章節 506: Kung ayaw nila sayo, pakakasalan nalang kita (7)
編輯: LiberReverieGroup
Binigyan kaagad ni Lin Qianqian ng ibig sabihin ang mga ikinikilos ni Xu Jiamu kaya hindi nagtagal ay lalo pa siyang naging mas malambing.
Kung dati madalas pagtulakan ni Xu Jiamu si Lin Qianqian, pwes ngayon naisipan niyang sakyan ito. Hindi niya tinitignan si Song Xiangsi at tanging dito lang ang kanyang atensyon.
Mula noong magumpisa ang dinner, hindi man lang siya tinignan ni Song Xiangsi na para bang wala itong pakielam sakanya kaya noong sinubuan siya ni Lin Qianqian, bigla siyang nawalan ng pagasa dahil pakiramdam niya ay walang kwenta ang mga ginagawa niya kaya naisipan niyang mas mabuti kung aalis nalang siya pero noong magbabayad na sana siya ng bill, may biglang lumapit sakanya.
Bigla siyang napangiti nang makita niya kung sino ang taong lumapit sakanya. "Bro…"
Bago niya pa matapos ang sinasabi niya, bigla nalang hinila ni Lu Jinnian ang kanyang kwelyo. Hindi na nakaiwas si Xu Jiamu dahil masyadong mabilis ang pangyayari.
Pati ang kasama niyang si Lin Qianqian ay nagulat din kaya bigla itong napatayo. "anong ginagawa mo…"
Nang marinig ni Lu Jinnian ang boses nito, tinignan niya ito ng masama, na para bang kaaway niya galit na galit siya rito, at pasinghal niyang sinabi, "Wag mo akong kausapin, ang sakit sa tenga."
Nanginginig sa takot si Lin Qianqian kaya hindi niya na itinuloy ang pagtatanong.
Nabigla si Lin Qianqian sa sobrang pagkaprangka ni Lu Jinnian dahil mula pagkabata ay spoiled na talaga siya kaya hindi siya sanay na masigawan. Habang nakatingin sa galit na galit na si Lu Jinnian, napakagat nalang siya ng kanyang labi at hindi niya na napigilang umiyak.
"Bro, ano bang ginagawa mo?" Mahinahong tanong ni Xu Jiamu. Kahit na hindi gusto ni Xu Jiamu kay Lin Qianqian, nabastusan pa rin siya sa ginawa ni Lu Jinnian.
Hindi sinagot ni Lu Jinnian ang tanong ng kanyang kapatid at walang emosyon niya itong hinila papunta sa CR.
-
Naubos na ni Qiao Anhao ang tsaa na ibinigay sakanya ni Lu Jinnian pero hanggang ngayon ay hindi pa rin ito bumabalik kaya naisipan niyang tawagan na ito. Hindi nagtagal, narinig niya na may nagriring na phone sa tabi niya.
Nakita niya ang phone ni Lu Jinnian na naiwanan sa bakenteng upuan na katabi nito kanina.
Sinubukan niyang maghintay pa ang ilang sandali pero noong hindi niya na kinaya ang pagkabagot, nagdesisyon na siyang lumabas ng kwarto para hanapin si Lu Jinnian.
Pagkalabas na pagkalabas niya ng elevator, nakita niya kaagad si Lu Jinnian. Nakatayo ito sa front desk na parang may tinitignan ng masama.
Gusto niya sanang tumakbo para lapitan ito pero bigla siyang natigilan at sinundan ang direksyon ng mga mata nito. Nakita niya si Xu Jiamu na nakaupo malapit sa bintana. May kasama itong magandang dalaga na mukhang pamilyar pero hindi niya maalala.
Masyadong intimate si Xu Jiamu at ang nasabing babae. Minsan nagsusubuan pa ang dalawa ng pagkain at may isang beses pa nga na binulong si Xu Jiamu na sobrang nagpangiti sa babae.
Pero nagulat nalang siya noong biglang lumapit ang galit na galit na si Lu Jinnian para hilain si Xu Jiamu papunta sa CR ng hindi inaalintana ang mga taong nakatangin.
-- 收到的禮物 
-- 推薦票
榜單 
-- 推薦票