Chapter 444: Kalakasan na sumisira ng kapangyarihan ng pera
Editor: LiberReverieGroup
Matagal bago ma-brainwash ni Ye Wan Wan si Xu Yi. Ang pinaka-punto niya ay pinipilit ni Ye Wan Wan na isumbong sa kanya si Xu Yi ang bawat galaw ni 9th master, kapag nagalit si Si Ye Han, tutulungan agad siya ni Ye Wan Wan.
Kung hindi niya man matulungan si Xu Yi, andyan naman si old madam!
Sa ngayon, malinaw kay old madam na inoobserbahan ni Ye Wan Wan ang pagpapagaling ni Si Ye Han at malamang papanig siya kay Ye Wan Wan sa ganitong trabaho.
Siguro dahil masaya at komportable si Si Ye Han sa taong gusto niya? Inobserbahan ni old madam ang kanyang apo na tunay nga na komportable siya kapag kasama niya si Wan Wan.
At napansin na ang natuklasan niya ay hindi nagkataon lamang; totoo nga na nakakatulog ng maayos si Little 99th kapag malapit sa kanya si Wan Wan.
Hindi lang siya sigurado kung anong ginagawa ni Ye Wan Wan para mag-iba ang kondisyon ni Si Ye Han...
Ayon nga naman sa imbestigasyon ni Zhong Li, dalawang taon nang magkasama si Ye Wan Wan at Little 9th. Sa loob ng dalawang taon na iyon, hindi naging maayos ang kondisyon ni Little 9th kaya hindi rin umasa si old madam kay Ye Wan Wan para sa kalagayan ng apo niya. Sa kondisyon ngayon ni Little 9th, kahit umayos man o hindi ang kanyang kalusugan...
Kahit si Dr. Sun na ang nagsabi na walang medikasyon ang makakasalba sa buhay ni Si Ye Han, bakit nga naman siya aasa sa isang hamak lang na babae...
Pagkaalis ni Ye Wan Wan sa lumang residensya ng Si family, ang una niyang ginawa ay magsalu-salo sa bahay ng magulang niya.
Habang hapunan, natural na tinanong ng kanyang magulang ang tungkol sa boyfriend niya. Ngunit sa kondisyon ngayon ni Si Ye Han, sinabi na lamang ni Ye Wan Wan na abala sa trabaho ang boyfriend niya pero dadalhin niya pa rin ang lalaki kapag may libreng oras na ito.
Pagkatapos, nagmaneho kaagad si Ye Wan Wan sa kanyang opisina.
Bumalik si Ye Wan Wan sa opisina niya, binuksan niya ang kompyuter at isinaayos niya ang ilang emails at ibang mga publicity sa mga magazines at dyaryo. Pagkatapos ay tumungo siya sa training room para hanapin si Luo Chen.
Ang batang lalaki ay napaka-masipag - pumapatak ang mga pawis niya sa pag-eensayo sa training studio.
Karapat-dapat at angkop talaga sa kanya ang lahat ng binuhos na pagsisikap ni Ye Wan Wan sa kanya.
Kahit nagsimula sila ng maayos na pundasyon sa pagiging manager niya kay Luo Chen, hindi ibig sabihin nito na wala na silang haharapin na problema sa industriya.
Mas matindi na ang kompetisyon ngayon - ang ilan sa mga kalaban niya para sa male lead at supporting role ay mga A-listers o mas mataas pa. Ang kalamangan lang ni Luo Chen ay siya ang orihinal na aktor na umarte bilang si Lin Luo Chen.
Malaking konsidersyon man na makuha nila ang "orihinal na cast" ngunit hindi lang ito ang dapat bigyan ng importansya at marami pang kailangang pahalagahan. Ang opinyon ng mga sponsors, lalo na kung tungkol sa kasikatan ng mga artista, ay malaki rin ang tungkulin nito sa industriya.
Isa lang ang pinaka naging kakumpetensiya ni Luo Chen ngayon - ang aktor na pinili sa role ni Lin Luo Chen sa unang buhay ni Ye Wan Wan.
Simula noong nabuhay muli si Ye Wan Wan, nagbago rin ang kapalaran ng buhay ni Luo Chen, pero hindi sigurado si Ye Wan Wan kung sapat ba ang pagbabago ng kapalaran niya pagdating sa darating na casting ngayon o kung matutulad ba ito sa nangyari sa una niyang buhay.
Sa unang buhay ni Ye Wan Wan, ang nakakuha ng male lead sa "Terrifying Dragon 2" ay ang orihinal na male lead, isang sikat na artista na nasa ilalim ng Ye family Emperor Sky Entertainment na si Ling Shao Zhe.
Sabay na nagsimula sa pag-aartista si Luo Chen at Ling Shao Zhe at sumikat sila sa kanilang role sa "Terrifying Dragon."
Sa panahon noon, kahit umartek lang si Luo Chen bilang supporting role, mas lalong sumikat ang role niya kaya mas sumikat siya kaysa sa male lead na si Ling Shao Zhe.
Ngunit ngayon, si Ling Shao Zhe ay isa na sa mga makapangyarihan sa Emperor Sky Entertainment. Maikukumpara ang kasikatan niya sa mga artistang sina Han Xian Yu at Gong Xu kaya sa mata ng mga manonood, naglaho na parang bula si Luo Chen.
Sa una niyang buhay, naging malaking problema ang supporting role ng "Terrifying Dragon 2." Hindi dahil makakamangha ang kakayahang umarte ni Ling Shao Zhe, at hindi rin dahil sa siya ang pinaka-sikat na artista laban sa mga kakumpetensiya niya, pero dahil siya ay ang godson ng isang sponsor.
At walang magagawa si Luo Chen kundi… umasa na lamang sa abilidad niya.
Ang klase ng abilidad na kayang sirain ang kapangyarihan ng pera...
May mga nasayang na oras si Ye Wan Wan dahil sa pagsama niya kay Si Ye Han sa country B. Ngayon na tatlong araw na lang at magsisimula na ang casting, kailangan niya nang bilisan ang diskusyon ng kanyang plano para kay Luo Chen.
Tumigil sa kakaisip si Ye Wan Wan kaya tinawag niya ang batang nag-eensayo sa training studio: "Luo Chen!"
Lumaki ang mata ng binata nang makita niya ang lalaki sa pintuan. Pinunasan niya na rin ang kanyang pawis at mabilis siyang tumakbo papunta sa may pintuan. "Ye-ge!"
Gifts
-- Gift
received Weekly Power Status
-- Power
Ranking 
-- Power
stone