na rin niya sa wakas ang kanyang Body Tempering at isa na siyang ganap na Martial Artist!
Nitong mga nakaraang taon ay lagi niya nakikitang bigo si Duan Ling Tian sa pagkakamit ng Body Tempering nito. At lalo pang humina ng humina ang katawan nito.
Patago siyang nagaalala para kay Duan Ling Tian sa mga oras na ito.
"Bakit ka po umiiyak ina?"
Itinaas ni Duan Ling Tian ang kanyang mga kamay at pinunasan ang mga luha ni Li Rou.
"Ayos lang ako anak… Sadyang napakasaya ko lamang sa mga sandaling ito."
Pinunasan ni Li Rou ang sarili niyang mga luha at ngumiti.
Matatapos na rin ang taon taon niyang pagaalala kay Duan Ling Tian.
Bigla niyang napagtanto na nagawa ito ng kanyang anak sa loob lamang ng tatlong araw.
Ang makamit ang pagbabagong ito sa loob lang ng tatlong araw?
Siya ay nagulat!
Ang kanyang magandang mga mata ay sandaling tumitig bago makaramdam ng pagkakaba nung bigla niyang naalala ang hiling ni Duan Ling Tian tatlong araw na nakalilipas.
<Huwag mong sabihing…>
"Ang pagbabago ba sa iyong katawan ay resulta ng mga sangkap na ipinabili mo sa akin noong isang araw?"
Tanong ni Li Rou upang mawala ang kanyang pagkabagabag.
"Opo Ina!" Tugon ni Duan Ling Tian habang tumatango.
"Ginawa mo ang gamot na iyon ng mag isa?" Mausisang tanong ni Li Rou.
At muling tumango si Duan Ling Tian.
Napabuntong hininga si Li You at sinabing "anong klase ng gamot ang iyong ginawa at paano mo ito natutunang gawin?"
Kinabahan ng kaunti si Duan Ling Tian sa tanong na iyon ng kanyang ina.
Masyadong nakakagulat ang mga pangyayari sa pagitan niya at ng Rebirth Martial Emperor.
Kahit na ang kanyang paglipat galing sa kanyang nakaraang buhay na napakahirap ipaliwanag.
"May nakita ako na isang lalaki ina sa aking panaginip noong ako ay malubhang masugatan at nawalan ng malay. Isa siyang matandang lalaki na nagturo sa akin kung paano gumawa ng isang uri ng likidong gamot" dahilan niya.
At sinimulan niyang ikinuwento kay Li Rou ang tungkol sa Seven Treasures Body Tempering Liquid at ang epekto nito.
"Ang pagpapabilis ng pagpapalakas ng Body Tempering Stage ng mga Martial Artists?"
At si Li Rou ay natulala.
Wala pa siyang naririnig na kahit anong likidong gamot na kayang pabilisin ang pagpapalakas ng Body Tempering Stage. Higit pa rito ang sangkap nito na napakadaling makuha sa pamilihan.
Napagtanto niya na ang formula sa paggawa ng gamot na ito ay hindi isang ordinaryong formula.
Ayon sa kanyang mga nalalaman tungkol sa mga gamot ay mayroong mga tabletang gamot na may kakayahang makapagpabilis ng pagpapalakas ng Body Tempering Stage. Ngunit sa sobrang mahal ay hindi ito kayang mabili ng isang ordinaryong tao. At ang matataas na uri lamang ng mga Graded Alchemist ang kayang makagawa nito.
"Kahit na kalian man Tian ay huwag na huwag mong sasabihin ang epekto ng gamot na iyan sa kahit na sino.
Inisip agad ni Li Rou ang kapakanan ng kanyang anak kung kaya't sersyosong pinaalalahanan niya ito noong napagtanto niya ang halaga ng gamot na iyon.
"Alam ko po ina. Sinasabi ko lang po ito sa inyo."
At ngumiti si Duan Ling Tian.
Nagustuhan niya ang pakiramdam ng pagaaruga ng isang ina, dahil sa kanyang pagiging ulila sa kanyang nakaraang buhay.
"Ang napakabait kong anak."
Nagsimula na ring ngumiti si Li Rou ng napakaningning na siyang naglabas ng kanyang kagandahan.
"Ngayon na nakatungtong ka na sa unang antas ng Body Tempering Stage ay maari ka ng mamili ng isang Martial Skill galing sa Martial Pavilion ng Pamilya Li.
"Opo Ina! Aalis na po ako upang tingnan ang mga iyon!"
Kahit na kumpleto na ang lahat ng martial skills galing sa mga ala ala ng Rebirth Martial Emperor ay napagpasyahan niya pa rin na tumingin doon upang maiwasan ang pagdududa ng kaniyang ina.
Ang Martial Pavilion ay ang lugar kung saan nakatago ang mga martial skills ng buong pamilya ng Li. Napaka importante ng lugar na ito kung kaya ay lagi itong binabantayan ng isa sa mga nakatatanda.
"Ika limang nakatatanda"
Nagbigay pugay si Duan Ling Tian sa nakatatandang nakatayo sa pintuan ng Martial Pavilion.
"Duan Ling Tian?"
Bahagyang nagulat ang Ika limang nakatatanda na si Li Ting nung makita niya si Duan Ling Tian.
Noong nakita niya ang mga pagbabago sa katawan ni Duan Ling Tian ay hindi niya mapigilang ang kanyang sarili at mahinang nagsabi "Ikaw…. Ikaw ay nakatungtong na sa unang antas ng Body Tempering Stage?"
Tumango at ngumiti ng bahagya si Duan Ling Tian.
"Ngayon ay mawawala na ang pagaalala ng iyong ina. Sige, pumasok ka na at mamili ng gusto mong Martial Skill sa loob."
At ngumiti si Li Ting.
Maganda ang kanilang naging samahan ng ika siyam na nakatatanda na si Li Rou.
Pagkasagot nito ay nagtungo na si Duan Ling Tian sa loob ng Martial Pavilion.
"Nakatungtong na si Duan Ling Tian sa unang antas ng Body Tempering Stage?"
Sabi ng ilang kabataan na kararating lamang sa Martial Pavilion habang sila ay nagtinginan sa isa't isa na may kasamang pagkagulat.
Para silang nakakita ng isang baboy na umaakyat sa puno o di kaya'y isang baka na kayang lumipad noong marinig nila ang balita tungkol sa pagtungtong ni Duan Ling Tian sa unang antas ng kanyang Body Tempering Stage.
Nagsimula na si Duan Ling Tian na magbasa ng iba't ibang martial skills sa loob ng Martial Pavilion.
At habang binabasa niya ito ay napansin niya na ang mga Martial Skills na pinakaiingatan ng pamilya Li ay napakaordinaryo lamang.
Ang lahat ng ito ay nabibilang sa Middle Grade o di kaya ay sa Yellow Rank martial skills na base sa kanyang opinyon ay mas mababa pa ang uri ng mga ito kaysa sa Military Boxing.
<Malalakas ang mga tao sa mundong ito. At ang Origin Energy ay mas higit na mas malakas kaysa sa Internal Energy sa aking nakaraang buhay. Mahirap seryosohin ang mga martial skills na ito dahil sa kawalan nito ng halaga at hinding hindi ako magsasayang ng oras upang aralin ang mga ito. Ang kaalaman sa Form at Will Boxing ay higit pa sa mga ito.>
Nakamit na ni Duan Ling Tian ang titulong Grandmaster sa Form at Will Boxing at nahigitan pa niya ang kanyang maestro.
Habang siya ay nagiisip hanggang sa puntong ito ay umalis na siya sa Martial Pavilion.
Napansin ng ika limang nakatatanda na lumabas ng walang dala si Duan Ling Tian at napuno ang kanyang mukha ng pagtataka.
Ito ang unang pagkakataon siya ay nakakita ng ganitong pangyayari.
"Ano? Hindi ka nakahanap ng angkop sa iyo?"
At tumango si Duan Ling Tian.
"Pfft!"
At isang malakas na tunog ng paghalakhak ang biglang pumasok sa mga tainga ni Duan Ling Tian.
"Mukha yatang hinahamak mo ang pinakaiingatang martial arts sa loob ng Martial Pavilion ng pamilya Li, Duan Ling Tian… Nakapagtataka kung anong uri ng martial skill ang palihim na itinuro sa iyo ng iyong ina upang magmalaki ka ng ganito? Narinig ko nakatungtong ka na rin sa wakas ang unang antas ng Body Tempering Stage; Maari mo ba akong turuan ng sa iilang mga galaw? Nangaasar na sabi ng boses na iyon.
Saka lamang napansin kung sino ang nagmamayari ng boses na iyon noong kanyang itaas ang kanyang ulo patungo sa pinangagalingan ng boses na kanyang naririnig.
Lingid sa kanyang kaalaman ay nagtungo rin pala si Li Xin sa Martial Pavilion ng puno ng galos at sugat sa kanyang mukha. Tinitigan niya si Duan Ling Tian ng may halong paghahamon.
"Phew, akala ko naman kung sino, iyon ay ikaw lang pala. Hehehe… Kumusta na ang iyong mukha? Masakit pa ba ito?"
At kahit na siya ay pahamon ng kinakausap ni Li Xin ay tumawa lamang si Duan Ling Tian imbes na ito ay magalit.
"Duan Ling Tian! Hinahamon kita sa isang pagtutuos sa harap ng ika limang nakatatanda! Malakas na ba ang iyong loob na tanggapin ang hamon ko!?" Malalim na sabi ni Li Xin kasabay ng malalim na paghinga.
Ang pangyayari tatlong araw na ang nakalilipas ay walang dudang nagdulot ng matinding kahihiyan sa kanya.
Wala ng ninais si Li Xin kundi ang maghiganti kay Duan Ling Tian sa tatlong araw iyon na lumipas.
At noong marinig niya ngayong araw ang usap usapang nakatungtong na ni Duan Ling Tian ang unang antas ng Body Tempering Stage ay agad itong nagmadali at naghamon na makipaglaban.
At sa kanyang palagay, ngayon na isa ng ganap na Martial Artist si Duan Ling Tian ay hindi na ito matutulungan ng kanyang ina kahit na gaano pa ito kagigil na tulungan na ito ayon sa panuntunan ng pamilya sa pakikipaglaban.
At siyempre, ang kanyang unang dapat gawin ay tanggapin ni Duan Ling Tian ang kanyang hamon.
Nanliit ang kanyang mga mata at ngumiti ng bahagya si Duan Ling Tian at nagsabing "At bakit naman hindi?"
"Huwag kang magpadalos dalos Duan Ling Tian!" Masungit na sinabi ng ika limang nakatatandang si Li Ting.
Si Duan Ling Tian ay nasa unang antas pa lamang ng Body Tempering Stage at wala pang nakukumpletong kahit anong uri ng martial arts. Kaya paano nito mapapantayan si Li Xin na nasa ikalawang antas na ng Body Tempering Stage. Ayon sa kanyang pananaw.
"Magaling Duan Ling Tian. Malakas ang loob mo."
Napakasayang humalakhak ni Li Xin dahil nagtagumpay ang kanyang mga binabalak.
"Maging saksi po kayo sa aming pagtutuos ika limang nakatatanda upang mapigilan ang paghadlang sa amin ng Ika siyam na nakatatanda.
Maikling tiningnan ni Li Xin si Li Ting ng may kasamang pagrespeto.
"Opo Ika siyam na nakatatanda, maging saksi nawa kayo… upang mapigilan ang pagiging hadlang ng ika pitong nakatatanda sa aming pagtutuos.
Iniiwasan ni Duan Ling Tian ang pagpapakita ng ano mang uri ng kahinaan.
Kung ito ay naganap ilang araw na ang nakalilipas ay mababalot ito ng takot kay Li Xin na nakapagkamit na ng ikalawang antas ng Body Tempering Stage…
Gayunman ay napagtanto niya na napakataas ng kanyang naging ekspektasyon sa kakayahan ni Li Xin nung makita niya ang mga martial arts sa loob ng Martial Pavilion ng pamilya Li.
"Masyadong padalos dalos ang batang ito! Bahala na, tuturuan ko na lang ito ng leksyon!"
Sumama ng husto ang itsura ni Li Ting habang siya ay nakatingin kay Duan Ling Tian na tumayo at lumabas ng Martial Pavilion.
Ang mukha ng mga miyembro ng pamilya Li na napapadaan sa Martial Pavilion ay punong puno ng pagkasabik dahil mayroon nanamang matinding pagtutuos na magaganap!
Tumayo at humarap sa isa't isa sina Duan Ling Tian at Li Xin sa isang bakanteng parte sa labas ng Martial Pavilion.
Si Li Ting naman na nagsisilbing isang saksi at tumayo sa kanilang mga gilid.
"Ibabalik ko sa iyo ng sampung beses ang kahihiyang ibinigay mo sa aking Duan Ling Tian!"
Isang mala demonyong ngiti ang nakita sa mukha ni Li Xin na para bang isda sa ibabaw ng isang sangkalan si Duan Ling Tian na handing handa na para patayin.
"Makikita natin kung mayroon ka talagang kakayahan." Sambit ni Duan Ling Tian habang siya ay tumatawa
Nagalit ng husto si Li Xin dahil sa mga sinabi ni Duan Ling Tian at sumigaw na "Humanda ka sa akin!"
Ibinaon niya ng bahagya ang kanyang mga paa sa lupa at mabilis na tumakbo na para bang isang mabangis na tigre na tumatakbo pababa ng bundok.
Fierce Tiger Fist!
Pumorma ang kanyang mga kamay na na lumikha ng isang current at mabilis na pumunta kay Duan Ling Tian.
"Isa itong Middle Grade Yellow Rang martial skill na tinatawag na Fierce Tiger Fist! Ang itsura ni Li Xin ay nakakakilabot at halatang siya ay nasa unang bahagi pa lamang ng pagsasanay sa Fierce Tiger Fist."
"Katatapos pa lamang makatungtong ni Duan Ling Tian sa unang antas ng Body Tempering Stage at wala pa siyang sinasanay na kahit anong martial skills. At tinanggap na nito ng walang takot ang hamon ni Li Xin. Hindi talaga siya natatakot mamatay!"
"Saksi ngayon ang ika limang nakatatanda at kahit na malubhang nasugatan si Duan Ling Tian ay hindi ito maaring matulungan ng kanyang ina na ika siyam na nakatatanda kahit na gaano pa kagalit ito."
Naguusap usap ang mga nakapaligid na miyembro ng pamilya Li. Walang sinuman ang pumapanig kay Duan Ling Tian sa labanang ito.
Malaki rin ang puwang ng lakas sa pagitan ng una at ikalawang antas ng Body Tempering Stage.
"Fierce Tiger Fist? Mukha namang kamao lamang iyan ng may sakit na kuting para sa akin."
Gumalaw ang magkabilang dulo ng bibig ni Duan Ling Tian na naglikha ng isang nakaiinsultong ngiti.
Para sa kanya ay napakarami pang mali sa paggamit ng martial art na iyon ni Li Xin at mayroon siyang daan daang paraan upang matapatan ito.
Sa huli ay pinili niya ang pinakadirektang paraan.
Deng!
Sa harap ng maraming tao ay tumakbo rin si Duan Ling Tian ng buong lakas at sinalubong ang atake ni Li Xin.
At bago pa man tumama ng mga kamao ni Li Xin sa kanya ay lumiyad ng patalikod ang itaas na bahagi ng katawan ni Duan Ling Tian at nakailag sa suntok ni Li Xin at tumalon ang siya nang sobrang taas hanggang sa bumagsak ito sa likuran nito.
"Ngayon na!"
Bumatak ang mga paa ni Duan Ling tian at ang kanyang katawan ay umikot.
Isinara nito ang kanyang kanang kamao at ang kanyang upper body ay lumiyad muli ng patalikod habang bumubuwelo ang kanyang mga braso.
At biglang parang naging isang palasong handa ng pakawalan si Duan Ling Tian at nagsimulang manginig ng kanyang gulugod.
At Biglang niyang pinakawalan ang kanyang kanang kamao kasabay ng kanyang katawan na naglikha ng napakatinding lakas na para bang isang landslide.
Collapsing Fist!
Matagumpay na nailagan ni Duan Ling Tian ang Fierce Tiger Fist ni Li Xin at ilang saglit pa ay sinuntok na ni Duan Ling Tian si Li Xin sa kanyang kanang balikat habang ito ay dinadala ng inertiang kanyang nilikha mula sa pag atake.
Kacha!
Pagkatapos nito ay narinig nila ang tunog ng pagkabali ng mga buto ni Li Xin.
Tumalsik si Li Xin sa ere habang matinis itong umiyak na para bang isang kinakatay na baboy.
Kahit na lamang ni Li Xin ng 20 pounds ang lakas ni Duan Ling Tian ay wala siyang nagawa para gamitin ang lakas niyang ito.
Bang!
Bumalibag ang katawan ni Li Xin sa lupa at siya ay matinis na umiyak habang nanginginig at namamaluktot sa sakit ang kanyang buong katawan.
Isang sandali ng katahimikan ang naganap…
Ang buong lugar ay natigilan.
Mula kay Li Ting hanggang sa bawat isang miyembro ng pamilya Li ay napanganga habang sila ay nakatingin na para bang hindi makapaniwala sa pangyayaring kanilang nasaksihan.
Para sa kanila, ang ginamit na Collapsing Fist ni Duan Ling Tian ay sadyang napakaperpekto!
Chapter 5: Henyong Martial Artist
Editor: LiberReverieGroup
"Anong uri ng martial skill ang ginamit ni Duan Ling Tiyan kani-kanina lang?"
"Hindi ito isang martial skill. Mukhang isa itong ordinaryong suntok pero malinis niyang nailagan ang Fierce Tiger Fist ni Li Xin pagtapos ay napakabilis na nagpunta sa likod nito, pinaikot ang kanyang katawan at saka sumuntok ng napakalakas sa loob lamang ng ilang sandali…. Paano niya nagawa ito!?"
"Niloloko mo ba ako? Paanong hindi naging isang martial skill ang napakalakas na galaw na iyon? Nagawa ni Duan Ling Tian na paghiwalayin ang balikat ni Li Xin gamit lamang ang isang suntok!"
...
Masiglang nagusap usap ang mga miyembro ng pamilya Li. Pero hindi nila talagang nakita ang ginamit na Collapsing Fist ni Duan Ling Tian.
Kahit na napakasimple ng galaw na iyon ay sadyang nakakagulat dahil sa mga kaya nitong gawin.
"Wasak na wasak ang balikat ni Li Xin at hindi na niya kayang maigalaw pa ang kanyang kanang braso!"
Huminga ng malalim at inusisa ng ika limang nakatatanda ang mga sugat at baling tinamo ni Li Xin. Kitang kita sa ika limang nakatatanda kanyang maikling pagkagulat nung tumingin ito kay Duan Ling Tian.
Nagawa ng isang nasa ika unang antas ng Body Tempering Stage ang isang napaka nakapamiminsalang pagatake?
Matapos utusan ang ibang nakabababang miyembro ng pamilya Li na dalhin si Li Xin sa pagamutan ay naglakad siya patungo kay Duan Ling Tian na kalmadong nakatayo sa isang tabi.
Sa mga sandaling ito ay nagkaroon siya ng kuro kuro na ang nakatayo sa kanyang harapan ay hindi isang bata kundi isang napakagaling na eksperto sa larangan ng Martial Dao.
"Ano ang tawag sa technique na ginamit mo kanina? Mas kumplikado pa kung titingnan ang mga pangkaraniwang mga martial skills pero naglabas ito ng napakatinding lakas na para bang isang landslide. Gaano katagal mo itong sinanay?"
Tanong niya kay Duan Ling Tian ng may kasamang pagkislap sa kanyang mga mata.
Kahit na hindi gaanong nakita ng ibang mga miyembro ng pamilya Li ang lalim ng galaw na ito ay nakita niya ito ng napakalinaw sa kanyang mga mata.
Napakasimple lamang ng galaw na iyon ngunit kaya nitong maglabas ng napakatinding lakas.
ang kanyang buong katawan ay nakasentro sa iisang lugar lamang sa loob lamang ng ilang saglit matapos pakawalan ni Duan Ling Tian ang kanyang suntok,
Isa tong galaw na napakahirap gawin kahit na ng isang taong sanay na sa high grade Yellow Rank martial skill.
Hindi, kahit na siguro ang mga sanay sa ordinaryong Profound Rank martial skills ay mahihirapang pa rin na gawin ang galaw na iyon!
Ang martial arts sa buong Cloud Continent ay nahahati sa apat na ranggo: Heaven, Earth, Profound at Yellow. Heaven bilang pinakamataas at Yellow bilang pinakamababa.
At ang bawat ranggo ng isang martial skill ay nahahati sa apat na grade. Ito ay ang high, middle at low.
Mayroon lamang ang pamilya Li na isang high grade na martial skill bukod sa mga low at middle grade martial skill na nakatago sa loob ng Martial Pavilion. Ito ay ang Wind Chaser Palm.
Ang mga maaaring lamang magsanay at gumamit nito ay ang mga miyembro ng pamilya Li na nabibilang sa Core Formation Stage o mas mataas pa rito.
Pero alam ni Li Ting na kahit na makumpleto mo ang iyong pagsasanay sa Wind Chaser Palm ay hindi parin nito kayang tumbasan ang galaw na kanyang nakita sa laban kanina.
"Tinatawag itong Collapsing Fist!" sabi ni Duan Ling Tian. Hindi na siya nagsabi ng kahit ano tungkol sa haba ng oras na kanyang iginugol upang sanayin ito.
Paano niyang sasabihin na sinanay niya ito sa loob ng mahigit na sampung taon?
Isa sa limang Elemental Fist moves na galing sa Form at Will Boxing ang Collapsing Fist na isang uri ng direktang suntok.
At kinakailangang ikubli ang pagkuha ng lakas at magbigay ng isang hindi napakabilis na hindi inaasahang pag atake na tatagos hanggang sa mga internal organs ng kalaban. Isa itong uri ng Fist Technique na may napakalakas na penetrating capabilities.
Mukhang napakadali kung titingnan ang Collapsing Fist. Ngunit ang pagkuha ng lakas nito ay manggagaling sa buong katawan kasama na ang mga internal organs.
Upang makuha ang parehong lakas at galaw ng ginawa ni Duan Ling Tian ay nangangailangan ito ng higit sa sampung taon ng matinding pagsasanay.
"Ika limang nakatatanda, ako po ay uuwi na. Tungkol naman po sa pangyayari kanina ay alam niyo naman po kung sino ang naghamon at nagsimula ng laban na ito. Sana po ay maging saksi po kayo para sa akin." Sabi ni Duan Ling Tian
Pagkatapos ay tumalikod ito at umalis.
"Isang Collapsing Fist? Kahanga hanga ang batang ito! Matagal ng itinatago sa iyo ito ng iyong anak Li Rou at naghihintay lamang siya ng tamang panahon upang maipakita ito!"
Nagbuntong hininga si Li Ting at sinubukang alisin ang kanyang pagkabalisa sa nangyari.
Napansin niya na ang Collapsing Fist na ginamit ni Duan Ling Tian ay hindi ganoon kadaling sanayin. Naniniwala siya na itinatago lamang ni Duan Ling Tian ang kanyang totoong lakas at kahinaan habang naghihintay sa tamang panahon.
Nagsialisan na rin ang mga miyembro ng pamilya Li na nanood sa laban.
Alam nilang lahat na ang katakot takot na suntok na ginawa ni Duan Ling Tian ay tinatawag na Collapsing Fist!
"Nakakatuwa!"
Matapos makauwi ay huminga ng napakalalim si Duan Ling Tian na tila ba nabunutan siya ng isang malaking tinik habang isang sandali ng ngiti ang nakita sa kanyang murang mukha.
Ito ang unang beses na ginawa niya ng walang pagaalinlangan ang parehong Form at will Boxing sa mundong ito mula ng dumating siya rito!
Sa mga sandaling iyon ay naramdaman niya na parang siya ay bumalik sa nakaraan niyang buhay na puno ng karahasan at pagkasabik.
Noong siya ay makabalik sa kanyang silid, napansin niya na sasapat na lamang sa dalawang pagligo ang natitira niyang Seven Treasures Body Tempering Liquid.
"Mukhang kailangan ko na magpabili ulit kay ina ng mga sangkap sa paggawa ng gamot."
Sinanay niya ng maigi ang kanyang sarili sa Nine Dragons War Sovereign Technique habang siya ay nakaupo sa kanyang batya at naliligo sa gamot na kanyang ginawa. Ngunit lingid sa kanyang kaalaman, ang kanyang pagkapanalo laban kay Li Xin ay magsisimula ng matinding kaguluhan sa dating matiwasay na pamilya Li.
"Oy! Narinig mo na ba ang balita? Nakumpleto na raw ng anak ng ika siyam na nakatatanda ang kanyang Body Tempering at tumungtong na sa unang antas ng Body Tempering Stage!"
"Pfffft! Matagal ko ng alam yan. Pero alam mo ba na bukod sa pagtungtong ni Duan Ling Tian sa unang antas ng Body Tempering Stage ay malubha niya pang nasugatan at naparalisa ang kanang braso ni Li Xin sa isang labanan na sinaksihan ng ika limang nakatatanda!
"Talaga!? Nasanay na ni Li Xin ang Low Grade martial skill na Fierce Tiger Fist at siya ay nasa ikalawang antas na ng Body Tempering Stage! Huwag mong sabihin na hindi niya kayang talunin ang isang nasa unang antas pa lamang ng Body Tempering Stage na si Duan Ling Tian?"
"Walang kwenta yang Fierce Tiger Fist na yan! Napakasimple lamang ng Collapsing Fist ni Duan Ling Tian. Sadyang napakasimple pero nakakikilabot! Kahit na ang ika limang nakatatanda ay namangha rito…"
...
Ang epekto ng Collapsing Fist ni Duan Ling Tian ay gumrabe ng gumrabe ayon sa mga kuwento habang patuloy na kumakalat ang balita ng naging laban nila Duan Ling Tian at Li Xin.
Sinabi ng ilang miyembro ng pamilya Li na ito raw ay isang Profound Rank martial skill, ang iba naman ay nagsasabing isa raw itong Earth Rank Martial Skill. Mangilan ngilan naman ang nagsasabi na ang Collapsing Fist dawn a ginawa ni Duan Ling Tian ay isang Heaven Rank martial skill!
Sa loob ng isang silid sa isang napakalaking patyo ng pamilya Li…
Tinitingnan ni Li Kun ang nabaling braso ng kanyang anak habang siya ay nakatayo sa gilid ng kama kung saan nakaratay si Li Xin.
Naririnig niya pa rin sa kanyang mga tainga ang sinabi ng Pinaka nakatatanda na "Kakayanin ng Grade Nine Gold Injury Pill at pahinga ito kung isa lamang itong ordinaryong bali sa buto ika pitong nakatatanda. Pero ang balikat ng iyong anak na si Li Xin ay talagang wasak na wasak… Hindi parin nito magbabago iyon kahit na makuha mo pa ang huling Grade Eight Gold Injury Pill galing sa ama… Ako'y nakikiramay sa iyo."
"Duan Ling Tian, Papatayin kita… Kailangan mo nang mamatay!!"
Dumilat ng malaki ang mga mata ni Li Kun at kumislap dahil sa kanyang matinding galit habang nagngangalit ang kanyang mga ngipin at nakasara ng mahigpit ang kanyang mga kamay; Lumabas ang malakas na Origin Energy sa kanya habang siya ay umuungol.
"Kumusta na po ang aking nakababatang kapatid ama?"
Sa ilang sandali lang ay isang nagmamadaling boses ang narinig niya mula sa labas habang isang tao ang nagmamadaling pumasok sa silid.
Ang taong ito ay si Li Jie. Siya ang pinakamatandang anak ng ika pitong nakatatanda at maituturing na isang henyo sa larangan ng martial arts sa buong pamilya Li.
Nakatungtong na siya sa ika apat na antas ng Body Tempering Stage sa edad na labing anim. Nasanay na rin niya ang Middle Grade Yellow Rank martial skill na Falling Leaf Palm.
Ang mga miyembro ng pamilya Li ay maituturing ng matanda sa edad na labing anim.
Matapos ang seremonya sa pagtungtong nila sa edad na iyon ay ipadadala sila sa isa sa napakaraming negosyo ng pamilya Li sa Fresh Breeze Town at kahit na si Li Jie ay hindi nakaligtas sa resposibilidad na ito.
Nagmadali siyang umuwi nung malaman niya ang balitang nasugatan ng malubha ang kanyang kapatid na si Li Xin.
Huminga ng malalim si Li Kun at malalim na sinabi "Naparalisa ang kanang balikat ng iyong nakababatang kapatid Jie. Walang magawa ang kahit na sino kabilang ang pinakanakatatanda."
"Ano?!"
Nanginig ang buong katawan ni Li Jie na para bang ito ay tinamaan ng kidlat.
Ang pinakanakatatanda sa pamilya Li ay isang kilalang Grade Nine Alchemist sa buong Fresh Breeze Town! Kahit na siya ay hindi kayang gamutin ang mga sugat ng kanyang nakababatang kapatid. Malinaw na sa kanya ang ibig sabihin nito.
"Nakababatang Xin…"
Nanlaki rin ang mga mata ni Li Xin na nagliyab sa galit na hindi bababa sa galit na nararamdaman ni Li Kun!
Ang kanilang ina ay namatay habang ipinapanganak ang kanyang nakababatang kapatid. Inaalagaan niya itong maigi mula noong ito ay ipinanganak… At kahit na anong gusto niya ay siya namang binibigay ni Li Jie mapa pagkain man ito o laruan.
At ngayon na paralisado na ang kanang balikat ng kanyang nakababatang kapatid na sumira sa kanyang magiging kinabukasan. Napuno ng matinding galit si Li Jie!
"Sigurado po ba kayong si Duan Ling Tian iyon?" Tanong ni Li Jie habang siya ay nakatingin kay Li Kun.
"Noong marinig niya ang balita, hindi makapaniwala si Li Jie bukod sa pagaalala niya kay Li Xin… Paanong ang isang basurang kagaya ni Duan Ling Tian na kakukumpleto lamang ng kanyang Body tempering ay may kakayahang sugatan ng ganito katindi ang aking nakababatang kapatid?
"Oo, nakipagusap na ako sa ika limang nakatatanda. Si Duan Ling Tian nga iyon! Tatlong araw na ang nakalilipas at hindi manlang makakumpleto ng Body Tempering ang basurang iyon. Pero sinong makapagaakala na hindi lang siya nakatungtong sa unang antas ng Body Tempering Stage, natalo niya rin ang iyong nakababatang kapatid gamit ang sinasabi nilang high ranked martial skill na tinatawag na Collapsing Fist!" Tugon ni Li Kun habang nagngangalit ang mga ngipin nito.
"Collapsing Fist ng unang antas ng Body Tempering Stage huh?"
Malamig na tumawa si Li Jie at ang kanyang tingin ay parang isang makamandag na ahas. "Sumunod po kayo sa akin ama!"
Sa isang tahimik sa patyo.
"Ipinadala niyo raw po ako rito ina. May nangyari po ba?" Sabi ni Duan Ling Tian na kagagaling lang sa kanyang silid matapos maubos ng kanyang katawan ang Seven Treasures Body Tempering Liquid at nakita niya ang kanyang ina na si Li Rou na mukhang napahiya.
Tumingin ng tila walang kalam alam si Li Rou sa kanyang anak.
Hindi pa rin siya makapaniwala sa kanyang mga narinig kani kanina lang.
Para sa kanya, ang kanyang anak na nakakumpleto at nakatungtong sa unang antas ng Body Tempering Stage ay isang mahirap na bagay. Pero itong batang ito na nagpunta lamang sa Martial Pavilion ay pumaralisa sa bunsong anak ng ika pitong nakatatanda at hindi na ito kayang gamutin pa!
"Collapsing Fist… Maari mo bang ipaliwanag sa akin kung paano mo natutunan ang martial skill na iyan na siyang ikinamamangha ng ika limang nakatatanda hanggang ngayon?"
Nagpakita ng matamlay na ngiti si Li Rou nang tingnan niya ang kanyang anak na si Duan Ling Tian.
"Kung sasabihin ko po sa inyo ina na ang nagturo nito sa akin ay ang matandang lalaki sa aking panaginip ay maniniwala po ba kayo?"
Matapos nito ay makikita ang dismayadong ngiti ni Duan Ling Tian.
"Malaki ka na Tian… At dahil may mga lihim ka ng hindi mo kayang sabihin sa akin ay hindi na kita pipilitin pa. Pero lagi mong tatandaan na kahit anong manyari ay naandito ako palagi para sa iyo!"
Malalim na tumingin si Li Rou kay Duan Ling Tian at matamlay na huminga ng malalim.
"Ina."
Nanamlay bigla si Duan Ling Tian at namula ang kanyang mga mata ng bahagya.
Matapos ang ilang sandali ay nakarinig ang mag ina ng isang nakakairitang boses na para bang isang langaw ang nanggagaling sa labas. "Ika siyam na nakatatanda! Magpakita raw po kayo kay Li Kun sa labas!"
"At naglakas loob siyang magpunta rito?"
Mahinang kumislap ang mga mata ni Li Rou.
Sa sumunod na sandali ay lumakad papunta sa patyo ang ika pitong nakatatandang si Li Kun at ang kanyang panganay na anak na si Li Jie habang masamang nakatingin kay Duan Ling Tian.
"Ika pitong nakatatanda, hindi ka naman siguro nagpunta rito upang guluhin ang aking anak hindi ba?" Humakbang sa harap ni Duan Ling Tian si Li Rou na para bang pinoprotektahan niya ito at ngumiti.
"Huwag kang magalala ika siyam na nakatatanda… Ang laban sa pagitan ng iyong anak na si Duan Ling Tian at ng aking anak na si Li Xin ay nasaksihan ng ika limang nakatatanda. Ito ay nagresulta sa pagkaparalisa ng kanyang braso dahil sa kanyang kahinaan at wala na siyang maaaring takbuhan pa kung hindi ang kanyang sarili."
Huminga ng malalim si Li Kun habang itinatago ang galit sa kanyang puso.
"Ngunit ano ang sadya rito ng ika pitong nakatatanda…?"
Nagtaka si Li Rou matapos marinig ang sinabi ni Li Kun sa kanya.
"Maligayang pagbati ika siyam na nakatatanda," sabi ni Li Jie habang ito ay nakatayo sa tabi ni Li Kun.
Kumislap ang mga mata ni Li Jie habang siya ay nakatingin kay Duan Ling Tian matapos niyang batiin ang ina nito na si Li Rou.
"Ika siyam na nakatatanda, sinundan lamang ako ng aking ama papunta rito… Narito ako upang hamunin si Duan Ling Tian sa isang labanan. Narinig ko na ang kanyang ipinagmamalaking Collapsing Fist ay sadyang hindi mapapantayan."
Biglang nanlamig si Li Rou matapos marinig ang sinabing ito ni Li Jie.
"Ikaw nga si Li Jie kung hindi ako magkakamali. Mas matanda ka ng isang taon sa aking anak at nakatungtong na sa ikaapat na antas ng Body Tempering Stage habang ang aking anak ay nasa unang antas pa lamang ng Body Tempering Stage… Hindi ka ba nahihiya sa iyong sarili na hamunin siya?" sabi ni Li Rou habang siya ay nakatingin kay Li Jie.
"Ika siyam na nakatatanda, si Duan Ling Tian ay hindi isang ordinaryong martial artist na nakatungtong sa unang antas ng Body Tempering Stage. Madali niyang natalo ang aking nakababatang kapatid at ang kanyang lakas ay hindi mapapantayan!"
Ngumiti si Li Jie na para bang hindi niya napapansin ang panlalamig sa mukha ng ika siyam na nakatatandang si Li Rou.
At bago pa man malupit na paalisin ni Li Rou ang kanyang mga bisita ay biglang umalis si Duan Ling Tian sa likod ng kanyang ina.
"Matatanggap ko ang iyong hamon, pero sa isang kundisyon!"
Gifts
-- Gift
received Weekly Power Status
200+ Power
Ranking 
138 Power
stone 
Paragraph comment