章節 472: Ang 2nd Tier Company

Sa loob ng meeting room sa 86th floor ng Ping Hai Company building na nakatayo sa Ganwu Continent ng Virtual Universe.

Ang isang panig ay binubuo ng mga matataas na opisyal ng Ping Hai Company habang ang isa ay binubuo ng matataas na opisyal ng Ganwu Division Investment department ng Virtual Universe Company.

Nagpalitan ng mga dokumento sina Xu Xin at Bo Te Lai, makikita sa mga ito ang pareho nilang pirma.

 "Ikinagagalak kong makipagnegosyo sa inyo!"

 "Ikinagagalak ko ring makipagnegosyo sa inyo!"

Ngumiti si Xu Xin at tumayo habang dala-dala ang isang wine glass. "Kinakailangan nating ubusin ang ating mga drinks matapos pumirma bilang selebrasyon sa pagtatagumpay ng kasunduang ito, isa itong nakagawian sa Earth, kinakailangan niyo pong subukan ang pinakabago naming tsaa mula sa Ping Hai Company, Mr. Bo Te Lai."

 "Ah?" Ngumiti at tinanggap ni Bo Te Lai ang inumin. "Ubusin ang ating mga drinks bilang selebrasyon? Bago ang bagay na ito."