Chapter 395: Ang Walang Awa na si Luo Feng

Makikita ang limang nakahandusay na bangkay sa madamong bahagi na iyon ng area na kinatatayuan ni Luo Feng. Nakapagbigay ng takot ang lakas ni Luo Feng sa payat na lalaki. Tiningnan nito nang husto si Luo Feng at inisip na, "Masyado itong malakas. Origin laws ito kung hindi ako magkakamali, origin laws nga. Nagawa na niyang makapunta sa konsepto ng universe origin laws. Anong gagawin ko, ano na ang gagawin ko. Hindi na sasapat ang dami ng points ko ngayon para makapasok sa top 1,001 ng unang mundo. Katapusan na ng lahat sa oras na mamatay ako rito."

 "Isa siyang spirit reader na mayroong isang flying type na spirit weapon. Mas mabilis din ang kanyang paglipad kaysa sa kasalukuyang bilis ng aking pagtakbo. Kaya hinding hindi ko magagawang tumakas kahit na subukan ko pa." Maraming bagay ang mabilis na pumasok sa isipan ng payat at kayumangging binata na ito.

 "Kaibigan!"