章節 718: Paano Niya Nagawang Pagtaksilan Ako Ng Ganito?

"Huwag kang masyadong maging malupit sa iyong mga sinasabi," walang magawang paalala ni Xiao Yuhe.

"Ito ba ang unang araw na nakilala mo ako? Hindi naman yata sa hindi mo alam na ako ay ganito na," kaswal na sagot ni Song Xin.

Tama si Song Xin, kinikilala ni Xiao Yuhe ito sa kanyang isip. Alam na niya na si Song Xin ay ganito mula sa umpisa, ngunit hindi niya maiwasan na tratuhin ito ng walang panghihinayang.

...

Sa totoo lang, isa sa mga dahilan kung bakit hindi siya nagpilit para samahan siya ni Duan Jinghong ay dahil napakatagal ng panahon na nang huling makapiling ni Duan Jinghong ang kanyang mga magulang. Ngunit, ang iba pang dahilan ay, kapag naiisip niya ang tungkol sa kahanga hangang bagong imahe ni Daun Jinghong pagkatapos nitong bumalik, si Song Xing ay nakaramdam ng lubhang pagkailang.

Hindi niya maaaring tiisin ang katotohanan na ang kanyang 'tagasunod' ay biglang naging mas kaakit akit at nakahahalina sa mata kaysa sa kanya.