章節 100: Chapter 100

Nanginginig na papalapit si Ashley sa may pintuan upang mabambo ang magnanakaw.  Dahan dahang bumukas ang pinto at ulo muna ang kanyang nakita.  Inihanda niya ang sarili at itinaas ang mga braso na hawak ng kamay ang baseball bat sabay pikit ng mata para hambalusin ang magnanakaw... 

 "Isa, dalawa, tatlooooo!"  Hahampasin na sana niya ng bigla siyang makarinig ng napakalakas na sigaw...

"STOP!!!  Ako ito, ang asawa mo!!!"  Sabay pasok ni Tanaga at niyapos ang asawa.  "Woman, what are you trying to do, kill me?" Bulong ni Tanaga sa ke Ashley na nanginginig pa rin sa takot, habang pilit niyang tinatanggal sa kamay ang baseball bat na napaka-higpit ang hawak.

Biglang natulala si Ashley sa bilis ng pangyayari at nanigas na parang tuod.  Dahan-dahang niyang ibinukas ang isang mata, kasunod ang pangalawa.  Tumingin at inaninaw maiigi kung si Tanaga nga ang naka yapos sa kanya.